كل ما تحتاج معرفته عن الكنيسة المعلقة 2020، الأسعار والمواعيد وإزاي تروحها!
اتبنت في القرن التاني الميلادي عشان تبقى أقدم الكنائس اللي لسه باقية في مصر، الكنيسة موجودة في منطقة القاهرة القبطية المهمة جدًا واللي بتحتوي على المعبد اليهودي والمتحف القبطي وكنيسة ابي سرجة ومسجد عمرو بن العاص وغيرهم كتير، ولأهميتها الكبيرة واللي بسببها تعتبر من أشهر الآثار القبطية في مصر هنتكلم النهاردة أكتر عنها وسبب تسميتها ومواعيد الزيارة وإزاي توصلها وأسعار دخولها..
سبب تسمية الكنيسة المعلقة بالإسم ده؟
الكنيسة اتسمت بالاسم ده عشان اتبنت على برجين من الأبراج القديمة من أبراج الحصن الروماني الشهير – حصن بابليون – واللي اتبنى في عهد الإمبراطور تراجان.. الكنيسة اتبنت على ارتفاع 12م من سطح الأرض وعلى مساحة 23م طول و18.5م عرض و9.5م ارتفاع.. والكنيسة بتتكون من 3 أجزاء، وهما الصحن الرئيسي وجناحين صغيرين ومن بينهم 8 أعمدة على كل جانب من الكنيسة
مواعيد الكنيسة المعلقة في القاهرة
الكنيسة بتفتح أبوابها لكل الزائرين طول أيام الأسبوع من الساعة 9 الصبح ولحد 5 المغرب..
.jpg)
مكان الكنيسة المعلقة في القاهرة
الكنيسة موجودة في مصر القديمة، فلو جاي بعربيتك فتقدر تركب بالقرب من الكنيسة، أما لو جاي مواصلات فأفضل وسيلة إنك تركب مترو الخط الأول وتنزل محطة مارجرجس، هتخرج من المحطة هتلاقي الكنيسة في وشك وأقل من دقيقة مشي هتكوه جوه الكنيسة..
أسعار تذاكر الكنيسة المعلقة في القاهرة
الكنسية المعلقة من الأماكن القليلة في القاهرة اللي ملهاش أي تذاكر للدخول سواء للمصريين أو للأجانب!
1__100__100__1__1566443572.png)
__100__100__1__1546265863.png)
