محمية وادي الجمال "مالديف مصر"

لو عايزين تراقبوا اسراب القريدس وهى تحمى صغارها من هجمات السلطعون المتكررة يبقي ركزوا معانا فى المقال ده

محمية وادي الجمال (مش مرسي علم..هي بعدها بحوالي 50 كيلو)

وادي الجمال من المناطق البكر اللي ناس كتير مرحتهاش علشان كده لسه محافظة على بيئتها البحرية والبرية

من جمالها فيها شواطئ ومناطق مصنفة عالميا , هتروح هناك هتستمتع بأحلي مالديف وتعتبر المكان المثالي لاي حد بيحب البحر سواء سنوكلينج او غطس ده غير الشعب المرجانية اللي لسه بخيرها وعادي جدا وانت بتعوم تلاقي سلحفة ولا دولفين معديين من جنبك..ده غير السلطعون هتلاقيه بكثرة

أما الجزء البري: بيضم أوديه في الصحراء وفيه العديد من النباتات النادرة والحيوانات المهددة بالانقراض حيث الماعز الجبلي "الإيبكس"، ويصل عمره الافتراضي إلى 20 عامًا، والذي يحافظ على نفسه من الانقراض بالصعود إلى أماكن بعيدة ,كما يتواجد

بالمحمية أيضا غزال "دوركاس"، وده يُعرف باسم العفري غزال الأريل، هو أحد أصغر الغزلان..  بالاضافه الى مجموعه نادرة من النسور والأرانب. 

الطيور المهاجرة

 

وادى الجمال

الوقت المناسب لمشاهدة الحيوانات البرية في المحمية يكون إما خلال الربيع أو في الخامسة صباحًا أو في نهاية النهار وكمان فيه بكثرة شجر الأكاسيا اللي بيخلي المكان روعة في الجمال

وبليل منظر النجوم و ذراع مجرة درب التبانة في منتهي الجمال

وعلشان هي محمية طبيعية في مكتب هناك في اول المحمية ومكتب تاني عند حماطة بيرحبوا بالضيوف جدا وتقدروا تزوروهم وتاخدوا منهم كل المعلومات اللي عايزنها

 

معلومات عن محمية وادى الجمال : 

محمية وادى الجمال قطعة من الفردوس على ساحل البحر الأحمر تحوى تنوع إحيائي.. وطيور مهاجرة.. وشواطئ صافية .

تتجسد فيها الطبيعة الخلابة ، يتواجد فيها أنواع نادرة من الأشجار والنخيل وبحيرات تمتزج فيها المياه المالحة بالعزبة لتسحر الأنظار بجمالها .

دة غير ان فيها فجوات حفرتها السلاحف البحرية بالرمال تاركة البيض فيها. تضم مساحات شاسعة من النباتات النادرة مثل أشجار المانجروف التي تنمو في مياه البحر، وتبني فيها الطيور المهاجرة عششها، ونباتات أخرى تبلغ أطوالها من 5 إلي 9 أمتار.

السلاحف البحرية

 

وفى جولة مكونة  من 45 دقيقة في مساحات أشجار المانجروف بواسطة قوارب تقليدية، ونقطتين لمتابعة الطيور، ورصيف للسفن بطول 40 متر  يأخذ الزائرين بين أشجار المانجروف مكاناً لمراقبة أكثر من أربع فصائل من سلطعون البحر، وأكثر من 13 فصيلة

من الأسماك الصغيرة، وأكثر من 13 نوعا من الطيور المستقرة حول المكان، ثم إمضاء بعض الوقت في الخيمة التقليدية لقبائل العبابدة واحتساء المشروب التقليدي "قهوة الجَبَنَة"، وشراء الأعمال اليدوية التقليدية لسيدات القبائل وسط منظر طبيعي خلاب.

المحمية أنشأت فى الاساس للحفاظ على التنوع البيولوجي  وأُعلنت محمية عام 2003. 

 

اسماك محمية وادى الجمال

 

 وتنقسم محمية وادى الجمال إلى عدة محميات، فمحمية منطقة جزيرة وادي الجمال تبعد 8 أميال، وهى ثانى أكبر تجمع لطائر صقر الغروب ، إضافة إلى محمية منطقة «حنكوارب» التي تبعد 18 كيلو متر جنوبى وادى الجمال وهى تتميز بالشواطئ والشعاب

المرجانية ٬ ثم محمية منطقة القلعان التى تبعد مسافة 9 كيلومترات شمال قرية حماطة، وتمتاز بوجود مساحات شاسعة من نبات «المانجروف» والعديد من أنواع الطيور المستوطنة والمهاجرة، ثم محمية جزر حماطة وهى تقع على بعد ميلين من الشاطئ المقابل

لقرية حماطة وتتميز بأماكن لممارسة أنشطة السباحة والغوص.

دة غير ان محمية وادي الجمال تمتاز بأنها بتضم مجموعة متميزة من الثروات البحرية والجبلية.

 

محمية وادى الجمال

 

كما تضم متحف جيولوجي بداخله أنواعاً من المعادن النفيسة التي تستخدم في صناعة السيارات والطائرات.

وتتميز المحمية أيضاً بوجود تكوينات جيولوجية مليئة بالمعادن النفيسة مثل الزمرد وأحجار الزينة والفلسبار والرصاص والمنجنيز. وبها أيضاً آثار أبراج حربية قديمة وقلاع أثرية ومواقع للتنقيب عن الذهب والأحجار الكريمة والجرانيت والزمرد بشكل مكثف بالقرب

من منطقة وادي سكيت حيث يوجد حجر الزمرد الذي كان المصدر الوحيد لهذا الحجر أيام الإمبراطورية الرومانية، ويوجد به أكبر منجم زمرد في التاريخ.

اللي لسه مراحش وادي الجمال..فايته كتير بس اهم حاجة نحافظ على المكان علشان يفضل بخيره وكلنا نستمتع بيه

 

ودلوقتى هنوريكم بعض الصور للمكان الساحر ووصف تفصيلى تحت كل صورة :

 

جزيرة وادى الجمال

جزيرة وادي الجمال..موجوده في وسط البحر وتتميز بوجود آعشاش الطيور عليها وكذلك وجود الشعب المرجانية رائعة الجمال حولها

 

الدلافين فى منطقة سطايح مرسى علم

الدلافين موجوده كتير أوي في سطايح في محمية وادي الجمال
بتعوم جنبكم عادي جدا

 

اسراب القرديس

أسراب السلطعون علي الشواطئ

 

ذراع مجرة درب التبانة

المنظر ده بتشوفه بعينك لما بتبات في الصحرا..
ده منظر ذراع مجره درب التبانه مع شجره الآكاسيا قبل شروق الشمس في وادي الجمال في آقصي جنوب مصر
درب التبانة أو درب اللبانة : هي مجرة حلزونية الشكل. تحوي ما بين 200 إلى 400 مليار نجم ومن ضمنها الشمس، ويبلغ عرضها حوالي 100 ألف سنة ضوئية وسمكها حوالي ألف سنة ضوئية، ونحن نعيش على حافة تلك المجرة ضمن مجموعتنا الشمسية والتي تبعد نحو ثلثي المسافة عن مركز المجرة.

 

حركة النجوم فى محمية وادى الجمال

شجرة الأكاسيا وحركة النجوم في محمية وادي الجمال-حماطة
كل خط يشير لمسار نجمة..تكونت هذه الدوائر نتيجة حركة النجوم ودوران الارض حول نفسها..
الصورة عبارة 279 صورة تم دمجهم في صورة واحدة والصورة ديه زمنها 5 ساعات من الساعة 10 مساءا حتي 3 فجرا

 

شجرة المنجاروف

شجرة المانجروف في منطقة قلعان...رمز المحمية

 

السلاحف البحرية

السلاحف البحرية

السلاحف البحرية وهي بتعوم بجانب الناس

 

الطيور المهاجرة - محمية وادى الجمال

الطيور المهاجرة بتعدي في طريقها علي وادي الجمال

 

بينت العبادى فى وادى الجمال

الصورة ديه الساعة ١٢ بليل والضوء ده بتاع القمر ومتصورة في 3 دقايق
وده مكان التخييم في الصحرا في منطقة بيت العبادي في وادي الجمال

 

قهوة الجببنة

شرب الجَبَنة في الصحراء
الجَبَنة عبارة عن قهوة بالجنزبيل..طعمها خرافي ملهوش مثيل
وده المشروب التقليدي لأهل البلد

 

شاطئ حنكوراب محمية وادى الجمال

شاطئ حنكوراب من أجمل شواطئ المحمية

 

معبد سرابيس

معبد سرابيس من أيام الرومان في وادي سكيت في وادي الجمال

 

جزيرة سيال

جزيرة سيال..من أحسن مناطق للشعب المرجانية لعمل السنوركلينج

 

الطيور المهاجرة

الطيور المهاجرة والمركب اللي بتودينا عند سطايح بيت الدلافين

 

جزر القلعان

جزر قلعان الرملية البيضاء جنوب محمية وادى الجمال بالبحر الأحمر

مجموعة الجزر دى مصرية ومن اجمل واروع الجزر فى البحر الاحمر مع العلم انها مش معروفه للاسف ولا حتى مدرجة ضمن الجزر السياحية

ورغم ان مجموعة الجزر دى تقع فى البحر الاحمر جنوب محمية وادى الجمال وبالقرب من حماطة يعنى تقع فى منطقة سياحية ومحمية طبيعية من اهم واجمل محميات مصر الطبيعية الا ان نادرا من يسمع عن تلك الجزر التى لا تقل فى طبيعتها وسحرها ونقاء مياهها والوانها عن جزر كتير عالمية والمميز ايضا فى تلك الجزر انها رمالها بيضاء جدا وناعمة مما يعطيها منظر طبيعى خلاب وساحر فى وسط البحر الاحمر 

لو عاوز تظبط برنامج سياحى لمرسى علم تقدر من خلاله تزور كل الاماكن اللى اتكلمنا عنها فى المقال ف ممكن تشوف البرنامج دة  : أجمل برنامج سياحي لمرسي علم 

ولو عاوز تعرف اكتر عن مرسى علم بالتفصيل ارجع للمقال دة هيساعدك تتعرف عن الانشطة هناك وازاى  تلف المدينة دى شبر شبر  : دليلك لقضاء اجازة مميزة فى مرسي علم 

 وكمان هيعرفك افضل اماكن للاقامة هناك