القرية النوبية في القاهرة  

جديد : لمحبي المغامرة استمتع بتجربة مختلفة في النيل علي قارب كاياك 

جرب تشوف القاهرة من منظور فريد ، وابعد عن الدوشة والزحمة وانطلق في مغامرة مائية ممتعة في قلب نهر النيل بالزمالك.

سعر الفرد ١٠٠ جنيه فقط  - للحجز اضغط هنا 

المكان: القرية النوبية للمأكولات الشرقية nubian village

خلاص مش محتاج تسافر اسوان وتدب مشوار عشان تعيش جو النوبة بروحها وألوانها وأكلها وتفاصيلها

المكان كأنه بيت نوبي بجد وفيه اكتر من قعدة واكتر من موود زي البرجولة مثلا والقعدة العربي اللي أحلي حاجة فيها انك تاخد شاي نوبي بيتقدملك في كوبايات فخار وحاجة علي الطراز اوي وانت قاعد متمزج بالاغاني النوبية ولا القعدة الأوت دور الهوا والزرع والمراجيح واحلي جو للفطار

 ولو انت بتحب تدخل في الثقيل على طول هتلاقي مطعم معتبر كبير وفخم ينفع للعزومات خصوصا علشان الأكل هناك عظيم ومخدوم واللحمة بتاعتهم بلدي وبتتقطع وبتتشفي عندهم فهتحس بنضافة وفرق في الطعم فعلا
فالمكان هناك مهيأ لمواكبة جميع حالاتك المزاجية سواء حابب تفصل وتروق بس أو تلم صحابك اوعيلتك وتروحوا تقضوا يوم مختلف أو تاكل أكل حرش 

ده غير أنه انسب مكان تروح تقضي فيه يوم كامل وتبعد عن دوشة القاهرة لأنه في منطقة معزولة عن العالم تقريبا ومفيش هناك غير صوت الهوا والنخل والزرع 

من اجمد الاكلات عندهم الفراخ على الطريقة النوبية ودي بتبقي عبارة عن فراخ غرقانة صوص ديمجلاس معاها بطاطس متقطعة رفيع فبتقرمش وطرية في نفس الوقت وبصل مقلي أو دقة وفيه كمان بط وحمام وطواجن 
ولو عايزين تعرفوا أكتر عن الحاجات اللي بيقدموها دة لينك المنيو بتاعهم 

المنيو : https://imgur.com/a/uwhuRcx
 

عنوان القرية النوبية بشيراتون 

حديقة المدفعية - شارع الصاعقة - بجوار فندق The Guard - شيراتون المطار


صفحة : remood places 

القرية النوبية بالقاهرة

 

القرية النوبية بشيراتون القاهرة

 

القرية النوبية للمأكولات الشرقية بالقاهرة

 

القرية النوبية بشيراتون

 

القرية النوبية بالقاهرة

 

القرية النوبية للمأكولات الشرقية بالقاهرة