عمرك خرجت فى جو ريفى؟! سواء كنت مع عائلتك او اصحابك 

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

  1. اكتشف جمال النيل و احجز من هنا  فلوكة بتكفي لحد 5 افراد بــ 300 جنيه بس في الساعة .
  2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
  3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنا . 

ولمزيد من الخروجات والمغامرات في القاهرة اضغط هنــــا عشان تشوف كل جديد 


النهاردة هنتكلم فى موضوعنا عن افضل الاماكن اللى ممكن تعيشوا فيها جو الريف من غير ما تحتاج لسفر عشان كلهم داخل القاهرة 

اولا :قرية العزبة 


استمتع بالهواء النقى وقضى يوم مميز وانت بتبلبط فى حمام السباحة (للكبار والصغار ) بيكون فى اماكن لتغيير الملابس وللمتعلقات الشخصية
كمان فى انشطة كتير اوى ممكن تعملها هناك زى واسعارها بتكون رمزية بتتراوح من 5 الى 10 جنيه زى :
المراجيح وملاعب كرة القدم وحديقة الحيوان المصغرة للأطفال وبيت الكلاب مجانا
ركوب الجمال والخيل ورسم الحنه فى كمان حرب الألوان

نيجى بقى للأكل الريفى 
الفطير المشلتت والعسل الأبيض والأسود وجبنة قريش ومش بلدي 
فى وجبات الطفل (ربع فطيرة مع العسل)
وجبة الغداء بتكون سعرها تقريبا 150 جنيه والعرض بيبقى عبارة عن سلطات مختلفة بابا غنوج وطحينه ومخللات وعيش العزبة الفلاحي ممتاز 
مع الأرز والبطاطس بوم فريت
المشويات كمان فى فراخ مشوي مع كفتة مشوية أو شيش طاووق او فراخ بانية او طواجن ارز معمر بالكبد والكلاوي --
وجبة الطفل (ربع فراخ بانيه او مشوي او هامبورجر)مع الأرز والبطاطس بوم فريت والسلطة 
وفى بردو اصناف تانية زى الحمام المحشي و السمان المشوي والبط المحمر

وفى هناك مجموعه من الفقرات زى
الدي جي طوال اليوم  / فرق الطبل البلدي والمطرب الشعبي أشرف متقال /التخت الشرقي والعواد /الديزني شو وعرايس للاطفال /فنون شعبية /تنورة /اراجوز

العنوان طريق سقارة السياحي من ترعة المريوطية هرم بجوار معاهد المدينة و الفراعنة بشبرامنت

 

ثانيا : قرية الريف العربي


مواعيد العمل من 3 عصرا الي 12 منتصف الليل
القرية مخصصة للعائلات فقط 
يوجد بالقرية 4 حمامات سباحة  منهم واحد مخصص للسيدات فقط وآخر مخصص للاطفال - العاب اكوا بارك - برنامج ترفيهي للكبار والاطفال .
الوجبــــات
توفير  وجبة افطار ووجبة غداء  مكونه من
عصير + مياه + طبق شوربه 
الطبق الرئيسي ** اختيار من وجبتين **
وجبة فراخ ( نصف فرخه )
مكس جريل ( ربع فراخ + قطعة لحمة + 2 كفته )
جميع الوجبات يقدم معها الارز + خضار+ سلطه + عيش + حلو )
وجبة الاطفال ( ربع فراخ + ارز + بطاطس بوم فريت + عصير )
سعر الفرد بيكون 120 جنيه 
الاطفال 60 جنيه من سن 4 سنوات الي 10 سنوات
الاطفال اقل من 4 سنوات مجانا بدون وجبة

 

**** الانشطة الاضافيه الموجوده بالقريه ****
ركوب جمل * سينما7D * ملاهي للاطفال * ستوديو تصوير بالملابس التاريخية 
* ركوب خيل * العاب بطين الصلصال للاطفال * بازار * رسم حنه ورسم وجه 
كل هذه الانشطه يتراوح سعرها من 5 جنيه الي 10 جنيه للنشاط 
* ركن خاص لجميع العطور العالمية باسعار تبدأ من 20 جنيه 


** عشان تروح يشترط الحجز قبلها باسبوع بالتليفون
العنوان / محافظة الجيزه
المريوطيه في اتجاه طريق سقاره السياحي / شبرامنت / بعد معاهد الفراعنه و المدينه اول طريق يمين
 


ثالثا : طبليه


ودى بقى مجموعة مطاعم ذات طابع عائلي، التصميم والديكورات الموجودة هناك بتخليك تحس كأنك فى بيت ريفى قديم ،، حتى الاكل اللى بيتقدم فيه بيغلب عليه الطابع الريفي، مثل الفطير المشلتت، والمش والجبن القديم والمورتا.
الأسعار متوسطة ويُضاف عليها 12 % خدمة.
بعيدا عن نظام التربيزات والكراسي التقليدي اللى اغلب مطاعم القاهرة بتتبعه .. فأنت فى المطعم دة بتتناول الطعام في قعدة بلدي.

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

  1. اكتشف جمال النيل و احجز من هنا  فلوكة بتكفي لحد 5 افراد بــ 300 جنيه بس في الساعة .
  2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
  3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنا . 

ولمزيد من الخروجات والمغامرات في القاهرة اضغط هنــــا عشان تشوف كل جديد