افضل برنامج سياحى لواحة سيوة أرض السحر والبساطة والجمال

واحة سيوة احلي مكان و اكتر مكان مريح نفسيا ممكن تروحه فى حياتك من حيث كل حاجة  اهل البلد و طبيعة المكان و نظام البناء بتاع البيوت دة غير ان فيه اماكن سياحية كتير قبطية و فرعونية ورومانية و عيون كبريتيه علاجية و بحيرات و جبال الملح و و مناطق زراعية ( زراعة النخيل اشهر و اهم حاجة ) ، الفنادق كمان بسيطة جدا و معمولة علي نفس الطراز السيوي بحجر الكرشيف و الناس لطيفة هناك والدنيا امان جدا ..

برنامج سياحى لواحة سيوة ( الاقامة 3 ايام / ليلتين )  

جديد : استمتع ببرنامج مميز الى واحة سيوة وشوف افضل المزارات السياحية بسيوة

اكتشف جمال سيوة وشوف سيوة بشكل مختلف ، اخطفلك يومين فى جو مليان استجمام وهدوء لو عاوز تشوف الرحلات المتاحة فى سيوة شوف اللينك >واحجز الرحلات من هنا 

اليوم الاول ( زيارة كلا من : معبد الاسكندر - جبل الدكرور - البيت السيوي - جزيرة فنطاس )

- وصول واحة سيوة صباحاً و التسكين بالفندق و الاستراحة قليلا التسكين بيكون وقت الضهر

- زيارة معبد الوحى (الاسكندر) و المرور علي معبد امون

- زيارة جبل الدكرور والتعرف على الخلفية الاجتماعية للجبل ( عيد السياحة أو الصلح او الحصاد)

- زيارة البيت السيوى + جزيرة فطناس 

- تناول العشاء بعد الغروب ( في أحد المطاعم السيوية )

- سهرة ليلاً

اليوم الثانى (زيارة قلعه شالي - عين كليوباترا - عمل سفاري في بحر الرمال الاعظم - زيارة بير واحد - بحيرة المياه الساقعه )

- تناول الإفطار بالفندق

- زيارة قلعة شالى (سيوة القديمة) و التسوق في منطقة البازارات

- زيارة عين كليوباترا مع امكانية النزول والسباحة بالمياه

*سفارى بحر الرمال الأعظم

- الخروج الى السفاري بسيارات جيب دفع رباعي الي بحر الرمال الأعظم وسط الصحراء

- التزحلق على الرمال

- زيارة بير واحد " احد عيون المياه الدافئة وسط الصحراء (فى امكانية للنزول)

- زيارة بحيرة المياه الساقعة

- مشاهدة الغروب من احد التلال المرتفعة (قاعدة بدوي)

- التوجه لكامب بدوي وسط الصحراء,الاستمتاع بحفلة على الطراز السيوي

- تناول وجبة العشاء

- العودة الى الفندق

اليوم التالت ( زيارة مناجم الملح - بحيرة الاوسط )

- تناول وجبة الإفطار بالفندق

- الاستمتاع بالمنتجع و التصوير 

- الخروج من الفندق 

- زيارة مناجم الملح و بحيرة الاوسط 

- جولة حرة فى السوق 

- شراء الهدايا والتمر والزيتون وزيت الزيتون

وبكدة يكون البرنامج خلص 

لو عايز تقرا اكتر عن كل مزار فى واحة سيوة بالتفصيل ممكن ترجع للمقال دة  : كل ما تريد معرفته عن واحة سيوة