الاقامة فى شرم الشيخ - افضل الانشطة والرحلات الداخلية - اشهر اماكن السهر لقضاء اجازة استثنائية

اللي طالع شرم قريب ده دليل شامل لسفرك لشرم الشيخ 

جديد : الاماكن الترفيهية والرحلات الداخلية فى شرم الشيخ جاتلك لحد عندك 

لو نفسك تجرب حاجات جديدة فى شرم الشيخ وبتفكر تخلى سفريتك غير تقليدية وتستمتع بوقتك بعيداً عن قعدة الفندق ،، يبقى على الاقل لازم تجرب تعمل واحدة من المغامرات الموجودة فى شرم الشيخ . 

لو عاوز تحجز انشطة سياحية و ترفيهية فى شرم الشيخ وتجرب مغامرات جديدة احجزها مع ترافيليو ( اضغط هنا  )

العيد قرب ياتري فكرت هتسافر فين في العيد ؟ قررت تروح شرم لكن مش عارف لو روحت تقدر تعمل ايه هناك ؟ محتاج تفصل وتسافر شويه فى مكان مختلف ؟ يبقى لازم تشوف المقال دة عشان تظبط برنامج رحلتك لشرم الشيخ وتعرف هتروح فين وتعمل ايه .. وانبسط 

اولا الإقامة فى شرم الشيخ ممكن تكون:
 

1. فندق وبتختلف مستويات الفنادق من اول 3 نجوم ولحد 5 نجوم ديلوكس 
2. شاليه او ستوديو وده الاختيار الاقتصادى

 
بتتقسم شرم الشيخ لخلجان او مناطق رئيسية تقدر تختار اقامتك فى اى منهم على حسب احتياجاتك من السفرية لان كل منطقة فى شرم تتميز بشوية حاجات

افضل اماكن الاقامة فى شرم الشيخ 

• خليج نعمة الاشهر فى شرم الشيخ وهو الاكثر طلبا من الزائرين المصريين او حتى الاجانب اى فندق او شالية فى خليج نعمة هيسمحلك انك تقدر تنزل فى اى وقت تتسوق او تستمتع باى كافيه او مطعم او حتى تنزل البحر الخاص بالفندق او خارج الفندق عشان فى اكتر من شاطئ على الخليج وبيتميزوا بنعومة الرمل ويتوفر هناك كل الالعاب المائية
• هضبة ام السيد وهى الجزء المرتفع فى شرم الشيخ ودى اللى يلجأ لها الزوار فى حالة درجات الحرارة العليا لأنها بسبب الارتفاع تعتبر جوها اهدى شوية من بقية شرم الشيخ
• خليج القرش واتسمى بالاسم ده لان كان موجود قروش فعلا فى المكان ده من فترة طويلة لكن دلوقتى مش موجوده والفنادق الموجوده على خليج القرش كلها تتميز بوجود الشعب المرجانية في الشواطئ الخاصة بيها وقريب من خليج القرش منطقة سوهو سكوير وهي منطقة تجمع كافيهات ومطاعم مختلفة من اكبر البراندات اللى موجوده فى شرم الشيخ
• خليج نبق وهو المنطقة الأكثر طلبا من حديثى الزواج بسبب هدوء المكان وروعة المناظر تحت الماية من شعب مرجانية وأسماك وكمان معظم المنتجعات على الخليج ده مهتمة براحة العميل وتوفير كل حاجة يحتاجها بعيد عن دوشة وزحمة خليج نعمة.

ثانيا الانتقالات الى شرم الشيخ:
 

1. لو هتسافر من القاهرة او اى محافظة مركزية هتلاقى شركة نقل سياحى بسهولة زى جو باص او سوبر جيت او شرق الدلتا ....
2. طيران من القاهرة او الاسكندرية (برج العرب) او اسوان او الغردقة

ثالثا الانشطة والرحلات اللى ممكن تعملها وانت فى شرم الشيخ:

1.  الرحلة البحرية هى الرحلة الاشهر والاكثر طلبا بين الرحلات الداخلية فى شرم الشيخ تتحرك يوميا مراكب النزهة من جميع أنحاء شرم الشيخ لتبحر بيك فى البحر الأحمر ويتكون البرنامج من الوقوف مرتين او تلات مرات فى البحر فى اماكن مميزة للسنوركلينج وممكن تعمل دايفنج لو حبيت وبتكون الرحلة شاملة وجبة الغداء وبيبقى معاكم غطاس محترف على المركب عشان يساعد الناس فى نزلات السنوركلينج.
2.  المنصب التانى فى الرحلات الاكثر طلبا بيجى من نصيب رحلة السفارى وليها اكتر من شكل السفارى بــ بيتش باجى والسفارى بعربيات رباعية والرحلة بتكون سفارى بس بين الجبال فى الشروق او فى الغروب وممكن تكون سوبر سفاري وبعد الرحلة بالبيتش باجى فى الجبل تحضر حفل عشاء بدوى
3.  من اهم الاماكن اللى ممكن تزورها فى شرم الشيخ هو السوق القديم وهو مش بعيد عن خليج نعمة حوالى 10 - 15 دقيقة هتلاقى هناك محلات بيع الهدايا ومطاعم السمك زى مطعم فارس الاشهر فى شرم الشيخ واماكن السهر والكافيهات المميزة
4. عروض الف ليلة وليلة من أقدم العروض فى شرم الشيخ لكن مازالت محافظة على مكانتها وسط الانشطة المختلفة جدا وهى تناسب الأفراد والعائلات
5. عرض الدولفين وبيعجب الاطفال والكبار جدا
6.  الألعاب المائية بجميع أنواعها ممتعه جدا فى شرم الشيخ زى (بنانا بوت - سبيد بوت - جلاس بوت - باراسيلينج - بدال)
7. السهر والنايت لايف واخدين حقهم جدا فى شرم الشيخ فى كل مكان هتلاقى اماكن السهر موجودة أشهرهم (Space - Le Pasha - Hard Rock - Cocco Beach - Terrazina Beach - VIP club - Budah Bar - كافية فرشة - سوهو سكوير - خليج نعمة - السوق القديم)
8.  لو اقامتك فى مكان مفيهوش اكوا بارك هتقدر تعوض ده فى يوم كامل تقضيه فى اكوا بارك سيتى او كليو بارك واولادك هيبقوا مبسوطين باليوم ده جدا
9.  شاطئ الفنار يعتبر من افضل أماكن الغطس والسنوركلينج فى شرم الشيخ لو بتحب العوم وسط الأسماك والشعب المرجانية لازم تزور شاطئ الفنار
10.  هوليود شرم من الأماكن العريقة فى شرم الشيخ وهو ايضا تجمع للكافيهات والمطاعم هناك هتلاقى النافورة الراقصة و حديقة الديناصورات ممكن تاخد معاها صور حلوة جدا
11. لو عندك استعداد تخرج بره شرم الشيخ عشان تقضى يوم كامل فى مكان جديد عندك اختيارات كتير اهمهم واللى بتسحر كل اللى بيروحها محمية رأس محمد من وجهة نظرنا الشخصية افضل مكان تعمل فيه سنوركلينج فى مصر بعد مرسى علم وكمان دهب على الرغم انها محتاجه رحلة لوحدها لكن يوم هناك هيفى بالغرض وتقدر تلفها كلها لو مسافر فى الشتاء اكيد مش هتفوت تسلق جبل موسى (المعروف بجبل سانت كاترين لكنهم مختلفين) 
12. ومن الاماكن المميزة بردو فى شرم واللى ممكن تعدي عليها فى منطقة السوق القديم هو مسجد الصحابه واللى هتقف ادامه من روعة الفن والمعمار من جوه وبره 

لو بتفكر تسافر شرم الشيخ قريب تابع عروضنا على رحلات شرم او شوف رحلاتنا لشرم الشيخ من هنا :https://travilio.com/en-EG/s/egypt/sharm-el-sheikh