اولا : تعريف بمدينة سيناء والمعالم السياحية بها  

سيناء مش شرم الشيخ والعريش ورفح بس…

سيناء يعنى هتلاقى فى الشمال العريش العاصمة ، رفح ، الشيخ زويد، بئر العبد ، الحسنة ، نخل 

وتنزل لجنوب سيناء  تلافى احلى الاماكن السياحية اللى تعتبر كنز موجود على ارض مصر من اول مدينة الطور العاصمة مروراً  بأبو زنيمة وأبو دريس ، راس سدر ، شرم الشيخ ، نويبع ، دهب ، سانت كاترين ، طابا 

سيناء يعني شبه جزيرة بتطل على قارتين ... سيناء محمية طبيعية كبيرة جدا فكل شبر في وديانها، وكل نبات على أرضها و كل صخرة في جبالها، و كل كائن حي يسعى فوق ترابها، أو بيعيش في مياهها، هو ثروة بيئية ملهاش مثيل ..  ففيها سبع محميات طبيعية .. 

من محمية الزرانيق في الشمال التي تعتبر تجمع للطيور النادرة و محطات هجرتها في العالم أجمع ...

إلى محمية الأحراش الشمالية عند العريش و رفح حيث يشكل تداخل البحر مع الكثبان الرملية و الأراضي الرطبة مناطق بالغة التوازن البيئي 
 
إلى محمية رأس محمد عند شرم الشيخ في الجنوب حيث نقطة افتراق خليجي السويس والعقبة تكويناتها البديعة و شعابها المرجانية وكائناتها البحرية النادرة ...

ثم محمية نبق و فيها أخر غابات المانجروف ذي الطبيعة الخلابة و الخصوصية الفريدة ... ومكانها ما بين شرم الشيخ ودهب 

ثم محمية أبو جالوم حيث تنوع الكائنات البحرية و البرية إلى جانب مائة و خمسة و ستون نوعاً من النباتات النادرة منها أربع و أربعون لا توجد إلا في هذه المنطقة ...

و على نفس الشاطئ توجد أحدث المحميات محمية طابا متضمنة الشريط الساحلي لمصر على خليج العقبة بمواقعه الطبيعية و تكويناتها الصخرية وتقع في أعماقه جزيرة فرعون مشيد عليها قلعة صلاح الدين ومياهها التي تأخذ العقل بما تحتويه من صفاء مياه وأسماك ملونة ..

أما في وسط سيناء فتوجد محمية ذات طبيعة خاصة ساهم في تكوين ثرواتها الإنسان و الطبيعة إنها محمية سانت كاترين حيث الآثار الدينية الرائعة ، و التضاريس الجبلية المتميزة، و النظام النباتي الفريد حيث يقدر بأن هناك أكثر من 725 نوعاً من النباتات تنمو في أنحائها المتفرقة..

وعلى مقربة من جبل موسى وسانت كاترين تقع مدينة الطور وتتمتع مدينة الطور بجو مستقر طول العام دة غير ان فيها مصادر مياه نقيه من الآبار الارتوازية ودة اللى بيخليها مميزة عن كل مدن المحافظة النادر فيها وجود الماء العذب الصالح للشرب .. 

وقبل ما ننتقل للجزء التانى من موضوعنا هنوريكم صور المحميات دى : 

محمية راس محمد شرم الشيخ

محمية راس محمد - شرم الشيخ - جنوب سيناء 

 

منظر الغروب من محمية نبق

منظر الغروب من محمية نبق وتقع بين دهب وشرم الشيخ 

 

محمية ابو جالوم

محمية ابو جالوم وتقع ما بين شرم الشيخ وطابا 

 

محمية طابا

محمية طابا 

 

جزيرة فرعون

جزيرة فرعون وقلعه صلاح الدين 

 

محمية سانت كاترين 

 

جبل موسى

جبل موسى 

 

وهنستكمل باقى موضوعنا ونعرفكم اكتر بمدينة الطور وهنتكلم عن السياحة العلاجية فى عيون موسى : 
 

 ثانيا مدينة الطور - جنوب سيناء 

اللى عاوز مكان هادئ  مفيش اى حاجة تعكر صفو مزاجك ،  وفى نفس الوقت بسعر محدش بيحلم بيه 
 
فى مكان مغمور شوية مش اى حد بيروح هناك ..  بتعدى عليه على طول وانت فى طريقك لشرم الشيخ و تنبهر مع شكل الجبال مع المياه حاجة بجد بتخلى اى واحد وهو فى الاتوبيس ( ده لو صاحى يسرح مع الجمال دة )
 
طيب تعرفوا أن الجمال اللى هتشوفة فى الصور اللى هنعرضها  لكم لكل  تفصيلة فى المنطقة دى  فى هناك فنادق فيه بتبدأ من 100 جنيه فى الليلة بس

المكان هو طور سيناء اللى ذُكرت فى القرأن .. والطور . عاصمة جنوب سيناء . ومكانها قبل شرم الشيخ ب ١٠٠ كيلو تقريبا يعنى حوالى ساعة الا ربع

طور سيناء عبارة عن بلد صغيرة وتعتبر قريه او مدينه فيها  4 فنادق بس احسنهم موسى باى على البحر  . وزى ما قولنا الفندق بيبقى اسعاره رخيصه جدا  وقريبه من البحر وفيها كافيهات وشواطئ مفتوحة وفي فنادق بسيطه على البحر

البلد فعلا راقيه وبسيطه اوى والاسعار فيها طبيعيه جدا ومش غاليه او مميزه زي بقيه المدن الساحلية

وبتبص علي جبال كتير زي جبل موسي وجبل الطور "اللي مذكور في القرءان" وفيها حمام موسي اللي ليه قصه مع سيدنا موسى ومكان مقدس و المياه بتاعته كبريتية وبتعالج امراض كتيره والميه خارجه من جوف الجبل اللي لازق فالحمام
وفيها شواطئ كتيره جدا ونضيفه وميتها شفافه والمناخ هناك ممتاز كمان وعلشان تتاكدوا بنفسكم من ان المدينة فعلا جميله اتفرجوا على الصور دى:

 

مدينة الطور سيناء

طور سيناء

شواطئ طور سيناء

شواطئ طور سيناء

طور سيناء

شواطئ مدينة الطور


 

ومن الأماكن المميزة هناك ومشهورة بالسياحة العلاجية  هى عيون موسى  :

السياحة العلاجية فى حمام موسى بطور سيناء:
 

يعد حمام موسى واحداً من اماكن السياحة العلاجية فى مصر يقع شمال مدينة طور سيناء بحوالى ثلاثة كيلومتر ويبعد عن شرم الشيخ 100 كيلو متر ، وتتدفق مياه الحمام من خمس عيون تصب في حمام على شكل حوض محاط بمبنى من الدبش ، وتستخدم المياه الكبريتية الساخنة  (37 درجة مئوية)  فى الشفاء  من أمراض الروماتيزم والأمراض الجلدية وأمراض العظام . 
 
و تقدر تروح المكان ده انك ممكن تركب اتوبيس رايح شرم الشيخ من اى مكان وتنزل الطور وتاخذ تاكسى ب 10 جنيه 

ولو عايز تبات ممكن تبات فى دار العاملين الليلة حوالى ١٥٠ جنيه فى الغرفة 

رسوم دخول الحمام 10 جنيه
 
مميزات حمام موسي

1) بيتميز بأن المياه دافيه طوال العام .

2) سهولة الوصول إليه .

3) عبور سيدنا موسى من المكان . 

4 ) يحيط بالحمام واحه كبيره من شجر النخيل . 

5) فيه حمام سباحه للأطفال من نفس عيون الحمام .

6) مكان لتغير الملابس وحمام . 

7 ) ساعه لدخول الرجال سوياً وساعه لدخول النساء وإذا كان مفيش زوار كتير  بيسمح للأسرة انها تدخل مع بعضها 

8) فيه كافتريا أعلى الجبل اللى موجود فيه الحمام والمنظر ده فعلا روعه .

9) يوجد تجسيم اعلى الجبل ايضا ليمثل فيه الست البدوية التي كانت تشهد قصة سيدنا موسى
 
عيوب حمام موسي

مفيش اهتمام من قبل الدولة ولا حتى بيتم التسويق له 
 
بس فى النهايه المكان تحفه جدا لكل الناس اللى بتفكر تروحوا ومش هتندموا نهائى والصور اللى جايه دى هتعرفكم اكتر بحمام موسى 

 

حمام موسى

حمام موسى بمدينة الطور- سيناء

حمام موسى من الداخل

حمام موسى مدينة الطور

 

 

المصدر : Traveller Experience