ارخص سفر للمالديفز ب 10700 جنيه شامله الطيران و الاقامه
السفر للمالديفز بدون فيزا مسبقه و بدون تصريح امنى
-احنا بنحاول نديلك كل المعلومات اللى تخليك تحجز اونلاين بنفسك
**السفر امتى: شهر ديسمبر 2018
و ده موسم السفر الى المالديفز بيبقى الجو حلو و مش ممطر هناك.
عايز برضه انبه اننا عاملين اختيارين للاقامه:
الاختيار الاول: هوستيل كده بسيط فى جزيره محليه بسيطه, للرحاله اللى حابين تنطيط و سفر باسعار رخيصه و ده اللى بيخلى الرحله رخيصه ب 10700 جنيه.
الاختيار التانى: منتجع سياحى فخم , صور المنتجع موجوده فى أخر المقال اتفرج عليها , و ده حل طبعا غالى بس ينفع للهونى موون و اللى حابين يدلعوا نفسهم.
نبدأ فى التفاصيل:
ارخص طيران للمالديفز ب 8100 جنيه على الطيران السعودى من مطار القاهره الدولى
السعر ده ذهاب و عوده شامل الضرائب
الذهاب: 5 ديسمبر 2018
العوده: 13 ديسمبر 2018
يعنى 8 ايام / 7 ليالى عشان تدلع نفسك
السعر ده جاى من على موقع Tripair
والسعر ده ممكن يتغير اى وقت لان تذاكر الطيران عامله زى البورصه و كلكم عارفين ده
الاقامه بقى ندخل على الاختيارين:
الاختيار الاول: هوستيل رخيص - جزيره محليه بسيطه في جزيرة omadhoo بسعر 320 جنيه في الليله
اسم الهوستيل: Kuri Inn
اسم الجزيره: Omadhoo
يبدأ فى الليله من: 320 جنيه بالفطار للفرد فى الاوضه الدوبل
سعره لل 8 ايام / 7 ليالى: 2590 جنيه بالفطار للفرد فى الاوضه الدوبل
من 5 ديسمبر الى 13 ديسمبر 2018
السعر ده ممكن يتغير اى وقت (ده سعر اليوم)
طيب يبقى نحسب كده الرحله كلفتنا كام فى الهوستيل فى الجزيره المحليه (طيران و اقامه بالفطار): 10700 جنيه بالطيران ذهاب و عوده و الاقامه و الفطار
ندخل بقى عالاختيار التانى:
الاختيار التانى: منتجع سياحى فخم (غالى طبعا) اسمه bandos maldives
اسم المنتجع: Bandos Maldives
الفئه: 4 نجوم
يبدأ فى الليله من: 1500 جنيه فى بالفطار للفرد فى الاوضه الدوبل
صور المنتجع فى اخر المقال.
سعره لل 8 ايام / 7 ليالى: 12200 جنيه بالفطار للفرد فى الاوضه الدوبل
من 5 ديسمبر الى 13 ديسمبر 2018
السعر ده ممكن يتغير اى وقت (ده سعر اليوم)
طيب يبقى نحسب كده الرحله كلفتنا كام فى المنتجع السياحى (طيران و اقامه بالفطار): 20300 جنيه بالطيران ذهاب و عوده و الاقامه و الفطار.
يبقى خلينا فى الاختيار الاول الرخيص لو حبيت
كل واحد يختار اللى يناسبه
المصدر : نقلاً عن Husam Mokhtar
