اكتشف اجمل 9 اماكن سياحية تستحق زيارتك في القاهرة ( بالاسعار والمواعيد ) 2020

 

القاهرة من أغني المدن في أفريقيا والعالم العربي كله من ناحية المزارات وتنوعها وجمالها، ما بين متاحف وحدايق ومحميات وقلاع وغيرهم أكيد هتلاقي المكان اللي شبهك واللي يناسبك وعشان كده جمعنا 9 مزارات في القاهرة لازم تحطهم في قايمة الأماكن اللي تزورها ولو لمرة واحدة في حياتك عشان تكتشف ليه الأجانب بييجوا من كل مكان في العالم عشان يتفرجوا عليها! 

 

 

المتحف موجود في منطقة مجمع الأديان الشهيرة في مصر القديمة وهو أكبر متحف للآثار القبطية في العالم بإحتوائه على أكتر من 16 ألف قطعة، المتحف اللي تم افتتاحه سنة 1910م بيحتوي على أقسام كتير زي المعادن، الأقمشة والمنسوجات، تطور الكتابة القبطية والفخار والزجاج وغيرهم.. المتحف القبطي بيستقبل الزوار يوميًا من 9ص ل 5م وسعر التذكرة للمصريين 10 جنيه وللأجانب 60 جنيه.. ولتفاصيل أكتر عن المتحف من هنـــــــا

 

 

 

هي أهم محمية طبيعبية موجودة داخل القاهرة وده بسبب غناها بالحفريات اللي اتكونت على مدار ملايين السنين.. الميزة الرئيسية في المحمية إنك بتدخل مود مختلف تمامًا عن القاهرة وزحمتها وأصواتها العالية.. محمية وادي دجلة مثالية للأنشطة الرياضية زي المشي والجري وركوب العجل وتسلق الجبال غير إنها ممتازة للخروج العائلي.. المحمية مفتوحة يوميًا من 7 الصبح ولحد 6م وتقدر تخيًم برده والأسعار 10 جنيه للدخول و50 جنيه للتخييم.. ولتفاصيل أكتر عن المحمية وأفضل مواعيد الزيارة من هنـــــــا

 

 

 

هو واحد من أكبر وأشهر المتاحف في العالم، سهل جدًا الوصول إليه لإنه في قلب القاهرة في ميدان التحرير.. المتحف تم افتتاحه رسميًا سنة 1902م في موقعه الحالي بعد نقله مرتين من بولاق ومن الجيزة، المتحف فيه أكتر من 180 ألف قطعة وأهمهم هو تمثال الملك خوفو وقناع الملك توت عنخ آمون..  المتحف المصري بيستقبل الزوار يوميًا من 9ص ل 5م ويوم الحد والخميس فيه فترة مسائية أما سعر التذكرة للمصريين 30 جنيه وللأجانب 200 جنيه.. ولتفاصيل أكتر عن المتحف وانواع التذاكر من هنـــــــا

 

 

هو تاني أعلى برج في العالم وقت افتتاحه سنة 1961م بإرتفاع 187م البرج اللي بيستغرق 45 ثانية للوصول لقمته هتشوف فيه أفضل صورة بانورامية للقاهرة كلها فهتقدر تشوف مثلًا قلعة صلاح الدين والنادي الأهلي والأهرامات وماسبيرو وغيرهم.. برج القاهرة بيستقبل الزوار يوميًا من 8 الصبح ولحد 12 بليل ل 5م أما سعر التذكرة للمصريين 40 جنيه وللأجانب 200  جنيه.. ولتفاصيل أكتر عن البرج وتاريخه من هنـــــــا

 

 

هو أكبر متحف إسلامي في العالم كله، بيضم مجموعات مختلفة من شمال إفريقيا ومصر والشام والهند وإيران والصين والأندلس والجزيرة العربية.. بيحتوي على أكتر من 103 ألف قطعة وبيضم قطع فنية وأدوات كان الأمراء والسلاطين بيستخدموها في العصور الأموية والفاطمية والأيوبية والمملوكية والعباسية.. متحف الفن الإسلامي بيستقبل الزوار يوميًا من 9ص ل 5م ويوم السبت فيه فترة مسائية أما سعر التذكرة للمصريين 10 جنيه وللأجانب 100 جنيه.. ولتفاصيل أكتر عن المتحف وانواع التذاكر من هنـــــــا

 

 

هي أكبر وأضخم حديقة في القاهرة كلها وتعتبر أهم المزارات السياحية غير الأثرية في القاهرة، حديقة الأزهر افتتحت سنة 2005م على مساحة 80 فدان بعد قرون من إستخدامها كالمكان الرئيسي للمخلفات والقمامة في القاهرة.. الحديقة موجودة في منطقة الدراسة الأثرية وقريبة جدًا من مساجد مهمة زي الجامع الأزهر والحسين وقلعة صلاح الدين الأيوبي ده غير إن منها تقدر تشوف صورة بانورامية هايلة للقاهرة كلها.. حديقة الأزهر بتستقبل الزوار من 9 الصبح ولحد 10م كل يوم وسعر التذكرة 10 جنيه طول أيام الإسبوع ما عدا الجمعة والسبت اللي التذكرة فيهم سعرها 15 جنيه.. ولتفاصيل أكتر عن الحديقة وتاريخها من هنـــــــا

 

 

الكنيسة موجودة في منطقة مجمع الأديان الشهيرة وتعتبر أقدم كنيسة باقية في مصر بعد بناها في القرن التاني الميلادي، الكنيسة اللي موجودة على ارتفاع 12م من الأرض اتبنت على برجين من أبراج حصن بابليون الشهير واللي بسببه اتسمت الكنيسة المعلقة.. الكنيسة بتستقبل الزوار طول ايام الاسبوع من 9 الصبح ولحد 5م وملهاش أي تذكرة لدخولها سواء للمصريين أو للأجانب.. ولتفاصيل أكتر عن الكنيسة وعن تاريخها من هنـــــــا

 

 

من أهم المتاحف اللي هتكون في القاهرة خلال السنين القليلة الجاية وده لإنه هيكون مركز ثقافي متكامل مش مجرد متحف، فهنلاقي إن فيه مركز للتعليم والبحث ومجهز لإستضافة المؤتمرات والمحاضرات والانشطة الثقافية وعرض الأفلام ده غير 6 معارض بتتكلم عن فجر الحضارة، النيل، الكتابة، الدولة والمجتمع، الثقافة وأخيرًا المعتقدات والأفكار ده غير معرض خاص للمومياوات الملكية.. المتحف القومي للحضارة المصرية بيستقبل الزوار يوميًا من 9ص ل4م  أما سعر التذكرة للمصريين 10 جنيه وللأجانب 60 جنيه.. ولتفاصيل أكتر عن المتحف ومحتوياته من هنـــــــا

 

 

اتبنت القلعة في عهد القائد صلاح الدين الأيوبي وعشان كده معروفة بإسم قلعة صلاح الدين، وكانت القلعة هي مقر حكم مصر لمئات السنين بداية من عهد صلاح الدين ولحد الخديو إسماعيل اللي نقل مقر الحكم لقصر عابدين.. القلعة فيها تحف معمارية رهيبة زي مسجد محمد علي باشا ومسجد بن قلاوون ومتاحف مختلفة زي المتحف العسكري ومتحف الحديقة وقصر المجوهرات.. قلعة صلاح الدين بتستقبل الزوار يوميًا من 9ص ل 5م  أما سعر التذكرة للمصريين 30 جنيه وللأجانب 180 جنيه.. ولتفاصيل أكتر عن القلعة وإزاي توصلها من هنـــــــا

 

 

 

وأخيرًا متنساش تقولنا ايه اكتر مكان اتحمست تزوره في قائمة الأماكن دي؟ ولو تعرف أماكن تانية متكلمناش عنها عرّفنا عليها!