راس محمد: المكان الوحيد لشجر المانجروف في سيناء، الأسعار وأفضل مواعيد الزيارة
أكبر تنوع للحياة المائية والبرية في سينا كلها موجود في محمية راس محمد، وعشان كده تعتبر أهم المحميات الطبيعية الموجودة في مصر وفي العالم.. موجود فيها شجر المنجروف النادر واللي بيمتص الملح من المياه ده غير الشقوق اللي تسببت فيها زلازل من ملايين السنين وعملت كهوف في المياه الاسماك بتعيش فيها وتعتبر من أفضل أماكن الغطس في العالم كله! كل دي أسباب تخلي زيارة محمية راس محمد من أولوياتك وعشان كده هنتكلم بتفاصيل اكتر عن الاسعار وازاي تروح محمية راس محمد وافضل مواعيد الزيارة..
ايه هي محمية راس محمد
محمية راس محمد هي المكان اللي بيفضله محبي الطبيعة عشان هتلاقي هناك كل شيء فريد ومختلف.. القروش والترسة البحرية والدرافيل واكتر من 150 نوع من الشعاب المرجانية اللي عايشة في الكهوف المائية بسبب الزلازل اللي حصلت من المنطقة دي من ملايين السنين ده غير الحيوانات الصحراوية زي التعالب والضباع والغزلان والأهم هو الحفريات وتشكيل الصخور اللي لا يمكن هتلاقي زيه في أي مكان في العالم!
موقعها فين بالظبط
محمية راس محمد هي نقطة التقاء خليج السويس وخليج العقبة في آخر نقطة بجنوب سينا وموقعها مميز جدا لإنها على بعد حوالي 12 كم من شرم الشيخ وده بيخليها مكان نموذجي لرحلات اليوم الواحد.. ولو هتروحها من القاهرة فالمسافة حوالي 500 كم وتقدر تروحها بالموصلات عن طريق أي اتوبيس رايح شرم الشيخ وبتنزل عند بوابة المحمية.
احسن وقت لزيارة محمية راس محمد
الصيف هناك بيبدأ من نهاية مايو، الجو مشمس وحر جدًا خاصة بالنهار و درجة الحرارة بتكون بين 32° و 38°. أما في الشتاء فالجو لطيف جدًا، دافي ومشمس بالنهار وبارد شوية بليل، ودرجة الحرارة بين 22-27°C. والمطر نادر جدًا، حوالي يوم او اتنين بالكتير في السنة كلها.. وبالتالي فأحسن وقت تروح فيه راس محمد من بداية الخريف ولحد نهاية الربيع.
.jpg)
أسعار زيارة محمية راس محمد
معظم اللي بيروح راس محمد بيكون موجود بالفعل في شرم الشيخ وعشام كده هنتكلم عن افضل رحلة واحسن سعر لرحلة اليوم الواحد لراس محمد من شرم الشيخ، وده بيتضمن الانتقالات بميني باص مكيف بياخد من مكان إقامتك او فندق في شرم الساعة 7:30 صباحًا وبيوديك لحد المحمية ده غير تكلفة الدخول للمحمية نفسها، وهناك تقدر تستمع فيهم بأشجار المنجروف الوحيدة في سيناء كلها في جولة حرة حوالي 6 ساعات وبترجع تاني لفندقك حوالي الساعة 2 الظهر واليوم ده بيكلفك حوالي 600 جنيه متضمن الانتقالات ودخول المحمية .. وتقدر تحجز من هنـــــــــا
محمية راس محمد من الأماكن اللي مينفعش تفوت زيارتها خاصة لو انت موجود في شرم الشيخ، سعرها حلو جدًا وقريبة وهتشوف فيها الطبيعة اللي موجودة من آلاف السنين من حفريات وخلجان وبحر وجبال وصخور.. راس محمد لازم تكون في أولوية رحلاتك في سفريتك الجاية لشرم الشيخ!
