كل ما تحتاج معرفته عن متحف الحضارة المصرية 2020، الأسعار والمواعيد وإزاي تروحه!
بقدرة إستيعابية 50 ألف قطعة وعلى مساحة 33 فدان موجود المتحف القومي للحضارة المصرية في مدينة الفسطاط التاريخية عشان يحكي مراحل تطور الحضارة المصرية من ما قبل التاريخ ولحد العصر الحديث في مجالات مختلفة كتير.. المتحف بيضم آثار من العصر الحجري والفرعوني واليوناني والقبطي والعربي والعصر الحديث، ويعتبر بمثابة مكان واحد فيه مقتنيات لجميع المتاحف المصرية التانية وعشان كده هنتكلم النهاردة أكتر عنه وعن تاريخه ومواعيد الزيارة وأسعار التذاكر وإزاي تروحه..
تاريخ إنشاء متحف الحضارة في القاهرة
فكرة إنشاء متحف واحد بيحكي عن الحضارة المصرية بتعود لسنة 1982م لما قامت اليونسكو بالإعلان عن حملة دولية لإنشاء المتحف القومي للحضارة ومتحف النوبة بأسوان، وفي سنة 1999م تم اختيار الموقع الحالي للمتحف في الفسطاط بدل الموقع القديم في الجزيرة، وتم وضع حجر الأساس لمبنى المتحف سنة 2002م أثناء عملية الحفائر الأثرية واللي ابتدت سنة 2000م وانتهت في 2005م
متحف الحضارة عباره عن إيه؟
هيتم عرض محتويات المتحف – حوالي 50 ألف قطعة – في 9 قاعات منها معرض رئيسي دائم عن أهم إنجازات الحضارة المصرية، و6 معارض بتتكلم عن فجر الحضارة، النيل، الكتابة، الدولة والمجتمع، الثقافة وأخيرًا المعتقدات والأفكار ده غير معرض خاص للمومياوات الملكية.. المتحف فيه كمان مساحات واسعة للمعارض المؤقتة ومركز للتعليم والبحث ومعرض لتطور القاهرة الجديدة وهيكون مجهز لإستضافة المؤتمرات والمحاضرات والانشطة الثقافية وعرض الأفلام عشان يكون مركز ثقافي متكامل مش مجرد متحف!
مكان متحف الحضارة في القاهرة
متحف الحضارة المصرية موجود في الفسطاط وبيطل مباشرة على عين الصيرة والوصول له مش صعب إطلاقًا، فلو انت هتيجي مواصلات فاركب أي حاجة رايحة الفسطاط أو عين الصيرة وهتنزل تتمشي أقل من 5 دقايق، ولو هتركب مترو فأقرب محطه هي مارجرجس وبتبعد 3 كم عن المتحف، ومن بره المحطة تقدر تاخد اي اتوبيس داخل الفسطاط.. أما لو جاي بعربيتك فمتقلقش خالص من الركنات لإن فيه باركنج مخصص للمتحف وزواره..
مواعيد متحف الحضارة في القاهرة
المتحف فاتح أبوابه للزائرين طول أيام الأسبوع، وده خلال مواعيد العمل الرسمية من 9 الصبح ولحد 4م..
أسعار تذاكر متحف الحضارة في القاهرة
السعر بيختلف حسب جنسية الزائر فمثلا هنلاقي إن سعر التذكرة للأجانب 60 جنيه وللطلبة الأجانب 30 جنيه.. أما المصريين فهنلاقي سعر التذكرة 10 وللطلبة 5 جنيه، والتصوير الفوتوغرافي 50 جنيه..
1__100__100__1__1566443572.png)
__100__100__1__1546265863.png)
