دليلك للأستمتاع بـ سفرية الساحل الشمالي :

الساحل الشمالى من احلى الاماكن الموجودة فى مصر دلوقتي لانة بيطل على البحر الابيض المتوسط والبحر فى الساحل الشمالى مختلف عن الاسكندرية فى نقاء مياهة و سحر شواطىء ورملته الناعمة وكمان القرى فى الساحل كتير جدا مختلفة ومميزة.

وطبعا القرى فى الساحل الشمالى كثيرة جدا ومتنوعة ولكن على سبيل المثال هنكلمكم عن: 

 

 قرية مراقيا حيث ان اسعار الأيجارات فيها معقولة جداً .

 سعر إيجار الشاليه لليوم الواحد من «850 إلى 1200 جنيه» ، إيجار «الكابينة» يتراوح من «500 إلى 2000 جنيه» ، إيجار «الفيلا» من 3 آلاف إلى 10 آلاف جنيه لليوم الواحد.

مراقيا تقع فى الكيلو 51 على طريق الساحل الشمالى
يوجد داخل قرية مراقيا 3 حمامات سباحة كبيرة متوزعين على انحاء القرية حيث يوجد فى اول القرية والمنتصف وكذلك فى أخرالقرية حمامات السباحة كبيرة ونظيفة وفيها تدرج لجميع الاطوال

يوجد ايضاً سوق متكامل داخل قرية مراقيا يوجد بة الكثير من المطاعم والكافيهات المختلفة مثل لابوار وكنتاكى وغيرها من محلات المأكولات الشعبية الشهيرة 
لذلك يمكنك شراء كل حاجة من هناك والاسعار عادية جدا ....

اما بقى لو بتدور على مكان اخر 
 

دي اسعار ايجار الشاليهات في الساحل الشمالي

• قرية لؤلؤة كرير بالساحل الشمالي في الكيلو ٣٤.٥ بطريق «الإسكندرية –مطروح»، كما يوجد سوق تجاري، مسجد، مخبز، نقطة إسعاف، حمامات سباحة، ملاعب، 
ويصل سعر إيجار الشاليه في قرية لؤلؤة كرير في اليوم الواحد يتراوح ما بين «400 إلى 800 جنيه» حسب مساحة وقرب الشالية من البحر

• قرية جولدن بيتش بالساحل الشمالي
تقع القرية في الكيلو 47 الساحل الشمالي، و تبدأ أسعار إيجار الشاليه من 1000 إلى 3000 جنيه لليوم الواحد،

لو هتقضى وقتا طويلا فى الساحل، حوالى أسبوع على سبيل المثال، فيجب أن تنزل لسوق الحمام، بداية من عبور كمين مدينة الحمام، يستقر العديد من المحلات والخدمات، ونقطة إسعاف، وفى الكيلو 74 أمام قرية نيس يستقر فرع آخر لأسواق فتح الله وبجواره مجموعة من المطاعم مثل سمكتك للمأكولات البحرية.
بعد كمين الحمام خذ أول ملف على يدك اليسرى حتى تصل لمدخل سوق مدينة الحمام، وهنا ستجد معظم الأشياء بأسعار معقولة، والأهم أنك ستجد محلات للفواكه والخضروات واللحوم والأسماك، حتى مستلزمات المنزل والملابس البسيطة وصيدليات ومقاهٍ وغيرها.

و بما ان البحر بيجوّع.. سواء نزلت المياة أو منزلتش، دورين راكت علي غطسين علي رميتين ڤولي علي رميتين فرسبي.. هوب، وتلاقي بطنك بتعيط من الجوع..
وعشان كده هنكلمك عن : 

-افضل المطاعم الموجودة في الساحل

مطاعم الاكلات البدويه في الساحل الشمالي 

- قريه هاني 
بعد كوبري العامريه اتجاه الاسكندريه امام ماكدونالدز

- الجراري 
طريق برج العرب بعد استاد الجيش .. افضلهم

- واحه خطاب 
طريق برج العرب صينيه المطار ناصيه طريق الساحل

- اسماك العمده 
الطريق المؤدي للساحل من تقاطع مطار برج العرب ( طريق الملاحات) بعد خطاب وقبل كارفور العروبه

-كوكو العربي
الطريق المؤدي للساحل من محور التعمير ( طريق الملاحات) بعد خطاب وامام كارفور العروبه

- قرية بلبع للمشويات تحديداً عند قرية روزانا

واغلب المطاعم بها العاب للاطفال

- زفير وسي جل المكس
-الصفواني امام كارفور العروبه ك 37
-ولعتين كرير لاجون ك 39
-بون ابيتي سيدي كرير ك 34
-الصفواني ك 43 
- دجاج كنتاكي مراقيا
-قريه بلبع روزانا مول ك 55
-فيش ماركت دجاج تكا بيتزا هت جراند كافيه كنتاكي كوستا كافي بيتزا هت هارديز ك 57 الدبلوماسيين
-اسماك ابو اشرف و سي عبدو للاسماك 
زهران ك 82
-سمكمك ك 87

- مشويات حسني

اما لو بتدور على خروجه في سوق او مول او مكان مخصص للسهر 
فممكن تروح مول العروبة و اللي فاتح فيه كارفور و هو موجود
على اخر طريق مطار برج العرب تحديداً عند قرية سيدي كرير

الأسواق في الساحل الشمالي :

- فتح الله ك 42 قبل قريه الشروق
- فتح الله روزانا مول قريه روزانا ك 56
- باسم ماركت الدبلوماسيين ٢ ك 57
- زهران مدخل الحمام
- سوق مدينه الحمام التجاري بمدينه الحمام ( سوق ضخم )
- زهران قريه بدر ك 83
- زهران باسم ماركت مارينا
_ زهران مراسي
- بلاتفورم امام مارينا 5

زهران سيتي بارك او زهران ماركت
علامة من علامات طريق الساحل 
ومن الأماكن اللي هتتبسط فيها و بالأخص لو معاك اطفال

وكمان عندك بورتو مارينا مكان مناسب جداً للخروج في الساحل

لو بتدور على مكان للألعاب المائية في الساحل الشمالي

عندك اكوا مرسليا بيتش سعر الفرد فيها
بتراوح بين ١٨٠ إلي ٢٠٠ جنيه للفرد
والأطفال حتى ٤ سنوات مجاناً

اما لو انت من هواة الصيد دي تعتبر افضل

أماكن الصيد في الساحل الشمالي

الكيلو 21
وهو لسان ممتد داخل البحر ولكن غالبا في اغلب الأوقات ما يحتاج تصريح صيد لأن غفر السواحل يمنعةن الصيد هناك على الأغلب والسمك المتوافر المياس والقاروص والدنيس والشراغيش وثعابين البحر الأنقليدس او البلدي .

شاطيء الصفا 
وهو قبل منطقة ابو تلات والمكان يمتزج فيه الوعر والرمال الخشنة مما يجعله ارض ممتازة للدنيس والقاروص والشفش والمرمار والميرا واحيانا الكاليماري ويفضل الصيد هناك ليلا .

قرية سيدي كرير
هناك بحيرة صناعية داخل قرية سيدي كرير تمتلأ بسمكة البوري اما البحر المفتوح فهو نفس السمك المتوافر في الساحل شراغيش دنيس مرمار قاروص .

شارع السنترال 
يعتبر مكانه بعد سور قرية سيدي كرير للقوات المسلحة وهو شارع طويل نهايته البحر المفتوح والمكان هناك ممتاز لصيد القاروص والميرا والجلانفيش والمرمار الخشابي وبجانب سور قرية كرير مباشرة منطقة صخرية وهي ممتازة لصيد الليل الشراغيش الكبيرة وسمكة الدنيس .

المهجورة 
وهي يطلق عليها البعض القرية المهجورة وهي في الكيلو 74 على طريق الساحل الشمالي قبل قرية جرين بيتش مباشرة طريق غير ممهد بالأسفلت ولكن يسمح بمرور السيارات فيه والمكان ممتاز لصيد السمك العائم جلانفيش او ميرا اما المرمار .

مارينا 
هي حلم كل صياد سواء على البحر المفتوح او البحيرات الصناعية وتمتلأ مارينا بسمكة الدنيس في الصيف والشتاء والقاروص والشجري وهو ابن سمكة الأنش والكابوريا السلطعون و من أسرار الصيد في مارينا ان الصيد الممتاز يكون في البحيرات الصناعية اكثر من البحر المفتوح .

المعضمة
وهي بعد مارينا بحوالي خمسة كيلو مترات وهو مكان مهجور نسبيا ولكنه ممتاز لصيد القاروص بالدود القراص والمرمار الخشابي والمكان يمتزج فيه الوعر مع الرمال الخشنة وممتاز للصيد من الشاطيء .

سيدي عبد الرحمن 
هو المكان رقم واحد لصيد الكاليماري وخاصة ان المياه هناك صافية جدا ونقية فمع وجود الصخور والمياه النقية وعدم تزايد سرعة الريح فالفرصة ممتازة لصيد الكاليماري .

ماربيلا 
الصيد للملاك والمستاجرين فقط ومع وجود لسان ممتد الى داخل البحر وبعض الوعرات الصخرية فالصيد هناك ممتاز وخاصة للميرا والغلنفيش .

 

معلومات تهمك ونصايح ليك قبل السفر للساحل الشمالي :

اطمن علي سيارتك قبل السفر وافحصها وخلي بالك من الرادار اللي اقصاه ١٢٠ علي الصحراوي و ١٠٠ علي الساحل ولو بتحط بنزين ٩٢ ماتحاولش تمون من بنزينه فيها ٨٠ عشان احيانا بيخلطوا الاتنين وبالنسبه لطريق العلمين شغال حاليا
افضل ريست ممكن تعمله علي الصحراوي في بنزينات امارات مصر
خلي سفرك بدري او اخر النهار لتجنب حراره الشمس
ماتستخدمش مياه القري السياحيه للشرب واشتري مياه معدنيه
لو معاك اطفال صغيرين مانصحكش تحجز وحده ببسين خاص امانا ليهم لانك مش هتابعهم طول الوقت
ماتحاولش تتعرض للشمس طول اليوم واختار افضل اوقات لنزول البيتش زي الصبح بدري والعصر

حاول تستجم وتفصل دماغك عن اي شغل او مشاكل عشان دي اجازتك السنويه واستمتع بكل دقيقه بتقضيها في المصيف واسأل عن افضل الكافيهات والمطاعم اللي في قريتك قبل ماتدخل وتتفاجئ بحاجه ماتعرفهاش

ودلؤقتى نسيبكم مع الصور : 

 

المصدر : صفحة افضل اماكن الفسحه والخروج فى مصر