مسافر الغردقة ؟ كل ما تحتاج معرفته عن الرحلات الداخلية في الغردقة واسعارها وازاي تحجزها بسهولة.

8 انشطة ترفيهية لازم تعملها لما تسافر الغردقة : 

الغردقة من اجمل الاماكن اللي في مصر اللي تقدر تستمتع فيها بأنشطة ترفيهية ومغامرات مش هتلاقيها في اي مكان تاني ،  ودة نتيجة انخفاض أسعار الرحلات السياحية ، علشان كدة النهاردة هنتكلم عن أفضل الأنشطة السياحية اللي تقدر تجربها أثناء زيارتك للغردقة ، و اسعار تقريبية لها ، ممكن تقل أو تزيد حسب الفندق أو حجز الرحلة أو المكان. 

1- الباراسيلينج ( البارشوت ) 

واحدة من اروش واجمد المغامرات اللي ممكن تعملها في الغردقة هو الباراسيلينج واللي هيطير بيك علي ارتفاع عالي جداً ،  والباراشوت بيكون مربوط فى مركب سريع (سبيد بوت) بيتحرك بيك عشان كدة الموضوع مش بيحتاج منك اى خبره او لياقة بدنية كل اللي عليك انك تسيب نفسك وتأخذ نفس عميق وتستمتع بأحلي فيو لشواطئ الغردقة وجمال البحر الاحمر وانت طاير في الجو . 

وسعر الفرد بيكون حوالي  400 جنيه تقدر تشوف كل التفاصيل وتحجز بسهولة من هنـــــــــا 

2- رحلات السفاري 

من التجارب اللي كتير مننا بيحب يعملها لما يسافر هي السفاري واللي بتكون بالبيتش باجي او الجمال.  واللي تقدر تستمتع بيها في الصحرا او علي شواطئ البحر الاحمر بالغردقة وتشوف اجمل منظر للغروب وكمان تعيش جو الحياة البدوية الاصيلة وسط منظر الجبال الرائع .
سعر الفرد في رحلات السفاري بيبدأ من 350 جنيه للفرد ، لو عاوز تشوف كل رحلات السفاري في الغردقة وتحجزها اضغط هنـــا . 

3- جراند أكواريوم 

ماينفعش تبقي في الغردقة وماتشوفش المكان دة " جراند اكواريوم " واحد من احلي الاماكن في الغردقة اللي تقدر تزورها وخصوصا لو معاك اسرتك وفيها اطفال هتنبسطوا وتاخدوا اجمل صور . لانك هتعيش جمال الاعماق بتفاصيله وانت علي البر. المكان دة حلو جدا للناس اللي مجربتش تعمل دايفينج قبل كدا او بتخاف . لانه عبارة عن معرض كامل للاحياء المائية حاجة كدا منتهى الخيال .. 

المكان  من جوه كبير جدا ، وهتشوف جوه حوض الأكواريوم الضخم والنفق الزجاجي ومعرض الكائنات البحرية النادرة ومنطقة الغابات وغيرهم كتير لان المكان فيه  24 حوض مختلف واللي كلهم اجمل من بعض لانك هتكون محاط بالقروش ، أسماك المانتا ، ومجموعة مختلفة من الاسماك مش هتشوفها في اى مكان تاني في العالم . دة غير الاستعرضات اللي بتكون هناك واللي بتستعرض مدي جمال الحياه البحرية واهمية الحفاظ عليها . 

• مواعيد العمل في جراند أكواريوم الغردقة : يوميا من 9 ص حتى 7 م 
• سعر تذكرة جراند أكواريوم الغردقة: 220 جنيه للمصريين 

4- رحلة الغواصة بالغردقة 

من ارخص واشهر الرحلات الترفيهية فى الغردقة هي رحلات الغواصة لانها بتكون ميكس ما بين رحلتين رحلة الغواصة والسنوركل يعني من الاخر انت مش بس هتكون بين اعماق البحر الأحمر وشعابه المرجانيه و واسماكه النادرة لا دة انت كمان هتنزل تبلبط وتستمتع بجمال السباحه فى مياه البحر الأحمر .
واشهر غواصتين في الغردقة تقدر تعمل عليهم التجربة دي هما : 

الغواصة سي وولف : ودي سعر الفرد فيها بيكون حوالي 150 جنيه
الغواصة سي سكوب : ودي سعر الفرد بيكون حوالي 350 جنيه 
الجلاس بوت : ودي سعر الفرد فيها بيبدأ من 210 جنيه 
الاسعار دي كلها للمصريين وبتكون مدة الرحلة حوالي ساعتين لتلات ساعات علي حسب نوع الغواصة 
وكلها شاملة الانتقالات من والي فنادق الغردقة والتذاكر والمشروبات وأدوات السنوركل تقدر تحجز كل واحدة فيهم علي حدة لما تدوس علي اللينك اللي في كل غواصة . 

5- رحلة دولفين هاوس (بيت الدلافين)

تخيل تبقي في وسط البحر وحواليك مجموعة من الدلافين من كل الجهات انت مش بس شايفهم لا دة انت كمان هتنزل تعوم معاهم ، دة اللي هتعيشه لما تروح رحلة دولفين هاوس اللي هتخليك تشوف الحياة البحرية بشكل مختلف .

الرحلة بتكون مدتها 6 ساعات وبيكون سعر الفرد من 350 : 400 جنيه 

لو عاوز تعرف تفاصيل اكتر تقدر تشوف وتحجز رحلة دولفين هاوس من هنا 

6- رحلة دولفين شو الغردقة :

من اجمل عروض الدولفين اللي ممكن تشوفها في مصر موجودة في دولفين شو الغردقة ، المكان مناسب جدا لو معاك اطفال تأكد انهم هيستمتعوا جدا ، هتلاقي هناك عروض للدولفين وحيوانات تانيه زي الفقمة ( عجل البحر ) وكلب واسد البحر . 
شكل المكان كمان من جوه هيديلك احساس بالراحة النفسية ودة علشان المكان بيغلب عليه اللون الازرق .
سعر الفرد في الدولفين شو شامل الانتقالات وتذكرة الدخول بيكون بــ 350 جنيه وتقدر تشوف كل التفاصيل وتحجز من هنــــــــا    

7- الغوص ( الــ دايفينج ) 

رحلات الدايفينج في الغردقة من الانشطة المفضلة عند البعض وخصوصا انها مناسبة للمبتدئين والمحترفين . التجربة هتخطفك لعالم تاني وهتشوف الكائنات البحرية والشعاب المرجانية وأسماك البحر الاحمر اللي مفيش في جمالها عن قرب وبشكل رائع. 
الرحلة بتستغرق حوالي 6 ساعات ، بيتم الغطس في موقعين مختلفين . واسعار المصريين تتراوح من 450 : 550 جنيه للفرد . 
تقدر تشوف رحلات الدايفينج بالكامل وتحجزها من هنــــــــا 

8- رحلة لجزر الغردقة :

بعيداً عن قعدت الفنادق ، فأنت ممكن تاخد بعضك وتروح تقعد علي جزيرة تقضي فيها يوم كامل تستجم وتروق علي نفسك . 
انت كمان هيكون ادامك اكتر من اختيار لان الروقان مش مقتصر علي جزيرة الجيفتون بس ، دة كمان في جزيرة اورانج باي وجزيرة باراديس ودول الاشهر هناك . 
لو انت من هواة الاستجمام او عاوز تعمل سنوركل في مكان مميز يبقي لازم تختار مكان من الجزر دي تقضي فيه يوم كامل هيفرق معاك جدا . 
الرحلة غالبا بتبدأ من الساعه 9 ص وتنتهي الساعه 4 م 
والاسعار بتبدأ من 350 جنيه لفرد في رحلة جزيرة الجيفتون وتقدر تشوف اسعار جميع الرحلات المختلفة بالكامل من هنــــــــا