رايح الغردقة قريب او انت هناك بالفعل ؟ محتار تعمل ايه هناك ؟ نفسك تجرب مغامرة جديدة ؟
من غير ما تفكر كتير وتحتار، لوعاوز تقضي تجربة مختلفة يبقي لازم تجرب الباراسيلينج وانت في الغردقة . تخيل تبقي طاير بالبارشوت علي ارتفاع 40 متر وتحتيك البحر الاحمر بجماله وشواطئه الساحرة. منظر مش هتشوفه غير وانت بتعيش التجربة دي .
بس قبل ما نبدأ مقالنا ونقولك علي كل تفاصيل مغامرة الباراسيلينج في الغردقة ، لو عاوز تشوف كل الرحلات والانشطة الترفيهية الموجودة في الغردقة وتحجزها اضغط هنــــا
الباراسيلينج ( البارشوت )
واحدة من اروش واجمد المغامرات اللي ممكن تعملها في الغردقة هو الباراسيلينج واللي هيطير بيك علي ارتفاع عالي جداً ، والباراشوت بيكون مربوط فى مركب سريع (سبيد بوت) بيتحرك بيك عشان كدة الموضوع مش بيحتاج منك اى خبره او لياقة بدنية كل اللي عليك انك تسيب نفسك وتأخذ نفس عميق وتستمتع بأحلي فيو لشواطئ الغردقة وجمال البحر الاحمر وانت طاير في الجو .
اسعار الباراسيلينج ( البارشوت )
بتختلف الأسعار حسب المكان و الخدمات اللي بيقدمها، لكن أفضل سعر لقيناه كان 400 جنيه للمصريين . والسعر ده بيتضمن النقل من مكان إقامتك في الغردقة ، لايف جاكت، تعليمات وإجراءات السلامة قبل ما تطلع ، وجميع رسوم الخدمة والضريبة .
وتقدر تشوف كل التفاصيل - تحجز من هنا
مواعيد حجز باراسيلينج الغردقة
تقدر تحجز في أي يوم يناسبك لإنهم شغالين كل أيام الاسبوع.. والمواعيد بتكون بداية من 10 الصبح لحد 2 عصراً والتجربة مدتها حوالي 10 دقائق هتفضل طاير فيهم في السما تعيش احلي مود .
معلومات إضافية لازم تعرفها قبل ما تحجز
- اقل سن للحجز هو 5 سنين طالما هيكون معاهم فرد بالغ
- بيكون في رسوم إضافية لو كنت موجود في فندق خارج الغردقة زي مكادي ، سهل حشيش ، والجونة
- بيتم الإبلاغ عن جميع أوزان الركاب اثناء الحجز
- الباراشوت ممكن يشيل فرد او فردين يعنى لو انتوا اتنين صحاب او قرايب او متجوزين احجزوا سوا هتنبسطوا
- وعشان أهم حاجة في الرياضات دي هو التأكد من معايير السلامة وإنها مفيهاش غلطة، عشان كده بيكون معاك كابتن محترف قبل ما تركب البارشوت بيقولك كل التعليمات وإزاي تلبس اللايف جاكيت وهيفهمك كل حاجة خطوة بخطوة .
