الناس اللي عايزة تعرف اكتر عن السفر بأقل تكلفة او ال Backpackers المقال دة ليهم .. 

مفيش شك أن فكرة خلط التطوع مع السفر  فكرة مبتكرة وحلوة جداً. ودة لان التطوع والسفر مع بعض هيساعدوك تتعلم حاجات كتير جداً وتطور خبراتك في الحياة وفي الشغل. ده غير تعرضك بشكل أفضل لثقافة البلد اللي هتزورها عن انك تكون سائح في زيارة قصيرة...

طيب احنا هنقسم المقال على جزئين : 

*ازاى تسافر بتكلفة قليله وايه اللى ممكن تعمله عشان متكلفش نفسك كتير فى السفر

* والعمل التطوعى او ال "volunteer work" وازاى تسفاد من العمل التطوعى بأنك تسافر من خلال رسوم بسيطة جدا 

 

اولا: ازاى تسافر بتكلفة قليله

هنبتدي بتذاكر الطيران.. عشان تسافر لازم اول حاجه تحجز تذاكر الطيران ودي اسعارها بتختلف حسب الميعاد وحسب شركة الطيران والموقع اللي بتحجز من عليه.
الافصل لما تحجز الطيران تختار ايام في وسط الاسبوع يعني حاول تتجنب انك تحجز في الاجازات عشان بتكون زحمة والتزاكر هتبقي غالية نوعا ما..
طبعا المواقع اللي ممكن تحجز منها كتيرة جدا جدا بس ارخصم عن تجرب شخصية موقع زي 

1. Kiwi.com

2. cheapoair.com

**حاول تكون ذكي في مواعيدك

تاني حاجه محتاج تعرفها هي ازاي متكلفش نفسك كتير وانت مسافر ودي هتبقي عن طريق حاجتين انك هتحتاج تقعد في Hostel وانك هتعمل عمل تطوعي او Volunteer work 
لما تيجي تقعد في مكان طبعا مش هتقعد في فندق خمس نجوم انت عايز تختار الارخص واللي في نفس الوقت هيناسب سنك وطريقة سفرك اللي هي Backpacking
ارخص حاجه هي ال hostel وده هتلاقيه علي موقع اسمه 

hostelworld.com

لما تحجز هتحجز dormroom يعني الاوضة اللي هتقعد فيها هيكون فيها من ٤ ل ٦ اشخاص معاك ..

ال dormroom ممكن تكون للبنات بس او ولاد بس او الجنسين.. هتشوف الانسب ليك طبعا وتحجزه ودي استارها بتختلف من بلد لبلد ومن مدينة لمدينة بس غالبا بتكون ارخص من اي حاجه تانية...
انك تقعد في dormroom اغلب الناس هيبقوا في نفس سنك تقريبا وهتتعرف علي ناس كتير وتكون صداقات وهتعرف اماكن جديدة عن طريقهم وهتسافر مع بعضهم كمان في رحلتك وهتسيبهم وهتقابل غيرهم في مكان تاني وتكمل طريقك عادي..


ثانيا : نيجي لاهم موضع في المقال اللي هو ازاي تقدر تعمل volunteer work او عمل تطوعي ؟!

فكرة العمل التطوعي انتشرت كتير في السنين الاخيرة بين الناس اللي بتسافر وسنهم صغير لان بتوفر عليك فلوس كتير تسافر بيها وتشوف المكان اللي انت فيه..

طب يعنى ايه العمل التطوعي او ال "volunteer work"

-- انت تعرف انك ممكن تنظم برنامج تطوعى من خلاله المؤسسة المنظمة بتضمن لك الاقامة فى مكان امن عند اشخاص معتمدين وكمان بتغطى تكاليف اقامتك ومصاريف الاكل والانتقالات عن طريق انك بتشتغل فى مكان ساعات عمل معينة مبتذيدش عن 6 ساعات يوميا تقريبا ودي طبعا فرصة حلوة تكتسب خبرات وتعرف ناس وتوفر اكتر وتكمل رحلتك..

في كذا موقع او مؤسسة متخصصه في ال "volunteer work" في العالم وكل موقع له مميزاته وعيوبه حسب المكان والسعر وعدد الناس اللي هتستضيفك ..

بس احنا هنقولك اهمهم وانت تختار الانسب ليك حسب طبيعة رحلتك..

اول موقع هو
hippohelp.com

الموقع ده الوحيد المجاني ومش هتدفعله فلوس عشان تشترك فيه لانه جديد واتعمل فى 2017
ممكن تشترك على الموقع ده لان ممكن تستفاد منه وانت كده كده مش هتدفع حاجه زي المواقع التانية ولكن زي ماقولت الموقع جديد فمش عليه ناس كتير اوي لسه...

تاني موقع وهو اهمهم عن تجربة شخصية برده هو 
https://www.workaway.info/

ده تقريبا افضل الموقع في ال volunteer work دلوقتي لانك ببساطة هتلاقي عليه اماكن كتيرة للشغل وباختلاف انواعه وفي معظم دول العالم تقريبا
تكلفة الاشتراك السنوي للموقع ده بتختلف انك تكون لوحدك او في حد مسافر معاك رحلتك.

يعني لو اتنين هتعملوا اكونت مشترك وهتدفعوا اشتراك 38 دولار في السنة
لو انت لوحدك هتدفع 29 دولار في السنة...

تالت موقع هنتكلم عنه هو 
helpx.net

ده موقع كويس واكتر منافس بعد ال workaway وتقريبا مشابه ليه جدا هو كمان اقدمهم...
بس عيوب الموقع ده انك مش هتلاقيه كتير اوي في كل القارات زي افريقيا مثلا .. يعني لو هتسافر في افريقيا يبقي افضل متشتركش في الموقع ده..
تكلفة اشتراك helpx في السنة 11 دولار بس الموقع ده تقدر تشترك عليه بسنتين اقل حاجه وهتكلفك 23 دولار اشتراك سنتين ورا بعض وده سعر كويس جدا طبعا..

رابع موقع هو 
wwoof.net

الموقع ده للناس المتخصصة في ال organic farms او اعمال الزراعة يعني هتشتغل في النبات وفي الارض 
مشكلة الموقع ده ان كل بلد ليها موقع خاص بيها يعني مش زي باقي الموقع ليها موقع واحد في العالم كله..

بمعني انك لو مسافر اكتر من دولة هتضطر تشترك مرتين في موقعين باشتراكين مختلفين واشتراك كل دولة مختلف عن غيرها طبعا..

الموقع ده برده متخصص في حاجه واحدة وهي اعمال الزراعة غير باقي المواقع..
ممكن يوصل اشتراكك في بعض الدول حوالي 70 دولار حسب الدولة طبعا في دول ارخص بكتير بس ده اقصي حاجه تقريبا..

اخر موقع هنتكلم عنه هو
worldpackers.com

وده اضعفهم واقلهم ومش منتشر اوي... غالبا موجود في امريكا الجنوبية ودي معظم الناس مش بتسافرها بس للي محتاج يعرف عنه وهو برده غالي نوعا ما..

بس اهم حاجة قبل السفر لازم تتأكد من الواجهة المستقبلية اللى عاوز تسافرلها وتقرأ عنها كويس لانك هتسافر لفترة طويله ولازم تكون مرتاح .. 

 

المصدر : صفحة Traveller Experience