غُص مع الدلافين واستمتع بالحياه البحرية الساحرة في دولفين هاوس الغردقة، اليك كل التفاصيل

دولفين هاوس ( بيت الدولفين ) بالغردقة 

تخيل تبقي في وسط البحر الأحمر وحواليك مجموعة من الدلافين من كل الجهات انت مش بس شايفهم لا انت كمان هتنزل تعوم معاهم ، دة اللي هتعيشه لما تروح رحلة دولفين هاوس اللي هتخليك تشوف الحياة البحرية بشكل مختلف . الجميل في التجربة دي ان كل الكائنات البحرية لطيفة ومتعودة على وجود بني ادمين حواليها ودة بيخلي الغطس آمن بشكل كبير ،  وفي مقالنا دة هنتكلم معاك على الاسعار وبرنامج الرحلة وافضل مواعيد الزيارة . و هنعرفك بكل التفاصيل اللي هتحتاجها قبل ما تقرر تعيش المغامرة دي .

ايه هو دولفين هاوس الغردقة 

دولفين هاوس ( بين الدلافين ) هي منطقة علي ساحل البحر الأحمر بالغردقة بيعيش فيها عدد كبير من الدلافين ، وهو اجمل مكان في الغردقة ممكن تستمتع فيه بالحياة البحرية لو نفسك تعوم مع الدلافين في بيئتها الطبيعية . لانك مش هتلاقي اجمل من لحظات الاثارة والمتعه اللي هتعيشها في قلب البحر الاحمر وانت بتعمل رحلة دولفين هاوس وبتشوف التنوع الساحر بين الكائنات البحرية والشعاب المرجانية الموجودة حواليك والتجربة دي تعتبر واحدة من أفضل التجارب البحرية اللي ممكن تعملها فى الغردقة .

احسن وقت لزيارة دولفين هاوس الغردقة

أحسن وقت تروح فيه بين الدلافين أو الغردقة عموما من بداية الخريف ولحد نهاية الربيع. تقدر تسافر في الفترة من أبريل لحد آخر يونيو والفترة ما بين سبتمبر لحد اخر نوفمبر الجو وقتها بيكون دافي وحلو جدا ، لكن ده مايمنعش ان السفر في الشتا كمان له متعته وخصوصا ان كل المدن الموجودة علي البحر الأحمر درجة حرارتها مش بتقل عن 20 درجة بأي حال من الأحوال وده بيخليها مناسبة للسياحة طوال السنة وجوها دافئ ولطيف . 

اسعار رحلة دولفين هاوس وايه البرنامج اللي ممكن تعمله وانت هناك ؟ 

معظم اللي بيروح بيت الدولفين، بيكون موجود بالفعل في الغردقة وعشان كده هنتكلم عن أفضل رحلة وأحسن سعر لبيت الدولفين ، يتضمن الانتقالات من مكان إقامتك في الغردقة عشان تروح علي المركب اللى هتقضى عليه اليوم كله. 
 بتنزل في موقعين مختلفين تعمل سنوركلينج في أماكن مثالية للغطس و بيتوفرلك كل المعدات اللي هتحتاجها زي الماسك والزعانف واللايف جاكت وأخيرًا فمع المياه والمشروبات هتاخد وجبة الغداء بتاعتك على المركب وترجع آخر اليوم للفندق من تاني .
اليوم بيبدأ من 9 الصبح و تقضي اليوم كله في البحر وترجع تاني الغردقة على الساعه 3 تقريبًا واليوم بيكلفك حوالي  370 جنيه متضمن كل اللي فوق ده.
وتقدر تحجز رحلة بيت الدولفين بسهولة من هنا

واخيرا لو كنت في الغردقة أو بتخطط تسافر قريب فأحنا ننصحك بشدة إنك تاخد الخطوة وتجرب رحلة دولفين هاوس ولو لمرة واحدة في حياتك عشان تشوف الكنز اللي بيجيله الاجانب من بلاد كتير جدًا حوالين العالم.