سهل حشيش
تعتبر من احلى المدن السياحية الجديدة فى مصر ، مكان عالمى به منتجعات وفنادق وشواطئ عالمية وملاعب جولف وسينما . تبعد عن القاهرة بحوالى 400 كيلو .
المكان جميل جدا و رومانسي جداا جداا تحس انك مش في مصر
ومن أحسن و أرخص الفنادق في سهل حشيش " فندق Old Palace " والاسعار بتختلف حسب السيزون وهو مكان ينفع جدا لشهر العسل
ناس كتير بتتكلم عن مناطق في مصر محدش زارها كتير زي سيوة او دهب و رأس شيطان .
بس محدش تقريبا بيتكلم عن سهل حشيش وجمالها وروعتها. عشان كدة المقال ده هنتكلم فيه عن سهل حشيش.
معلومات يجب معرفتها عن سهل حشيش
سهل حشيش هي منطقة سياحية في الغردقة ( على بعد 25 كيلو مترا جنوب مدينة الغردقة) بعد سينزو مول و بوابة الغردقة ب 7 دقايق بالعربية على الشريط الساحلي للبحر الأحمر. ويعد من أحدث المشاريع السياحية العملاقة على سواحل البحر الأحمر.
سهل حشيش فيها فنادق لكن عددها مش كتير تقريبا عشر فنادق او اكثر قليلا,, طبعا افضلهم واجملهم واغلاهم سعرا البارون بالاس وأوبري سهل حشيش.
سهل حشيش يقع بجانبها الجونة وخليج مكادى وسوما باى يعنى تقدر روح اى مكان منهم من خلال برنامج رحلتك لهناك
سهل حشيش منطقة جميلة جدا..اول ما تدخلها هتحس انك كانك في حتة من أوروبا من الخضرة والنظافة والجمال المعماري للفنادق و المباني الخاصة,,
اللى بيزل سهل حشيش بننصحه دايما انه لازم يخرج برا الفندق و يشوف جمال منطقة سهل حشيش من خضرة ونضافه وجمال الشوارع ميفضلش حابس نفسه بس جوه الفندق ..
كمان سهل حشيش ليها كورنيش ممكن تمشي فيه برجلك (حوالي 6 كم طوله ) او تأجر عربية الجولف أو عجلة.
و بكدا هتعدي تشوف جميع الفنادق اللي تطل على البحر من ناحية شاطئها لان طبعا مش هتقدر تخش الفندق جوا لكن الكورنيش دا بتقدر تمشي فيه لاخره وبالتالي هتمر جميع الشواطئ للفنادق.
ناس كتير فاكرة ان سهل حشيش الاقامة بها غالية جدا والليلة فيها ممكن توصل ل 6000 جنيه لفردين اقامة شاملة
لكن في حل ابسط من كدا بكتير و ارخص وهو الاقامة في استديوهات او شاليهات . في شقق فندقية او استوديوهات او شاليهات فندقية بتكون رخيصة وممتازة و يكون السعر ممكن ما بين 500 ل 600 الليلة الواحدة لفردين من غير وجبات
اما بالنسبه لافضل الفنادق فى سهل حشيش تصلح لقضاء شهر عسل هى :
- فندق أوبروى
-منتجع بارون بالاس
-منتجع سيتاديل آزور قديما ( الباتروس سيتاديل )
-بيراميزا سهل حشيش
- فندق تروبيتال سهل حشيش
ملوحظه:الصور اللى هتشوفوها معانا دى من بعض الفنادق هناك لتوضيح مدى جمال البلد
فندق اوبروى - سهل حشيش
فندق oberoi sahl hasheesh
فندق البارون بالاس سهل حشيش
Baron Palace Sahl Hasheesh
Albatros Citadel Resort
الباتروس سيتاديل ( سيتاديل ازور سهل حشيش )
فندق بيرامييزا سهل حشيش
Pyramisa Sahl Hasheesh Resort
فندق Tropitel Sahl Hasheesh
تروبيتيل سهل حشيش
المصدر : Traveller Experience
