وادي الوشواش: بحيرة طبيعية في قلب الصحراء، الأسعار وأفضل مواعيد الزيارة
جديد : احجز وادفع أونلاين كل اللي نفسك فيه وانت قاعد مكانك :
استمتع بأجمل رحلة لوادي الوشواش وعيش المغامرة اللي بجد أحجز دلؤقتي رحلتك من هنــــــا وسيب الباقي علينا .
على حسب رأي كتير من المغامرين في مصر، فوادي الوشواش هو كنز حقيقي جوه الصحرا واللي مراحوش قبل كده فاته كتير جدًا.. المكان معزول حرفيًا مفيش كهربا ولا شبكة تليفون ولا طريق حتّى وده بيخليه المكان الأنسب لأي حد عاوز يجرب حاجة مختلفة وجديدة وفي نفس الوقت مش لازم تسافر شرق آسيا ولا وسط أفريقيا عشان تعمل المغامرة دي! وعشان كده هنتكلم بتفاصيل اكتر عن الوادي والأسعار وإزاي تروح وأفضل مواعيد الزيارة!
ايه هو وادي الوشواش؟
تساقط السيول في الشتاء بين الجبال كان السبب الرئيسي لتكوّن وادي الوشواش اللي بيتكون من 3 عيون مياه عذبة، الأولي بتستغرق حوالي ساعة ونص للوصول عن طريق التسلُّق أما العين التانية والتالتة هتروحهم سباحة من العين الأولى، وهتلاقي هناك المياه نقية جدًا ولونها بين الأخضر والفيروزي وده بسبب احجار الجرانيت المحيطة بالبحيرة واللي عمقها حوالي 8م، الجبال والهدوء والمياه والطبيعة بيضمنولك تجربة فريدة مش هتلاقيها غير وادي الوشواش!
موقعه فين بالظبط؟
وادي الوشواش موجود داخل نطاق محمية أبو جالوم وقريب جدًا من راس شيطان وبيبعد حوالي 20 كم من نويبع في اتجاه طابا ولو جاي من دهب فالمسافة هتكون حوالي 90 كم في ساعة وربع تقريبًا وموقعه المميز جدًا لقربه من نويبع ودهب بيخليه مكان مناسب جدًا لرحلات اليوم الواحد
احسن وقت لزيارة وادي الوشواش في نويبع
الصيف في نويبع بيبدأ من نهاية مايو، الجو مشمس وحر خاصة بالنهار و درجة الحرارة بتكون بين 30° و 35°. أما في الشتاء فالجو لطيف جدًا، دافي ومشمس بالنهار وبارد بليل، ودرجة الحرارة بين 15 و25 °C. والمطر نادر جدًا، أقل من 5 أيام في السنة كلها.. وبالتالي فأحسن وقت تروح فيه وادي الوشواش من بداية أكتوبر ولحد نهاية أبريل.
أسعار زيارة وادي الوشواش
معظم اللي بيروح وادي الوشواش بيكون موجود بالفعل في دهب أو في نويبع وعشان كده هنتكلم عن افضل رحلة واحسن سعر لرحلة اليوم الواحد و الرحلات اللي نعرفها حاليًا بتتحرك من دهب وده بيتضمن الانتقالات.. بياخدك من مكان إقامتك او فندقك في دهب الساعة 7:30 صباحًا وبيوديك لحد وادي الوشواش وهناك بيكون معاك دليل بدوي بيتحرك معاك بين الجبال لحد ما توصل بأمان للبحيرة وبعد 7 ساعات بتبدأ رحلة الرجوع للفندق من تاني .. وده بيكلفك حوالي 400 جنيه الانتقالات والدليل..
(1).jpg)
وادي الوشواش هي واحدة من أغرب الأماكن والمزارات اللي ممكن تلاقيها في الصحرا ونصيحتنا إنها تكون في قايمة السفاري اللي هتعملها المرة الجاية وانت رايح دهب، خاصًة لو بتعرف تعوم.. فانت لازم تجرب المكان البديع ده!
جديد : احجز وادفع أونلاين كل اللي نفسك فيه وانت قاعد مكانك :
استمتع بأجمل رحلة لوادي الوشواش وعيش المغامرة اللي بجد أحجز دلؤقتي رحلتك من هنــــــا وسيب الباقي علينا .
استمتع بأجمل رحلة لوادي الوشواش وعيش المغامرة اللي بجد أحجز دلؤقتي رحلتك من هنــــــا وسيب الباقي علينا .
