تجربة رحلة الاستشفاء فى كهف الملح فى القاهرة : تخلص من الطاقة السلبية بتجربة استرخاء مميزة

كهف الملح اللى فى سيوة وفى مطروح بقي هنا فى القاهرة

طول عمرنا  بنسمع عن إن في حاجة اسمها كهف الملح خصوصاً في سيوة ومطروح والأجانب بيجو لها من كل العالم

دلوقتى بقت فى القاهرة كمان و بأسعار تبدأ من 100 جنية بس  فى Phi Salt Cave.

والمعروف عنه إنه بيخرج الطاقة السلبية من الجسم و ليه دور كبير في علاج حساسية الجيوب الأنفية والجهاز التنفسي وأمراض جلدية مختلفة دا بالإضافة لتنشيط الدورة الدموية و فوايد تانية كتيرة

الجلسات اسعارها مناسبة جدا

اول ما هتدخل الكهف هتنبهر بتصميمه و شكل السقف مع الاضاءة في السقف و الارض والــ مزيكا الهادية هتحس فى لحظة انك في عالم تاني خالص

الارض مليانة ملح و الجدران من قوالب ملح و السقف و كل حاجة حواليك ملح مخصوص من سيوة

بتقعد على beanbag و رجلك كلها بتتدفن فى الملح لحد ركبتك، مفيش اقل من دقيقة هتحس بالنبض في رجلك .. الاحساس دا نفسه جميل اوي، و كل شوية هتلاقي نفسك بتسترخي اكتر، المزيكا الهادية اللي بيشغلوها مع التكييف بتعمل جو لطيف وغالبا هتنام لمدة قصيرة .


 

ممكن جلسة الملح دي تبقى للجسم كله، و في كمان مساج كامل للجسم أو بالزيوت و Thi massage و مساچ علاجي و ال foot massage و دا مهم جدا لان القدم فيها الآلاف الخلايا العصبية وكل جزء فيها مرتبط بشبكة الأعصاب في الجسم ودة عرفناه من الدكاترة اللى شغالة فى المكان

عندهم كمان اباچورة الملح دي بتسحب الطاقة السلبية اضائتها warm و شكلها حلو اوي و سعرها 150 جنيه ممكن تشتريها وتحطها جنبك وانت نايم فى البيت

الميزة إن كل دا بيتم تحت إشراف طبي، لان مؤسس كهف الملح في القاهرة طبيب و من الخدمات الطبية اللي بيقدمها (الحجامة) و دا بيكون في أيام معينة بس في الشهر العربي (١٧/١٩/٢١) و تكلفتها 200 جنيه

و شهريا بيعملوا meditation event لازم تتابع صفحتهم عشان تعرف معادها

حاجة تستاهل التجربة و من اول مرة هتلاحظ الفرق من ناحية الاسترخاء و تنشيط الدورة الدموية، و بالنسبة للعلاج بجلسات الملح عدد الجلسات بيتحدد حسب الحالة

عنوان كهف الملح بالقاهرة : 

بلوك رقم 1122 شارع عبد الحميد بدوي، بجوار بنك الاسكندرية و بنك تنمية الصادرات، و فندق راديسون بلو، مصر الجديدة، مساكن شيراتون ، عمارة مصر النور
 

اسعار كهف الملح بالقاهرة بالتفصيل : 
 

• جلسه علاج بالملح + مساج بالملح للجسم كامل ٤٥٠ 
• جلسه علاج بالملح+مساج بالملح للقدمين ٣٠٠
• جلسه مساج بالملح للجسم الكامل الجسم ٣٥٠ 
• جلسه مساج بالملح لنصف الجسم ٢٥٠ 
• جلسه علاج بالملح ١٠٠
• جلسه مساج القدمين ٢٠٠ 
• جلسه دفن الجسم بالكامل ٢٥٠ جنيه 
• الحجامة ٢٠٠ جنيه 
• يوجا سيشن ١٥٠