محمية رأس محمد متعة الاستجمام والغوص فى اجمل بقاع العالم

محمية رأس محمد :-

محمية «رأس محمد» من أروع بقاع العالم الطبيعية.وسميت بالاسم دة لأنها تمثل رأس مثلث وتمثل سلاسل جبال جنوب سيناء بقية أضلاعه ، وتم اعتبارها محمية سنة 1983، وتبلغ مساحتها 480 كم ، كمان تعتبر قريبة جدا من شرم الشيخ تبعد عنها حوالى 12 كم بس  ، وتقع المحمية عند التقاء خليج السويس مع خليج العقبة ، الحافة الشرقية لمحمية رأس محمد تمثل حائط صخري مع مياه الخليج الذى توجد به الشعاب المرجانية ( خليج القرش ).

وهى عبارة عن محمية طبيعية موجود فيها  كذا خليج  ، وكل خليج فيه الشاطئ  الخاص به ، والخلجان فى رأس محمد متنوعه فيه منها اللي شاطئه رملى ومنها شواطئ شعاب مرجانية ومنها شاطئ حشائش.  هنتعرف عليهم بالتفصيل ..

بس الاول خلينا نعرف ان فى المحمية فيه خليج المانجروف وخليج يولاندا وخليج القرش والخليج العام والخليج الخفي وشق الزلزال وخليج الملح وخليج بريكه. وكذا خليج تاني 

خليج القرش - شعاب مرجانية

لو انت غاوي شعاب مرجانية هتروح خليج القرش ولو عاوز شاطئ رملي هتروح خليج يولاندا فيه قاعدة جميلة هناك 

كمان فيه شواطئ داخل رأس محمد فيها خيام للكامبات لو محتاج تعمل كامب وتفصل عن الدنيا. الكامب قدام البحر مباشرة. من غير كهرباء يعني بليل هدوء راقي جدا 

متفكروش تروحوا راس محمد عن طريق اليخت اللي هي الرحلة البحرية لأن وقتها مش هتقدروا تلفوا المحمية دي ولا تشوفوا جمالها. لازم تروحوا بالعربية و هتلاقوا اتجاهات تقودكم لكل خليج فيها.

تذكرة الفرد 10 جنيه 

الاتجاهات فى راس محمد 

كامبات للمبيت - رأس محمد 

دة غير ان رأس محمد موجود فبها  قناة المانجروف اللى بتفصل بين شبه جزيرة رأس محمد وجزيرة البعيرة بطول حوالى 250 م ، وهى من مناطق الزلزال العظيم اللى هز مصر من ملايين السنين وشقت قناة صخرية يطلق عليها ( قناة المانجروف ) ، واللى تعتبر

فعلا قطعة من الفردوس تحيط بها أشجار المانجروف النادرة ودى مش موجودة غير فى  أربع مناطق فى العالم منها مصر، والمانجروف هو نوع غريب من الأشجار يمتص الملح من المياه ، ويظهر الملح على أوراقه الخضراء ، وبتشوفه بوضوح عليها ، ويحظر

على الزائرين السباحة فيها محافظة عليها لكن يسمح بالتقاط الصور . ( نوعية شواطئ الحشائش ) 

شق الزلزال 

قناة المانجروف

وتتميز منطقة رأس محمد بالشواطئ المرجانية الموجودة فى أعماق المحيط المائى لرأس محمد حيث تحتوى على حوالى  200 نوع من الشعب المرجانية  وأنواعا من الرخويات وقنافذ البحر والقشريات ، والأسماك الملونة والسلاحف البحرية المهددة بالانقراض

والأحياء المائية النادرة ، وتحيط الشعب المرجانية برأس محمد من كافه جوانبها البحرية دة غير انها بتُشكل تكوين فريد له الأثر الكبير فى تشكيل الحياة الطبيعية بالمنطقة ، كما شكلت الانهيارات الأرضية " الزلازل " الكهوف المائية أسفل الجزيرة ، المحمية موطن

للعديد من الطيور والحيوانات المهمه زي :

الوعل النوبى بالمناطق الجبلية وأنواع الثدييات الصغيرة والزواحف والحشرات واللى مبتظهرش إلا بليل ، وتتميز بتنوع بيولوجي نادر جدا ، فإلى جانب الطيور والنباتات هي موطن مهم للثدييات زي : الثعالب ، والضباع ، والأرانب الجبلية ، والغزلان ، والماعز

الجبلي. كمان فيها حفريات تتراوح أعمارها بين 75 ألف سنة و20 مليون سنة .

شق الزلزال 

بوابة المحمية الطبيعية يطلق عليها بوابة «الله» ، وهي بوابة صممها واحد من المهندسين المصريين بعد حرب أكتوبر مكونة من مجموعة أحجار من الاسمنت عملاقة تشبه الأحجار الجرانيتية بشكل لا يصدق ، واكتشف المهندس بعدها بأنها تشبه اسم لفظ الجلالة ،

اى حد بيزور المحمية بيهتم جدا انه يلتقط الصور جنبها.

ومن أكثر المحطات إثارة بمحمية رأس محمد «البحيرة المسحورة» وهي بحيرة تتدرج ألوان مياهها لتجمع شتى ألوان المياه ، وفى بعض الناس من عشاق رأس محمد بيقول إن البحيرة بتغير من لونها حوالى سبع مرات يوميا . فى حين ان البدو مسمينها بحيرة التمني ،ودة لان البدو القدامى اتعودوا أنهم يسبحوا فيها ويقوموا بإلقاء الحجارة متمنين بعض الأمنيات ، ودة اللى بيعمله السياح لما يزوروا المنطقة دى.

البحيرة المسحورة - رأس محمد 

بوابة راس محمد 

والاهم من كدا ان راس محمد فيها أجمل مناطق الغطس فى مصر  وتعتبر من افضل عشر مواقع غطس على مستوى العالم ، واللى مليانة بالكهوف البحرية وتتدفق منها أسراب الأسماك بمختلف الأحجام والألوان والكائنات البحرية النادرة ، وفي الأعماق هتندهش لمنظر الرمال في المغطاة بما يشبه الزهور ، تحوم حولها أسماك تشبه الفراشات الملونة يطلق عليها "butterfly fish "

وهتقابل كمان كائنات رقيقة هلامية بألوان جميله جدا وهتشوف حفريات بحرية مرت عليها ملايين السنين . وهتبهرك روعة ألوان الشعاب المرجانية وتعددها وهتشوف الشعاب النارية أو Fire corals وسميت بالاسم دة لأنها تفرز مواد حارقة للجلد للى بيلمسها بس ، فبالتالى المرشدين بيحذروك منها .

الحياه البحرية فى شواطئ رأس محمد 

دة غير ان موجود بها سفينة SS Thistlegorm العسكريه البريطانيه الغارقه في محمية رأس محمد .. واللي بتستقطب الكثير من هواة ومحترفي الغوص من كل أنحاء العالم

وفى محمية راس محمد وعلى بعد 5 دقايق بالعربية من بعد البوابة هتلاقى بردو جزيرة اسمها مرسى بريكه ودة خليج هادي جدا واجمل منظر ممكن يتشاف فيه هو الكثبان الرملية اللي نازلة من الجبل على مياه البحر مباشرة .. غير ألوان المياه من فوق ومنظر

الشعاب المرجانية والاسماك والسلاحف البحرية من تحت المايه

وفي كذا مكان ممكن اي حد يقعد فيهم في خيمة بدوي كبيرة تبع اخواننا السيناويين الفرد ب 30 جنيه مع الشاي

اجمل شط فيهم هو اخر شط عشان شط رملي والبحر فيه هادي جدا 

اللي مش عاوز يقعد في خيمة ممكن يقعد مع نفسه لو معاه كراسي وشمسية او خيمة خاصة محدش هيقول له حاجة .. اللي عاوز غدا الفرد يتكلف 150 جنيه مشاوي ويفضل يبلغ قبلها بيوم الناس بتوع الخيمة ..

وبكدا تكون عرفت كل حاجة عن رأس محمد اللى لازم لو رايح شرم الشيخ تخصص لها وقت مخصوص وتزورها تأكد هتستمتع بيها جدا جدا 

المصدر : صفحة Traveller Experience