اخرج عن المألوف واستمتع بتجربة سكيت بارك القاهرة اليك كل تفاصيل الاسعار والمواعيد

أول "سكيت بارك" في مصر،  كل ما تحتاج معرفته: الأسعار والأماكن والمواعيد

السكيت هو واحدة من الرياضات المنتشرة جدًا خاصة في أمريكا والدول الأوروبية وبيعتبروها لعبة الشارع الأولى وفي كل حي هتلاقي سكيت بارك أكيد عشان الأطفال يتعلموا والكبار يلعبوا ويستمتعوا.. هنا في مصر بدأت مؤخرًا الرياضة دي تنتشر وبسبب الإنتشار ده شجعت شباب إنهم يفتحوا أول سكيت بارك في مصر في القاهرة الجديدة وعشان كده هنتكلم النهاردة أكتر عن المكان ده وأسعاره والمواعيد اللي شغال فيها..

مواعيد سكيت بارك القاهرة الجديدة 

تقدر تحجز في أي يوم يناسبك لإنهم شغالين كل أيام الاسبوع.. والسكيت بارك مفتوحة من 9 الصبح ولحد 5 العصر حاليًا في رمضان عشان الحظر، أما في الأيام العادية فالمواعيد من 4 العصر وحتى 12 بليل.. وبيكون معاك وقت ساعتين للعب لكن حاليًا تقدر تلعب زي ما تحب حتى لو اليوم كله! 

معايير السلامة الخاصة بالسكيت

أهم حاجة في الرياضات اللي بتحتوي على حركة وتنطيط زي السكيت هو التأكد من معايير السلامة، وعشان كده بيكون معاك كابتن محترف بيقولك كل التعليمات وبتلبس خوذة إجباري غير أدوات الحماية التانية الخاصة بالركبة أو الدراع.. والأدوات كلها نظيفة ومعقمة وتقدر تجيب ادواتك معاك لو بتفضل إنك تلبس حاجاتك بس..

أسعار السكيت في مصر

السعر بيشمل إيجار السكيت أو العجلة أو السكوتر مع معدات الأمان زي الخوذة وحماية الركبة والدراع.. ده غير إنك ليك مكان آمن تمامًا تسيب فيه شنطتك عشان تلعب وانت متطمن وده تكلفته 150 جنيه لليوم كله! أما لو معاك السكيت أو العجلة بتاعتك فالسعر بيكون 80 جنيه بس ومعاك تلعب طول اليوم برده ولو نفسك تعيش التجربة دي جرب تحجز من هنــا