الجونه يعنى هتروح تستجم وتنبسط وهتقرر أن أجازتك هتبقى كل مرة فى المكان الخلاب دة من شدة جماله .. عشان كدة احنا عاملين لكم برنامج سياحى مميزة هتلف فيه كل شبر فى الجونة وهنحاول نقولك تروح فين وتقضى وقتك هناك ازاى .
بس قبل ما نقولك على البرنامج هنكلمك بأختصار عن الجونه ..
الجونه تعتبر فى الغردقة متبعدش عنها كتيير وهى الوجهه الاولى ليك وللى بيدور عن شهر العسل. وماينافسهاش فى الميزة دى ألا سهل حشيش ومرسى علم
اللى معاه عربية يروح بيها .. المشوار لذيذ وطريق الجلالة الجديد سهل الموضوع كتيير المسافة تقريبا 450 كيلو ( الجونة بعد بوابات الغردقة ب 4 كيلو )
طيب خلونا نقولكم ايه الجدول السياحى اللى ممكن تعمله هناك
برنامج سياحى لسفرية الجونة 3 ليالى / 4 ايام
اليوم الأول (الاستمتاع بشاطئ الفندق - حضور حفل )
-الوصول بسلامة الله إلي مدينة الجونة
-التسكين بالفندق الساعة 12 ظهرا
-الاستمتاع بالبحر بالشاطئ الخاص للفندق
-الاستمتاع بنزول حمام السباحه الخاص بالفندق
-تناول العشاء بالفندق وحضور حفل الفندق ان وجد
-------------------------------------------------------------------------
اليوم الثانى ( عمل سفاري بالبيتش باجي - مشاهدة حديقة الحيوانات البريه - الاستمتاع بشاطئ الفندق - الاستمتاع بمارينا الجونة )
-التجمع فجرا لسوبر سفارى بدوية
-سيارات سبيدر سفارى وبيتش باجى
-ركوب الخيل و الجمال
-مشاهدة حديقة الحيوانات البرية والزواحف
-العودة للفندق
-التجمع للإفطار
-الاستمتاع بنزول البحر و الحمام السباحه الخاص بالفندق
-تناول العشاء بالفندق
-التجمع لجولة بمارينا الجونة ليلا
-----------------------------------------------------------------------
اليوم الثالث ( التوجه لمارينا الغردقه - الاستمتاع بجزيرة الجيفتون )
-التجمع للإفطار
-التحرك الى مارينا الغردقة والاستعداد للخروج باليخت لقضاء يوم فى جزيرة الجفتون
-عمل Snorkeling
-الغطس مشاهدة الاسماك الملونة والشعاب المرجانية والنزول على الجزيرة
-الاستمتاع بالمياه النقية الصافية لترى اجمل ما تشاهده فى حياتك .
-تناول الغذاء
-العودة الى الفندق للاستمتاع بنزول البحر و الحمام السباحه الخاص بالفندق
-تناول العشاء بالفندق
-جولة حرة ليلا
---------------------------------------------------------------
اليوم الرابع ( الاستمتاع بأنشطة الفندق - التوجه لبرج الجونة )
-التجمع للإفطار
-الاستمتاع بالبحر بالشاطئ الخاص للفندق
-الاستمتاع بنزول حمام السباحه الخاص بالفندق
-للتحرك الى برج الجونة (اذا كان متاحا للزيارة حسب الجو )
-تسليم الغرف بالفندق صباحا
البرنامج دة هتقدر من خلاله تلف فى اغلب الاماكن اللى فى الجونة .. طبعا ليك حرية الاختيار للفندق اللى تحبه ممكن تخش على مواقع حجز الفنادق وتشوف اللى يناسبك وفى فنادق كتير بتكون عامله اتوبيسات مجانية بتتحرك كل فترة عشان تنقل الناس لاهم الاماكن اللى فى الجونة
دة غير انك ممكن تروح وسط البلد وهتلاقى فيها مطاعم من كل الجنسيات تجرب اللى انت عاوزة هناك .. وهتلاقى السوبر ماركتس جنب كل فندق والصيدليات موجود عادى يعنى لو محتاج حاجة فى الجونة من الاخر هتلاقيها بسهوله ..
الالعاب المائيه موجوده كتير اوى فى كل فندق ممكن تستفسر عن اللعبة اللى انت عاوزها او تركب الجلاس بوت والكلام دة لو معاك اطفال هيستمتعوا بيه جداا
رحلة سعيدة
