محتار تسافر فين فى العيد ؟ دة دليلك لقضاء اجازة عيد ماتتنسيش 

رمضان بيخلص والعيد خلاص على الابواب ، ياترى فكرت هتقضي العيد فين ؟ ايه رايك في سفرية سريعه تفصل فيها قبل ما ترجع للشغل أو الدراسه تاني  ، الحق استغل اجازة العيد وخطط لرحلتك من دلؤقتى .

الايام دى طلعة الساحل مع صحابك أو اسرتك هتكون تجنن بس مصر فيها اماكن كتير محتجاك تشوفها هنقولك منها عن اماكن السفر القريبة من القاهرة وكمان البعيدة وانت كل اللى عليك تختار ، خطط لرحلتك وانت قاعد مكانك ، ومتحملش هم حاجة 


شــــرم الشيـــخ 

عشان الايام الحلوة بتعدي في ثوانى متنساش ان رمضان هيطير وانت لسة مظبطش سفرية العيد طب ايه رايك فى البحر الاحمر وخصوصا بقى لو السفرية لشرم الشيخ يعنى خليج نعمة و هضبة ام السيد وده الجزء المرتفع فى شرم الشيخ ودى اللى بــ  يلجأ لها الزوار فى حالة الجو لما بيكون خلاص بقى حر لانها بسبب الارتفاع ده تعتبر جوها اهدى شوية من بقية شرم الشيخ طب ايه رايك تقضي اجازة العيد فى فندق هناك بما اننا خلاص دخلنا فى الحر ؟ شوف العرض من هنا واستمتع بأجمل رحلة لشرم الشيخ في العيد شاملة الانتقالات واقامة كاملة وكمان هتاخد 13 رحلة مجانيه كل دة بسعر خيالى  ومتنساش تحجز بدرى عشان تستمتع بخصم 10 % لو حجزت قبل يوم 27 مايو 

ومتنساش وانت فى شرم الشيخ تزور  خليج القرش وتعمل رحلة لخليج نبق وهو المنطقة الاكثر طلبا لل honeymooners بسبب هدوء المكان وروعة المناظر تحت الماية لو عاوزبرنامج سياحي لشرم الشيخ شوف المقال دة : برنامج سياحي مميز لرحلة شرم الشيخ ودهب 


مرســي علــــم 

لو عاوز تبعد عن القاهرة أو تخرج بره مدينتك وتروح تستجم بعيد عن الدوشة والروتين يبقى مرسي علم اجمل مكان للاستجمام والانسجام أخطفلك الــ 4 ايام اجازة العيد هناك 

المعروف عن المكان دة انه احلي مكان في الكوكب للي غاوي بحر, مرسي علم يعني هتقضي احلي وقت في حياتك تحت الميه ، 

هي كمدينه صغيرة جدا و مفيهاش حاجه بس عندك 180 كم من الشواطئ والفنادق من اول بورتو غالب 62 كم شمال مرسى علم لحد وادى لحمى 118 كم جنوب مرسى علم من اجمل شواطيء العالم 

لو عاوز تزور شاطيء حنكوراب و محمية شرم اللولي ومحمية ابو دباب وكمان تعمل رحلة لسطايح أو بيت الدولفين اللى مينفعش تروح مرسي علم وماتروحهمش الحق شوف العرض دة واحجز معانا قبل اى حد واستمتع بخصم 10 % على رحلات مرسي علم كل ما تحجز بدرى :
 رحلة عيد الفطر المبارك 2019  الى مرسي علم :  ٤ أيام ٣ ليالي في ( فندق بلو هاوس مرسي علم – 4 نجوم صف اول علي البحر ) اقامة كامله + الإنتقـالات شوف البرنامج من هنا


الفيــــوم

الوقت دة وقبل الصيف ما يدخل علينا بشمسه وحرارته العاليه محتاج طلعه للفيوم مكان قريب من القاهرة ساعتين تلاته بالكتير وتكون هناك وتعيش مع شلالاتها وتاخد لفة فى قرية تونس وبحيرة قارون ، انت تقريبا مش هتشوف من كل النواحى الا المناظر الطبيعية وبس
كمان لو انت من محبي التاريخ فهتلاقي هناك مواقع تاريخها بيرجع لمئات السنين. من القطع الأثرية والمواقع الفرعونية والرومانية والقبطية والإسلامية ، اما بقي لو من محبي التخييم ومشاهدة النجوم فعليك بزيارة وادى الحيتان أو قطرانى كامب واستمتع بهدوء الطبيعة وافصل شويه من الدوشه وظبط رحلة العيد على الفيوم  لو عاوز تتعرف اكتر عن الفيوم ومعالمها خد لفة فى المقال دة : تعرف على اجمل مزارات الفيوم السياحية 


العيـــن السخنـــة

الطريق من القاهرة للعين السخنة مياخدش ساعه : ساعه ونص . وتعتبر العين السخنه هى اقرب مدينة للقاهرة تقدر تقضي فيها كام يوم أو حتى داى يوز وتنبسط من غير ما تشيل هم المشوار والطريق .

والطريق ليها حلو جدا مناظر الجبال وشكلها هتحسسك انك فى طريقك لجنوب سينا مش العين السخنة . لو بتفكر تقضي اجازة العيد فى السخنه أو تعمل رحلة سريعه ادامك كذا اختيار يأما تأجر يخت في بورتو السخنة يوم كامل أو حتى تبات فيه لو طالع مع جروب كبير مع اصحابك أو عائلتك وتقدر تشوف معلومات اكتر عن ايجار يخت فى العين السخنه من هنا : أستمتع بالويك أند فى رحلة بحرية باليخت فى قلب بورتو السخنة

 أو ممكن تقعد فى قرية من قري العين السخنه زى :  Stella di Mare ، و Jazz Hotel في Little Venice ، و Mövenpick Resort El Sokhna ، و Porto Sokhna. وبردو ممكن تعرف عنهم تفاصيل اكتر من هنا : 

اسعار منتجعات وفنادق العين السخنة


الإسكــندريـــة

اسكندرية بتتجمع فيها  كل شئ بنحبه في القاهرة ، وكل شيء بنحبه في المدن الساحلية. وبعضنا بيستغل اى اجازة عشان يهرب على هناك على طول ..
وعشان النفسية من وقت للتانى بتحتاج اسكندرية يبقى رحلة اسكندرية فى العيد اختيار بيكون موفق ومريح للنفسيه 

وبما ان العيد داخل فدى فرصتك تروحها قبل الزحمة ومتنساش تزور مكتبة الإسكندرية وقلعة قايتباي وقصر المنتزه وكوبري ستانلى.  او تقعد على كافيه اوبا أو الشاطبي وتاكل اكلة سمك على البحر أو تجرب كبدة الفلاح والبان سويسرا وخروب امال .
أو تأجر شاليه او شقة على البحر فى المنتزه أو المعمورة وتقضي اجازة العيد في جو اسكندرية اللى ملوش وصف يوصف جماله . ودى افضل الخروجات والمطاعم فى اسكندرية بالاسعار والعناوين