كل المعلومات التي ستحتاج لمعرفتها قبل زيارتك لبرج القاهرة : الاسعار، المواعيد، مطعم البرج، وازاي تروح

شوف القاهره: كل ما تحتاج معرفته لزيارة برج القاهرة 2020، الأسعار ومواعيد الزيارة ومطعم البرج

كان تاني اعلى برج في العالم وقت بناؤه بعد برج إيفل، إرتفاعه 187م أكبر من هرم خوفو ب 43م، 5 سنين كاملة اتبني فيهم بداية من سنة 1956 لحد افتتاحه في 1961 بعد تصميم مذهل على شكل زهرة اللوتس للمهندس نعوم شبيب، البرج بيتسغرق صعوده 45 ثانية بس عشان توصل للقمة اللي هتشوف فيها بانوراما مذهلة للقاهرة كلها، كل دي أسباب تخلينا النهاردة نتكلم عن أسعار تذاكر البرج ومواعيد زيارته والمطعم الدوار الموجود على إرتفاع 160م!

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

1. اكتشف جمال النيل و احجز من هنا  فلوكة بتكفي لحد 5 افراد بــ 300 جنيه بس في الساعة .
2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنا . 

ولمزيد من الخروجات والمغامرات في القاهرة اضغط هنــــا عشان تشوف كل جديد 

مواعيد زيارة برج القاهرة

تقدر تزور برج القاهرة طول أيام الأسبوع من 8 الصبح ولحد 12 بليل، أما بالنسبة للكافيهات ومطعم البرج الدوار فالمواعيد بتبدأ من 12 الظهر وبيقفل مع إغلاق البرج 12 بليل.. 

مطعم برج القاهرة

المطعم موجود في الدور ال14 من البرج على إرتفاع 160م! المطعم الدوّار في البرج من أحلى المطاعم اللي ممكن تاكل فيها في القاهرة وده عشان بيقدملك فيو هايل للقاهرة كلها فبتشوف مثلًا قلعة صلاح الدين، نادي الجزيرة وكوبري أكتوبر وماسبيرو وأغلب الفنادق، ده غير النادي الأهلي وملعب مختار التتش  والأهرامات اللي بتظهر لكن بعيد شوية.. إحساس خطير وانت شايف الأماكن دي كلها مع بعض.. الميزة في المطعم إنه بيلف 360 درجة ببطء لطيف جدًا، فمثلًا الدورة الواحدة بتاخد ساعة كاملة! 

إزاي أروح برج القاهرة

برج القاهرة موجود في جزيرة الزمالك.. لو هتيجي بعربيتك فمتقلقش لإن فيه ركنات موجودة والدنيا لطيفة، أما لو جاي مواصلات فأفضل طريقة إنك تركب مترو الخط التاني وتنزل محطة الأوبرا وتنزل تتمشى 10 دقايق بالظبط هتكون قدام البرج، أو تنزل في موقف عبدالمنعم رياض وتطلع تتمشي على كوبري أكتوبر وتنزل نزلة الزمالك الأولي لحد شارع البرج، حوالي 20 دقيقة..

أسعار تذكرة برج القاهرة 

السعر بيختلف حسب جنسية الزائر، فهنلاقي مثلًا إن سعر التذكرة للأجانب 200 جنيه ، وسعر التذكرة للمصريين 40 جنيه والأطفال أقل من 6 سنوات مجانًا، وأخيرًا استخدام التلسكوب فسعره 10 جنيه.. 

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

1. اكتشف جمال النيل و احجز من هنا  فلوكة بتكفي لحد 5 افراد بــ 300 جنيه بس في الساعة .
2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنا . 

ولمزيد من الخروجات والمغامرات في القاهرة اضغط هنــــا عشان تشوف كل جديد