كل ما تحتاج معرفته عن المتحف القبطي 2020، الأسعار والمواعيد وإزاي تروحه!
المتحف موجوه جوه حصن بابليون التاريخي وفي منطقة مجمع الأديان الشهيرة واللي بتحتوى على المعبد اليهودي والكنيسة المعلقة ومسجد عمرو بن العاص وغيرهم، المتحف القبطي عدى عليه أكتر من 100 سنة ويعتبر أكبر متحف بيحتوي على الأثار القبطية في العالم وعشان كده هنتكلم النهاردة أكتر عن المتحف ومحتوياته ومواعيد الزيارة وأسعار التذاكر..
المتحف القبطي عباره عن إيه؟
المتحف بيحتوي على أكتر من 16 ألف قطعة وده اللي خلاه أكبر متحف للآثار القبطية في العالم! وبيتكون من جناجين بيربط بينهم ممر، الجناح القديم واللي شيده مرقص سميكة باشا سنة 1910م والجناح الجديد واللي تم افتتاحه سنة 1947م في عهد الملك فاروق.. وبيتكون المتحف من أقسام كتير زي قسم المعادن، قسم الأقمشة والمنسوجات، قسم تطور الكتابة القبطية، قسم الأحجار، قسم الفخار والزجاج وغيرهم كتير من الأقسام اللي بتحتوي على مجموع من أروع نماذج الفنون القبطية على مر الزمن..
مواعيد المتحف القبطي في القاهرة
المتحف تقدر تزوره طول أيام الإسبوع من 9 الصبح ولحد 5م وفي بعض الأحيان بيكون فيه حفلات ليلية في المتحف، وتقدر تعرف ده من صفحة المتحف على فيسبوك..
مكان المتحف القبطي في القاهرة
المتحف موجود داخل حدود حصن بابليون في مصر القديمة، لو جاي بعربيتك فتقدر تركب بالقرب من المتحف، أما لو جاي مواصلات فأفضل وسيلة إنك تركب مترو الخط الأول وتنزل محطة مارجرجس، هتخرج من المحطة هتلاقي المتحف في وشك وأقل من دقيقة مشي هتكوه جوه المتحف..
أسعار تذاكر المتحف القبطي في القاهرة
السعر بيختلف حسب جنسية الزائر فمثلا هنلاقي إن سعر التذكرة للأجانب 60 جنيه وللطلبة الأجانب 30 جنيه.. أما المصريين فالتذكرة سعرها 10 وللطلبة 5 جنيه..
1__100__100__1__1566443572.png)
__100__100__1__1546265863.png)
