قصر عائشة فهمى

واحد من المبانى المعمارية المميزة فى مصر، ودا ممكن تقابله اصلا بالصدفة لو انت رايح الزمالك او حتى ساكن هناك وهيشدك منظره جدا على فكرة

** الزيارة هناك  مجاناً (للمصريين والأجانب - بشرط وجود بطاقة الرقم القومي أو الباسبور) ومؤخرا تم تحويله لمجمع للفنون التشكيلية.

القصر حاليا ممكن نعتبرة 3 * 1

- يعني نقدر نستمتع بجمال القصر نفسه واننا ندخله ونشوف عبق التاريخ في حقبة زمنية مش بعيدة ( القرن العشرين).

- انه بيتم عرض مقتنيات أثرية قيمة جداً كل فترة ( بعضها يرجع للقرن السادس عشر والسابع عشر - منها مثلا سجادة مستديرة من أية صوفيا بتاعت تركيا - حاليا يحتوي علي قطع أثرية إسلامية وقبطية بتوضح المزيج بين الشرق والغرب).

- انه مُطل علي النيل مباشرة ونقدر نقعد في أبهي المناظر والهوا الطلق مجانأ والمكان متأمن وعلي أعلي مستوي من التجهيز والاهتمام.

لحد هنا انت كده تمام, تاخد نفسك وتروح تزوره ومعاك لحد 5 يوليو، وهتحس بروح جميلة جدا بعد الزيارة دي.

المواعيد: من 10 صباحا حتي 9 مساءا, كل يوم ماعدا الجمعة.

العنوان علي جوجل: https://goo.gl/maps/Us1B7UHCap22

------------------------------------------

 تعرف علي قصة قصر عائشة فهمي بالتفصيل : 

مين هى عائشة فهمى صاحبة القصر:

هى عاشة بنت على باشا فهمى كبير ياوران الملك فؤاد الأول، وكان القصر ملكًا لـ على باشا حتى وفاته فانتقلت ملكيته لابنته عائشة، والتى حرصت على شراء نصيب إخوتها ليصبح القصر كله من نصيبها.

تم بناء القصر فى عام 1907، على النيل بجزيرة الزمالك، صمّمه المهندس الإيطالى أنطونيو لاشاك على الطراز الكلاسيكى وكان دا هدية من "علي باشا فهمي" لمراته الفرنسية "مارجريت فهمي" اللي يعيني قتلته في لندن في حادثة شهيرة ممكن نقرأ عنها أكترمن

هنا (http://bit.ly/MargKAli)

وبعد كده عائشة فهمي لما اشتريته من اخواتها عاشت فيه وكانت معروفه انها اتجوزت اكتر من مره (زوج منهم كان الفنان يوسف وهبي)

مكونات قصر عائشة فهمي :

القصر يتكون من طابقين، الطابق الأول به العديد من الغرف تحتوى لوحات فنية تشكيلية مختلفة، أما الطابق الثانى به العديد من الغرف الأثرية الطابع، منها الغرفة اليابانية التى أهديت لعائشة فهمى وصممت من أجلها، حيث نقش على حوائط الغرفة بعض الكلمات

والصور اليابانية.

إضافة على وجود تمثالين ذهبيين، كما توجد بالطابق الثانى غرفة الملابس الخاصة بعائشة فهمى.

-زي ما قولت فوق إن الناس متعاونه وبشوشه وهتلاقي حد مسئول علي المكان كمشرف سياحي/ثقافي وهيفيدك ويديك تفاصيل كتير جميلة.

-النظام الأمني ونظام الحرائق في القصر متطور جدا ودي حاجه مشرفه انه يكون في اهتمام للتراث.

-التصوير بالموبايل عادي بس ممنوع استخدام الفلاش نهائيا لأن التحف بتتأثر بيه.

المخطط انه كان افتتاح في شهر فبراير 2018 حتي 12 أبريل ويتعمل معرض غيره (تغيير التحف الأثرية اللي بتتعرض فيه)، لكن وزارة الثقافة قعدت تمد خطة العرض الحالي شهر ورا شهر واخر كلام انه متاح للجمهور مجاناً حتي 5 يوليو، 2018 لحين إشعار اخر.

وعشان تشوفوا جمال القصر اتفرجوا على الصور دى هتعجبكوا وتشوقكم تروحوه : 

 

 

المصدر : موقع  اليوم السابع &  صفحة Traveller Experience