أحنا عاوزينك الاول تتخيل أنك مع أقرب الناس ليك فى المكان ده

صاحبك او مراتك او عيلتك والدك او والدتك

اول حد يجيى فى بالك تقعد معاه فى المكان ده ٤ ايام خده ورح لان ده أخر افضل وقت ممكن تقضوه فيه

رأس شيطان او راس شاطئان

رأس شيطان جنه على ارض مصر المشوار تقريبا بياخد 6 ساعات وتقريبا الرحلة مش هتبقى مكلفه اوى وهنقولك أزاى ..

الجو الصبح اليومين دوول أبتدى يبقى حر حبتين بس أنتى ممكن تديها الصن بلوك وتقضوا فى المياه عادى جدا لكن بليل طبعا لازم تعمل حسابك فى حاجة بكم لو أخرت فى السهر

مبدئيا لو معاك عربيه كويسه فهيبقى الاختيار ده افضل من المواصلات او لو عدد حاولوا تأجروا ميكروباص مخصوص افضل من الشركات اللى موجوده دلوقتى ولو هتركب اتوبيس هتركب نويبع بس خليك عارف هتنزل فين بالظبط لانها مش محطة رسميه

اماكن الاقامه هناك بقى بتتنوع ما بين خيم مشدوده على الرمل او أكواخ على تلال او فى اكشاك على البحر علطول بص كل الاختيارات مريحه وانت رايح وعارف انك رايح علشان هتقعد مع الطبيعه بس لو انت أنف اوى خليك فى الاكواخ لانها فيها خصوصيه اكتر

الكهرباء هناك موجودة عادى وفى أماكن شغالة بمولدات بس انت على نص الليل هتفصل وتقعد بقى فى جو النار الى هتتلموا حواليها..
القعده بقليل هناك بجد ممكن تخليك تعد النجوم  لانك هتلاقيها واضحه جدا لان تقريبا مفيش اى ملوثات هناك

الاكل هناك بقى بصراحه من امتع الحاجات ( بما أننا بنحب الاكل ) فالصبح بيبقى فى بيض وعيش بدوى وفول وزبده وبطاطس محمره وطبعا طول اليوم فى اكل عادى لو حابب تطلب وبليل الاكل برده بيبقى غالب عليه الطابع البدوى وعموما خللى بالك لان معظم الاماكن هناك بتجمعلك فلوس الاكل وبتحاسب عليها فى الاخر فلازم تبقى عامل حسابك فى الفلوس 
انت رايح تستجم فخللى الموبايل أخر اهتماماتك يدوبك للطوارئ او لو حد عاوز يطمن عليك غير كده نصيحه نفضله خالص وهتلاقى كراسى على البحر معموله للأسترخاء خد معاك كتاب او موسيقى ..

الأجواء بليل من غير نور حلوه اوى وممكن الصبح تتسلق الجبال اللى حواليك وبيبقى فى النشاط ده ممكن تسأل عليه فى الكامب 
النوم هناك بيبقى بدرى والصحيان بدرى علشان تستمتع باليوم كامل
لازم يبقى معاك فوطه ومناديل وكشاف والبطاقه طبعا وكوتشى لو حابب تطلع الجبل وبيرسول واووف اللى بيترش على الجسم

 

راس شيطان

 

راس شيطان

 

المصدر: صفحة اماكن الفسح و الخروجات