من احلي الاماكن اللي ممكن تزورها في مصر هى طابا ..

هتلاقى نفسك قاعد علي الحدود و قدامك السعودية و الاردن و علي شمالك ايلات و علي يمينك نويبع و فى وسط البحر وكمان الجبال محوطاك من كل حته ..


 "طابا" البقعة الساحرة من مصر اللى فيها أكثر من مكان رائع و مناظر طبيعية مذهلة و طقس ممتاز دة غير انها رحلة مختلفة بعيدة تماما عن الشكل المعتاد لقضاء الإجازة داخل فندق ..عشان في رحلة طابا هتسافر بعيد عن الدوشة والزحمة والرحلات التقليدية وهتقضى برنامج سياحى عبارة عن 4 ايام هتنسى فيه كل حاجة  ..

 

خليج فيورد باى طابا

 

برنامج رحلة لطابا 

اليوم الاول : ( عمل سفاري بالبيتش باجي - سهرة بدوي ) 

1 - الوصول للقرية او الفندق (حسب اختيارك للمكان المناسب ليك ) 

2 - تناول وجبة الغداء 

3 - سفارى البيتش باجى وسهرة بدوى 

4- العودة للفندق وتناول وجبة العشاء 


اليوم التانى : (زيارة قلعه زمان )

1 - الافطار فى مطعم الفندق 

2 - التوجه لقضاء يوم فى قلعة زمان 

3 - العودة للفندق وتناول وجبة العشاء 

4- حضور حفل فى الفندق ( أن وجد ) 


اليوم التالت : ( رحلة لجزيرة فرعون - قلعه صلاح الدين - خليج الفيورد )

1- تناول وجبة الافطار فى الفندق 

2- رحلة بحرية باليخت لجزيرة فرعون  

3- زيارة قلعة صلاح الدين 

4- التوجه لخليج فيورد باى 

5- العودة للفندق وتناول وجبة العشاء 


اليوم الرابع : ( الاستمتاع بالفندق )

1 - الاستمتاع فى اليوم الاخير بحمامات السباحة والبحر داخل الفندق

2 - الاستعداد لتسليم الغرف والعودة مرة اخرى الى القاهرة 

 


ملحوظة .. يمكن زيارة كانيون سلامة فى نويبع ووادى الوشواش نظرا لقرب تلك المنطقة من معالم طابا 
وايضا يمكن السفر الى دهب والاستمتاع بمنطقة البلو هول لمن يحب الغطس والرحلات البحرية 

ولا ننسى بالذكر .. محمية طابا والاخدود الملون الموجود بداخلها وهو يعد أحد العجائب الطبيعية بمحمية طابا عبارة عن متاهة من الصخور الرملية الملونة فى شكل يخطف الانظار .. 

 

وبكدا يكون البرنامج السياحى لطابا خلص تقدر تختار منه اللى يناسبك  .. ولو حابب تعرف اكتر عن طابا  وتتعرف عن الاماكن السياحية اللى هناك بالتفصيل ممكن تقرأ المقال دة :

أهم المزارات السياحية الموجودة فى طابا