ازاى تلف الاقصر من غير ماتشيل هم اقامة ومواصلات

تشتهر مدينة الاقصر بكثرة وجمال مزاراتها الاثرية حيث تضم العديد من المعابد كمعبد الكرنك والاقصر وحتشبثوت كما يتواجد بها متحفى الاقصر والتحنيط الى جانب وادى الملوك وغيرها من المعالم تعرف عليها بالتفصيل

مبدأياً لو بتفكر تسافر الاقصر واسوان وعاوزة رحلة شاملة الاقامة والانتقالات وتكون سعرها كويس ألحق مكانك فى أجمل رحلة نايل كروز الاقصر واسوان ( 4 ايام / 3 ليالي ) بأرخص الاسعار

ودلؤقتى هتتعرف معانا من خلال المقال ده على :

طريقة زيارة المعابد وا لمقابر الاساسية بالتفصيل الممل و باللوكيشن من خرائط جوجل عشان الواحد يبقى معاه دليل كامل يقدر يتنقل من خلاله في مدينة الاقصر

مبدأيا عشان تسافر للاقصر هتحجز وسيلة المواصلات اللى تعجبك بس ارخص وسيلة مريحة شوية القطار الاسبانى المكيف درجة تانية..
هتنزل الاقصر هنا محطة القطار

https://goo.gl/maps/BZkvcuYxHqk

وبعدين هتدور حوالين المحطة على فندق يناسبك وأقل فندق سعراً هو فندق نقابة المعلمين بيبدأ من 60 جنية وبوب مارلى حوالى 80 جنية وسفنكس ب 80 جنية تقريبا لليله.

تحط شنطتك ويلا بينا نتمشى للكورنيش علشان

1- تزور متحف التحنيط

واللى مكانه هنا https://goo.gl/maps/Fr5QAYRvJmG2

هتخلص متحف التحنيط وتتمشى شويه على كورنيش الأقصر لحد لما توصل لــ :

2 - متحف الأقصر

هنا https://goo.gl/maps/AjTh4qFXxDp

3- بعدها هتحتاج تروح منطقة معابد الكرنك

وهى بردو قريبة لمتحف التحنيط والاقصر ممكن بتاكسى من وسط البلد ب 20 جنية يوديك هناك.. ومعبد الكرنك هو أكبر وأهم مجموعه معابد فى عصر الامبراطورية المصرية الذهبى..
هتلاقى مجموعه معابد مشهورة ويهمك زيارتها

1/معبد أمون الرئيسى

2/معبد رمسيس الثالث بعد ما تمرى من الصرح او البوابة الأولى على اليمين بعد طريق الكباش.

3/معبد خنسو وتوصل ليه عن طريق الباب اللى على يسار معبد رمسيس الثالث .

4/ياريت توصل لحد الاخر وتشوف تماثيل رمسيس الثاني

والبوابة بتاعت متحف الكرنك من هنا
https://goo.gl/maps/CvtzoHZ544x

تخلص زياراتك وترجع على الكورنيش تانى تشاور لعربية ميكروباص ب 2 جنيه تكون رايحة محطة القطار سواء شرق المحطة وتعدى الناحية التانية او غربها مكان ما نزلت اول مرة وتروح الفندق تريح شوية ..

أو تروح تتغدى وتريح بعدها شوية علشان فى الغروب كدا تنزل علشان تزور

4- معبد الأقصر وأحلى وقت ليه ساعه الغروب

تفاصيل معركة قادش على الصرح بتكون واضحة جداً ورائعه جداً.. واللى بتنزل تشترى التذكرة بتاعته من شباك التذاكر واللى مكانه هنا بالظبط

>http://maps.google.com/?q=25.700310,32.640466&hl=ar&gl=ae

نيجى بقى للجزء التانى من مقالنا وهو البر الغربى واسرارة المخفيه

--ثانى يوم الصبح تطلع وتاخد مركب معدية الاهالى ب جنية او كمان فيه عجل للإيجار علشان تعدى البر الغربى من هنا
https://goo.gl/maps/Daz5XqzrVns

وبعدين تتمشى حته كدة قدام وتأجر عربية تاكسى او ميكروباص لو انتم كذا حد علشان تروحوا وادى الملوك من هنا
http://maps.google.com/…

-وادى الملوك

'' التذكرة بتديلك حق تدخل 3 مقابر فقط عاوز تدخل مقابر اكتر اقطع تذاكر تانى من عند الشباك.. مقبرة توت عنخ امون ورمسيس ال 5 و 6 وسيتى الأول ليهم تذاكر منفصلة واغلاهم مقبرة سيتى ب الف جنية مصرى ''1000 جنية ''.
فيه مقابر معينه هى اللى مسموح بزيارتها والباقى مغلق للصيانه او الترميم..
ننصحك بزيارة مقابر
-رمسيس الثالث
-مرنبتاح
-تاوسرت

**ممنوع ممنوع التصوير فى وادى الملوك لكن مؤخراً طلع قرار يسمح بالتصوير فى 3 مقابر مقابل تذكرة تصوير شخصى غير تجارى ب 300 جنية..
-وادى الملكات
-تمثال ممنون

هتخلص وادى الملوك وتروح معبد حتشبسوت

وبعدين ترجع تانى للمركب وترجع مرة كمان لمحطة القطار علشان نروح أسوان

ولو حابب تعرف اكتر عن معالم اسوان وازاى تروح هناك وتقعد فين ممكن ترجع لمقال اسوان : تعرف معنا علي كل شبر في اسوان

ملحوظة :

*** تقريباً جميع المقابر والمعابد المصرية للمصريين 10 جنية للفرد و5 جنية للطلبة والأطفال.

**فى الشراء فى السوق السياحى او فى محلات المعابد والمقابر.. فاصل فى السعر ومتتكسفش حتى ولو قالك 20 جنية بس!
هتلاقى منتجات صينى كتير أهرامات وتماثيل وهدايا

المنطاد او البالون حاليا غالى جدا وبيوصل الفرد ب 1000 جنية . بس دة ميمنعش انه بيعيشك فى جو تحفه وقت الشروق