مغامرتك في النيل : كل ما تحتاج معرفته عن ركوب العجل في النيل، الأسعار والأماكن والمواعيد
إفتكاسة جديدة ظهرت في مصر في بداية 2019، ومناسبة جدًا للناس اللي نفسها تركب عجل ومتعرفش تسوق وفي نفس الوقت مش محتاج لياقة بدنية أو تمرين ده غير إنه في وسط النيل.. كل دي أسباب خلت ال "Nile Bike " واحدة من أكتر المغامرات إنتشار بسرعة في القاهرة خلال السنة الأخيرة.
-
أماكن ركوب العجل في النيل
المكان الأساسي اللي تقدر تركب فيه العجلة هو الزمالك، لكن في بعض الأحيان بيعملوا ايفنتات في السخنة وفي بحيرة قارون ده غير الرايدات اللي بتكون في الدقي والمعادي والمنيل.. وده برده تقدر تتابعه بإستمرار من على صفحتهم على الفيسبوك.
-
أسعار ركوب العجل في النيل
الأسعار بتبدأ من 100 جنيه للنص ساعة، لكن الأفضل تحجز قبلها بوقت لإن العجل الموجود عدده قليل، والسعر ده بيتضمن إيجار العجلة، لايف جاكت، محاضرة قبل ما تنزل المياه عن إزاي تبدّل وإجراءات السلامة.
-
مواعيد ركوب العجل في النيل
تقدر تحجز في أي يوم يناسبك لإنهم شغالين تقريبًا كل أيام الاسبوع ولكن بشكل أكيد يوم الجمعة والسبت.. والمواعيد بتكون كل نص ساعة بتبدأ من الساعة 9 الصبح ولحد 4 العصر
-
معايير السلامة الخاصة بركوب العجل في النيل
أهم حاجة في الرياضات المائية هو التأكد من معايير السلامة وإنها مفيهاش غلطة، وعشان كده بيكون معاك كابتن محترف قبل ما تركب العجلة بيقولك كل التعليمات وإزاي تلبس اللايف جاكت وإزاي تبدّل .. حاجة تانية مهمة وهي إن أصغر سن لركوب العجلة هو 14 سنة، فبتضمن ان كل الناس اللي حواليك كبيرة ومسئولة مع العلم إن الحد الأقصى للوزن هو 100 كجم مع إن العجلة نفسها بيتحمل حتى 120 كم.. بس الإحتياط واجب
بنرشّح النايل بايك جدًا لو بتدور على مغامرة جديدة وخروجة مختلفة وفي وسط النيل وبعيد عن الطرق وزحمتها والعربيات وكلاكساتها.. فمجرد تخيٌّل إنك بتبدّل والمياه حواليك من كل الإتجاهات كافي إنه يبسطك!
لو بتحب المغامرة ونفسك تعيش تجارب جديدة وتقضي اجمل وقت في قلب النيل ،، يبقي لازم تجرب واحدة من ال Nile Activities الموجودة في القاهرة واللي تقدر تحجزها من هنـــــــــــــا
1__100__100__1__1566443572.png)
__100__100__1__1546265863.png)
