كل ما يخص بطولة كأس الامم الافريقية لكرة القدم فى مصر 2019

باقي ايام معدودة بتفصلنا عن بطولة امم افريقيا فى مصر 2019 واللى هتبدأ فى الفترة من 21 يونيو الى 19 يوليو وهيكون مشارك فى البطولة 24 منتخب أفريقي

يعنى يا دوب تلحق تجهز علم مصر وتحضر تي شيرت صلاح والنص جنية حاول تكتسب صداقات جديدة وخصوصا ان هيجيلنا ضيوف من اكثر من 20 دولة واكيد فيهم اللى هيبقى بيشوف مصر للمرة الاولي دة غير تنظيم الأمم الأفريقية 

فأنت كمصري ليك دور في التنظيم من غير تطوع ولا حاجه هتلاقي المشجعين في كل حته وفي حضور كل الماتشات خليك ايجابي وساعد الناس في استفساراتهم

في نهاية كل كأس أمم سواء آسيويه او أوروبيه او افريقيه بيطلع تقرير بيكون مجمع فيه السلبيات والإيجابيات والمشاكل اللي حصلت ومن خلال التقرير ده بيكون دليل على بلدك انها تقدر تنظم حدث رياضي تاني ولا متقدرش تنظم 

فرجاء كل الرجاء مصر بلدنا تعامل مع الإيجاب مع جميع الجنسيات فهؤلاء ضيوف اعزاء وانت في أيدك ترفع من شأن مصر او العكس 

 وفى مقالنا هنتعرف على الاتي : 

المحتويات

1. ما هو كأس الأمم الأفريقية؟
2. متى تقام بطولة كأس الامم الافريقية ؟
3. القنوات التلفزيونية الناقلة للمباريات 
4. المنتخبات المتأهلة لبطولة امم افريقيا 2019 
5. مجموعات امم افريقيا 2019

ايه هو كأس الأمم الأفريقية؟

بطولة كأس إفريقيا للأمم (AFCON) هي بطولة كرة القدم الدولية للرجال وبتُعقد كل سنتين في إفريقيا وبيتم تنظيمها عن طريق الاتحاد الأفريقي لكرة القدم.

والبطولة السنة دى هي تعتبر النسخة الــ 32  من المسابقة ، وتم توسيع تنسيق المسابقة من 16 فريق لــ 24 فريق.

امتى بتقام بطولة كأس الأمم الأفريقية؟

البطولة هتكون فى الفترة من 21 يونيو 2019 إلى 19 يوليو 2019 ودة بعد القرار اللى اتخذته اللجنة التنفيذية للاتحاد الأفريقي لكرة القدم في يونيو 2017 بنقل كأس إفريقيا للأمم من فترة يناير / فبراير إلى يونيو / يوليو لأول مرة. وتم تغيير التواريخ المحددة للبطولة لما تم اختيار مصر لتحل محل الكاميرون كمضيفين لتفادي فترة رمضان.

ودة معناه أن اللاعبين المقيمين في أوروبا واللى ها يشاركوا في كأس إفريقيا للأمم مع بلادهم بقوا غير مجبرين انهم يسيبوا الاندية بتاعتهم خلال شهر يناير وفبراير  زى المواسم السابقة.

ودي فى حد ذاتها أخبار كويسه للى بيتابعوا الدوري الممتاز ، ودة لان مش هيتم سحب لاعبين زى ساديو ماني (السنغال) ومحمد صلاح (مصر) ورياض محرز (الجزائر) من أداء النادي في منتصف الموسم مع ليفربول ومانشستر سيتي ، على التوالي.

القنوات التلفزيونية الناقلة لبطولة كأس الامم الافريقية 2019 

هيتم بث كأس إفريقيا للأمم 2019 مباشرة على  قناة تايم إسبورت فى مصر أو  Eurosport في المملكة المتحدة و شبكة beIN الرياضية 
ودي ترددات القنوات : 
تردد قناة تايم سبورت time sport نايل سات:  11449 H – تصحيح الخطأ: 5/6 – الترميز: 27500.
تردد قناة بين سبورت 1 – 2 الفرنسية Astra 19E – 11538 V 27500
 تردد قناة يورو سبورت 2 فرنسا – EuroSport 2 FranceAstra 19.2°E-12581 V 22000

المنتخبات المتأهلة لبطولة امم افريقيا 2019 هي : 

1. مصر
2.  المغرب
3.  تونس
4. الجزائر
5. موريتانيا
6. غانا
7. السنغال 
8. الكاميرون
9.  كوت ديفوار
10. نيجيريا
11.  الكونغو 
12. مالى
13. غينيا
14. أوغندا
15. جنوب أفريقيا
16. غينيا بيساو
17. زيمبابوى
18. أنجولا
19. بنين
20. بوروندى
21. تنزانيا
22. ناميبيا
23. كينيا
24. مدغشقر.

مجموعات امم افريقيا 2019 

المجموعة الأولى:

مصر ، الكونغو ، أوغندا ، زيمبابوى

المجموعة الثانية:

نيجيريا ، غينيا ، مدغشقر ، بوروندى

المجموعة الثالثة:

السنغال ، الجزائر ، كينيا ، تنزانيا

المجموعة الرابعة:

المغرب ، كوت ديفوار ، جنوب أفريقيا ، ناميبيا

المجموعة الخامسة:

تونس ، مالى ، موريتانيا ، أنجولا

المجموعة السادسة:

الكاميرون ، غانا ، بنين ، غينيا بيساو 
 

واخيراً دي شوية نصايح او قائمة ممكن تجهزها علشان ترفع من شأن بلدك فى حدث رياضى زى دة

قائمة التعاون مع الآخرين :

• خلي معاك خريطة للمدينة اللي انت مقيم فيها 
• هات من البنك 20ج فكه فئة واحد جنيه يكون ورق وجديد ولو اتعرفت على حد اديله جنيه هدية صدقني هتفرق مع بلدك كثير
• لو تقدر تجيب برديات فرعونية وتديها هديه لاي صدقات جديده يبقي كثر خيرك 
• نزل ابليكشن ترجمة جوجل ( Google Translate )علشان تتعامل مع اَي حد في اللغة لو انت مش اوى فى الانجليزى 
• لمحبي السفر اكتسب صدقات جديده ممكن تنفعك لو فكرت تسافر الدوله دى بعدين