چانجل اكوا بارك : قضي داييوز كله تنطيط وزحلقة في اكبر اكوا بارك موجوده في الغردقة اليك كل التفاصيل

لو من محبي التنطيط والزحلقة وعاوز تعلي الادرينالين وكل ده وانت متأكد إنه فيه نسبة أمان عالية جدًا.. فالأكوا بارك دايمًا تجربة خطيرة تقدر تحس فيها بده! وعشان كده هنتكلم عن أكبر اكوا بارك موجودة في الغردقة وفي البحر الأحمر كله وبتفاصيل أكتر عن الأسعار وايه افضل مواعيد زيارة الغردقة عشان تضمن مغامرة متتنسيش..

 

 

الاكوا بارك بيضم اكتر من 20 حمام سباحة بالإضافة ل 35 زحليقة – water slildes -   كبيرة  وده جزء من المنتجع اللي بيضم مطاعم شرقي والماني ومكسيكي وبارات بتقدم وجبات خفيفة ومشروبات طول اليوم.. ده غير جزء مخصص للأطفال من نادي ومسابح! واخيرًا هتلاقي هناك ملعب للتنس الارضي ولكرة القدم والميني جولف..

 

 

چانجل اكوا بارك بيبعد 20 كم من وسط الغردقة في اتجاه سفاجا وبالعربية من 20 ل 25 دقيقة، ومن سهل حشيش 10 كم بس! أما لو جاي من القاهرة فالمسافة هتكون حوالي 480 كم وتقدر تاخدهم في 5 ساعات ونص بالعربية أو أقل.. 

 

 

الصيف هناك بيبدأ من نهاية مايو، الجو مشمس وحر جدًا خاصة بالنهار، لكن فيه سحب لطيفة و درجة الحرارة بتكون بين 25°  و 35°. أما في الشتاء فالجو لطيف جدًا، دافي ومشمس بالنهار وبارد شوية بليل والمطر قليل حوالي 14 يوم في السنة، ودرجة الحرارة بين  18-25°C. لكن بشكل عام بنرشحلك إنك تروح في اشهر الربيع " مارس وابريل " والخريف " اكتوبر ونوفمبر " لإنهم التوقيت المثالي لزيارة الغردقة 

 

 

معظم اللي بيروح جانجل اكوا بارك بيكون موجود بالفعل في الغردقة وعشان كده هنتكلم عن أفضل تجربة لداي يوز – day use  في چانجل بارك واللي بيتضمن ميني باص مكيف بياخدك من فندقك او مكان اقامتك في الغردقة تقريبا الساعة 8 ونص الصبح  أو لو جاي بعربيتك ففي باركنج تقدر تركن فيه، بالإضافة لمشروبات خفيفة ووجبة الغداء، ده غير الإستمتاع بكل مناطق الاكوا بارك واللي زي ما قولنا بتتكون من 14 حمام سباحة غير ال water slides  العملاقة واللي عددها 35 واحدة وفي نهاية اليوم بيرجعك الميني باص تاني لفندقك حوالي الساعة 4 العصر.. والسعر بيكون تقريبًا 650 جنيه بيتضمن كل الحاجات اللي فوق دي.. وتقدر تحجز من هنا 

 

 

سفريتك الجاية للغردقة لازم تسيب فيها يوم مخصوص للاكوا بارك، تجربة مختلفة وكلها لعب وتنطيط وزحلقة وفصلان عن العالم.. غير انها قريبة من المدينة وسعرها لطيف.. ومتنساش تبعتلنا صورك لما تروح هناك