مارينا حماطه: أجمل مكان للسنوركلينج في مصر، الأسعار وأفضل مواعيد الزيارة
من أشهر أماكن الصيد والغطس في البحر الاحمر، وواحدة من أهم الرحلات اللي لازم تعملها وانت في مرسى علم، وبرغم إن كونها قرية صغيرة في محمية وادي الجمال إلا إن فيها أكتر من فندق وأكتر من نشاط تقدر تعمله زي ال Kitesurfing وال Windsurfing .. أما لو هتروح صد رد كده مرسى علم فهتلاقي كل اللي محتاجه هنا في المقالة دي!
موقعها فين بالظبط
حماطة موجودة في جنوب شرق مصر على البحر الاحمر كجزء من محمية وادي الجمال وبتبعد عن مرسى علم حوالي 100 كم وبتاخد بالعربية ساعة ونص بالكتير.. ومن القاهرة حوالي 850 كم وتقدر تروحها بالمواصلات عن طريق أي اتوبيس رايح الشلاتين
.jpg)
احسن وقت لزيارة حماطة
الصيف هناك بيبدأ من نهاية مايو، الجو مشمس وحر جدًا خاصة بالنهار، لكن فيه سحب لطيفة و درجة الحرارة بتكون بين 30° و 37°. أما في الشتاء فالجو لطيف جدًا، دافي ومشمس بالنهار وبارد شوية بليل والمطر نادر، ودرجة الحرارة بين 24-27°C.
أسعار زيارة حماطة
على حسب هتعمل ايه بالظبط والخدمات اللي هتتقدملك.. لكن متوسط الإسعار عامة بين 1000 جنيه لحد 3000 جنيه.. فمثلأ لو انت في مرسى علم وحابب تعمل الطلعة دي فأفضل ترشيح هو الانتقالات بميني باص مكيف بياخدك من مكان إقامتك لحد حماطه وعلى المركب نفسها بتعمل سنوركلينج في أماكن مختلفة مع كل المعدات اللي هتحتاجها زي الماسك والزعانف وأخيرًا فمع المياه والمشروبات هتاخد وجبة الغداء بتاعتك على المركب وترجع آخر اليوم للفندق من تاني. وتخيل اننا جبنالك سعر مميز جدا للرحلة دي وهو 850 جنيه بس للفرد . وتقدر تحجز العرض دة من هنــــا
