رحلة الاستجمام إلى طابا وقلعة زمان وقلعة صلاح الدين و خليج الفيورد
بما ان طابا من اجمل الاماكن فى مصر وجزء غالى وعزيز علينا كلنا قررنا نقولكم على برنامج سياحي لمدة 4 ايام فى رحلة ممتعة وظريفة واماكن راقية تستحق الزيارة فى طابا .
البرنامج دة مجرب وهنعرض لكم فيه صور كل شئ سواء صور الفندق اللى هنتكلم عنه أو صور مزارات طابا اللى هتروحها فى البرنامج وهنقولك كمان على سعر الرحلة بالتفصيل .. بأمكانك تروح لوحدك او من خلال شركة سياحة
هتتحرك لطابا عبر طريق نخل وبعد ما تعدي النفق هتقف فى حدود 2 رست فى الطريق. حاول تتحرك يوم السفر بليل متأخر عشان توصل طابا الصبح .. الطريق لو من طريق نخل هياخد حوالى من 7 الى 8 ساعات ان شاء الله ودا هيكون حسب الزحام الموجود فى النفق .
هتوصل فندق هناك اسمه " الوكالة " أحد فنادق منتجع طابا هايتس وهو فندق 4 نجوم فى منطقة الوكالة بيطل على الوكالة والفندق داخل المنتجع مش على البحر وفى اكوا بارك صغيرة .
والاقامة بالفندق بتكون اقامة كاملة شاملة الافطار والغداء والعشاء والمشروبات
الفندق مميز لانه في أهم منطقة فى المنتجع اللى فيها الكافيهات و كهف الملح جمبك خطوة من الغرفة وعندك الصيدلية والماركت والبازارات جمب الاوتيل مباشرة .
الغرف مطلة على منطقة الوكالة والحديقة يعنى نظام الغرف معمول بطراز محدد ظريف ومطلة على المنطقة المحيطة بالوكالة ..
وفى بس 10 غرف مطلين على حمام السباحة ودول لهم فرق سعر هنقولك عليه فى آخر المقال
الفندق فيه حمام سباحة ظريف جدا وفيه اكوا بارك وكمان فى عربية مجانية بتطلع من الفندق كل ساعة بتوديك وترجعك من البلاج .. وللعلم بلاج كافة الفنادق بالمنتجع متاحة لاى نزيل باى فندق داخل المنتجع يعنى ممكن تنزل فى بلاج اى فندق عادى من فنادق
المنتجع مع العلم ان الاوتيل ال هننزل فيه ليه بلاج خاص وبار مشروبات وحمام سباحة تانى على البحر دا غير ان فى مارينا رائعة فى البلاج
اليوم الاول : (الاستمتاع بالفندق )
هيكون للبلاج البسين هتقضيه فى الفندق وبالليل القعدة فى الفندق مميزة للناس اللى بتحب الهدوء والاستجمام .
اليوم التانى : ( زيارة قلعة زمان )
بعد الإفطار والاستمتاع بحمام السباحة لازم تعمل زيارة لمكان عمرك ما هتنساه فى حياتك وهو قلعة زمان
خد معاك البشكير بتاع الاوتيل ولبس البحر عشان تتحرك على قلعة زمان واللى ممكن تقضى فيها يومك من 1 م الى 7 م
(ملحوظة مهمة القلعة لا تستقبل اطفال اقل من 16 سنة) يعنى برنامج اليوم دا خاص بالناس ال اولادهم كبار او الشباب او العرسان اللى مش معاهم اطفال صغيرين .. والناس اللى هيروحوا الرحل ومعاهم اطفال ممكن يقضوا اليوم فى الاوتيل ولو حابين يعملو رحلة بحرية ممكن جدا .
.jpg)
قلعة زمان - طابا
اليوم التالت : (رحلة بحرية لجزيرة فرعون )
هتستمتع فى الاوتيل على البلاج والبسين وفى برنامج اختيارى متاح للناس اللى حابين يعملو رحلة بحرية لجزيرة فرعون باليخت
وفى الفندق اللى بنتكلم عنه " فندق الوكالة " فيه العاب فى بلاج الفندق بأسعار متفاوتة زى البنانا بوت الباراسيلينج .
اليوم الرابع : ( زيارة خليج الفيورد - جزيرة فرعون)
هتفطر وبعد كده تتحرك بالباصاو العربية لطريق العودة وهتعدى فى طريقك على خليج الفيورد هتقف وتتصور هناكوتشوف جمال الطبيعه والمنظر يجنن
وبعد كده هتطلع على منطقة صلاح الدين وتركب المركب عشان توصل لجزيرة فرعون وتطلع القلعة فوق الجبل فى وسط البحر وتعمل الزيارة بتاعتك للمكان الرائع دة وترجع للقاهرة تانى بعد ما تكون خدت 4 ايام فى طابا فى هدوء واستجمام ملهمش حل
ودة بردو برنامج سياحى تانى لطابا ممكن تشوفه من خلال المقال دة : أفضل برنامج سياحي لطابا هيخلى تجربة سفرك متتنسيش
قلعة صلاح الدين - جزيرة فرعون - طابا
خليج الفيورد - طابا
طيب بالنسبة للاسعار .. الرحلة لها سعرين ودا حسب هتعمل زيارة قلعة زمان او لا ؟
لو هتعمل البرنامج كامل بزيارة قلعة زمان (فى حال ان مافيش اطفال مع حضرتك اقل من 16 سنة) هيكون سعر الفرد ممكن يتكلف فى الرحله كلها حوالى 2250 ج شاملة الانتقالات والاقامة 3 ليالى 4 ايام بفندق الوكالة 4 نجوم بمنتجع طابا هايتس بغرف زوجية
وزيارة قلعة زمان وقلعة صلاح الدين و خليج الفيورد .
لو حضرتك معاك اطفال في الرحلة مناسبة ليهم وعائلية جدا لان مافيش فيها اى مشقة او مزارات صعبة ولكن مش هينفع تطلع قلعة زمان نظرا لتعليمات المكان وهتكون الرحلة شاملة الاقامة الكاملة بالفندق والانتقالات وزيارة قلعة صلاح الدين و خليج الفيورد
والتكلفة وقتها هتكون حوالى 1600 ج للفرد .لو الإقامة بغرف عادية مطلة على منطقة الوكالة والحديقة
و لو حضرتك حابب تحجز غرفة بول فيو على حمام السباحة السعر للفرد بيزيد 200 ج فى الاربع ايام (عدد غرف حمام السباحة محدود 10 غرف فقط)
بالنسبة لقلعة زمان .. بتستقبل محجبات عادى جدا بس اهم شرط لنزول البسين هو ان الانسات المحجبات يلبسوا مايوه شرعى خامته طاردة للماء واهم حاجة الحجاب يستبدل ببونيه للشعر يكون من مادة طاردة للماء او يكون نوع الحجاب طارد للماء وليس اقطان ودا لسلامة النزلاء .
سعر الرحلة بيكون مرتفع بالشكل دة بسبب تكلفة الفرد فى قلعة زمان واللى حاليا ممكن يوصل ل 700 ج فى اليوم واحنا فى النهايه بنديك اقرب سعر للرحلة دى عشان لو فكرت تروح لوحدك تبقى عارف الرحلة هتكلفك كام .
فى الصور اللى جايه هنعرض لحضراتكم صور من فندق الوكالة :
