المقال دة هنتكلم فيه عن تأشيرات بلاد المغرب العربي ( المغرب - تونس - الجزائر )
ازاي تطلع فيز تونس والمغرب والجزائر؟ هنحاول النهاردة من خلال مقالنا نكتب كل الاجراءات بطريقه مبسطه ان شاء الله
اولا : فيزا المغرب
المستندات المطلوبة للحصول علي فيزا المغرب
1- كشف حساب بنكي لاخر 3 شهور
2- خطاب من جهه العمل ( اتش ار ليتر ) لو موظف
السجل التجاري والبطاقه الضريبيه لو صاحب عمل
شهادة قيد من الكليه لو انت طالب
3- جواز السفر + صورة من جواز السفر
4- اتنين صوره شخصيه حديثه خلفيه بيضاء
5- حجز فندق مبدئي في المغرب + حجز طيران مبدئي من اي شركه طيران
6- تأمين طبي للسفر من اي شركه تأمين
رسوم التأشيرة للمغرب : علي حسب نوعها
1- تأشيرة single : ب 404 جنيه
2- تأشيرة مالتي : ب 605 جنيه
3- تأشيرة ترانزيت : ب 167 جنيه
** وارد جدا تكون الرسوم دى اتغيرت شوية ..
التقديم ايام الاثنين والخميس من 10 صباحا ل 12 صباحا
والاستلام بعد 21 يوم في نفس الايام لكن من الساعه 3.30 ل 4 عصرا
عنوان سفاره المغرب : 10 ش صلاح الدين، الزمالك - القاهرة
ثانيا : فيزا تونس
صعوبه فيزا تونس مش في السفاره نفسها
لكن في الموافقه الامنيه اللي بتيجي من تونس .. يعني السفاره ملهاش دعوة بتأخير الاجراءات لان دي تعليمات بينفذوها من الحكومه التونسيه
المستندات والاوراق المطلوبه للحصول علي فيزا تونس
1- اهم شرط ان كل حاجه تقدم منها نسختين اصل (مهم جدا دة)
2- كشف حساب بنكي لاخر 6 شهور
3- خطاب من جهه العمل ( اتش ار ليتر ) لو موظف
السجل التجاري والبطاقه الضريبيه لو صاحب عمل
شهادة قيد من الكليه لو انت طالب
4- جواز السفر + صورة من جواز السفر
5- اربع صور شخصيه حديثه خلفيه بيضاء
6- حجز فندق مبدئي في تونس + حجز طيران مبدئي من اي شركه طيران
رسوم التأشيرة لتونس 750 جنيه ..
لو اول مرة تسافر تونس التأشيرة هتاخد اقل حاجه ( شهر كامل ) علي ما تطلع مش هتطلع قبل كدة لكن لو تاني او تالت مرة بتاخد من 15 يوم ل 21 يوم
عنوان السفاره التونسية في مص : في 26 شارع الجزيره في الزمالك - القاهرة
تالتا فيزا الجزائر :
المستندات المطلوبة للحصول علي فيزا الجزائر :
1- تملي استماره طلب التأشيرة بخط واضح
2- جواز سفر + صورة منه
3- صورتين شخصيه حديثه بخلفيه بيضاء
4- تأمين طبي للسفر من اي شركه تأمين
5- كشف حساب بنكي لاخر 6 شهور
6- باقي الورق حسب نوع التأشيرة .. في الجزائر في 3 انواع من التأشيرات :
* متطلبات تأشيرة عمل في الجزائر
ودي متطلباتها اول 6 نقط كتبناهم +
1- عقد عمل صادر من المؤسسه المستخدمه في الجزائر
2- رخصه فرديه مؤقته للعمل صادره عن مديريه التشغيل بالجزائر
3- تعهد بالرحيل صادر من الشركه المستخدمه بالجزائر
4-خطاب من جهه العمل بالجزائر
5- خطاب من جهه العمل بمصر
* متطلبات التأشيرة العائليه للجزائر
ودي متطلباتها اول 6 نقط كتبناهم +
1- شهادة ايواء من احد افراد عائله المتقدم للتأشيرة مصدق عليها من بلديه اقامه الشخص المضيف في الجزائر
2- خطاب من جهه العمل التي يعمل بها طالب التأشيرة من مصر
* متطلبات تأشيرة سياحه
( ودي صعبه جدا وقليل ان حد بيحصل عليها بعد 2011 )
متطلباتها اول 6 نقط كتبناهم +
1- دعوة من شخص جزائري مصدق عليها من بلديه الشخص المضيف في الجزائر
1- حجز فندق في الجزائر
2- حجز طيران ذهاب وعودة وصورة منه
عنوان سفاره الجزائر : 14 ش البرازيل متفرع من ش 26 يوليو, الزمالك, القاهرة بجوار سفارة اسبانيا.
المصدر : صفحة traveller experience
