هى الأقصر وأسوان حاجة واحدة ؟
معظم الناس بتتخيل إن الأقصر أسوان حاجة واحدة أو قريبين من بعض وده يمكن يكون بسبب إن شركات السياحة اللي بتنظم الرحلات بتحط الإتنين مع بعض ف برامجهم
الأقصر وأسوان آخر محافظين فى جنوب صعيد مصر
الأقصر تبعد عن القاهرة ب 800 كيلو تقريبا
أسوان بتبعد عن القاهرة ب 1000 كيلو تقريبا
والمسافة ما بين الأقصر وأسوان حوالي 200 كيلو وممكن أكتر شوية يعني سفر حوالي 3 ساعات سواء قطر أو أتوبيس أو عربية ممكن تقل أو تكثر شوية
عشان تتعرف على المحافظتين دول جبنالك برنامج سياحى للاقامة لمدة ليلتين كاملين بمدينة الأقصر وليلتين كاملين بمدينة أسوان هتزور فيهم أهم المعابد المصرية القديمة وهتستمتع بجو النوبة والحفلات النوبية فى رحلة 5 ايام اربع ليال هنقولك تعمل فيها ايه وتروح فين ..
تفاصيل برنامج رحلة الاقصر واسوان :
اليوم الأول وصول مدينة الاقصر ( زيارة كلا من معبد الاقصر - معبد الكرنك وحضورالصوت والضوء به )
-الوصول الي مدينه الاقصر و التسكين بالفندق
-الاستراحة و تناول الغداء
-زيارة البر الشرقي بمدينة الاقصر (معبد الاقصر و معبد الكرنك)
-حضور الصوت و الضوء بمعبد الكرنك
-العودة الي الفندق او النايل كروز
-تناول العشاء مع سهرة شرقية
--------------------------------------------
اليوم الثانى ( زيارة البر الغربي - وادي الملوك والملكات - معبد حتشبسوت - متحف الاقصر - متحف التحنيط )
-الافطار فى الفندق
-زيارة البر الغربي بمدينه الاقصر ( تمثالي ممنون - مدينة هابو -زيارة متحف الالباستر - وادي الملوك والملكات ودخول المقابر + الدير البحرى " معبد حتشبسوت)
-العودة للفندق والراحة ثم عمل جولة حرة بالمدينة ليلا .
-متحف الأقصر + متحف التحنيط + عرض الصوت والضوء
--------------------------------------------
اليوم الثالث التحرك لمدينة اسوان وزيارة كلا من ( السد العالي - جزيرة فيله - المسلة الناقصة - متحف العطور - جولة بسوق اسوان )
-التجمع بالفندق لتناول الإفطار
-عمل اجراءات المغادرة وتسليم الغرف والتحرك صباحا لمدينة أسوان
-زيارة ( السد العالي + جزيرة فيلة + المسلة الناقصة + متحف العطور المصرية )
-الرجوع الى الفندق والراحة والتجمع ليلا للذهاب الى منطقة السوق التجاري بالمدينة
--------------------------------------------
اليوم الرابع ( زيارة القرية النوبية - زيارة جزيرة النباتات - مقابر النبلاء - شاطئ بربر - غرب سهيل )
-التجمع للافطار
-التوجه الى الكورنيش للتحرك بالمركب النيلي ( 3 ساعات لزيارة القرية النوبية )
-هتزور فى نيل اسوان ( جزيرة النباتات + مقابر النبلاء + النوبه + غرب سهيل + شط بربر )
-العودة الى الفندق تناول العشاء و حضور حفله نوبيه باسوان
-------------------------------
اليوم الخامس
تسليم الغرف ومغادرة الفندق
طبعا فى انشطة تانية فى الاقصر واسوان لو حابب تضيفها لبرنامجك زى مثلا ..
وانت فى الاقصر ممكن تركب البالون فى وقت الشروق بيبقى متعة جدا ودة بيبقى تقريبا ب 400 او 500 جنية للفرد
لو رحلتك 6 ايام ممكن تعمل رحلة مخصوص لمعبد ابو سمبل هو بيبعد عن اسوان بحوالى 280 كيلو تقريبا بس ننصحكم لو رايح أبو سمبل ظبط نفسك على خميس أو جمعة علشان تحضر الصوت والضوء واللى هتفضل فاكره لو بعد 10 سنين من روعته
وبكدة يكون برنامج رحلة الاقصر واسوان انتهى وتقدر تعرف اكتر عن كل شبر فى الاقصر واسوان من حيث الفنادق والمطاعم وكمان الانتقالات من خلال المقالين دول :
المقال الخاص بأسوان : تعرف على كل شبر فى مدينة اسوان والنوبة
المقال الخاص بالاقصر : تعرف علي مزارات مدينة الاقصر واسعار الفنادق بها
