إجراءات وشروط التقديم للحصول على الفيزا السياحية لدولة المغرب

قبل ما نتكلم فى مقالنا عن كل ما يخص التقديم على فيزا المغرب ومتطلباتها لازم نعرف معلومتين : 

• بنسبة كبيرة مينفعش تروح تقدم على فيزا المغرب من خلال شركة سياحة وتخليها هي تقدملك الورق بالنيابه عنك...لازم انت تروح بنفسك تقدم
• ميعاد التقديم على فيزا المغرب بيكون يومي الاحد و الاربعاء من كل اسبوع من الساعه 9 صباحا الي الساعه 12 ظهرا

الأوراق المطلوبة لاستخراج فيزا المغرب سياحة : 

-لازم و انت رايح يكون معاك التالي:

1.  صورتين خلفيه بيضاء ميكنش عدي عليهم 6 اشهر (  لو 6 اشهر و يوم فمش هيقبلوا ورقك )
2. باسبور صلاحيته لا تقل عن 6 اشهر
3. حجز طيران وحجز فندق مبدأي
4. جواب من جهة العمل فيه رقم التأمين بتاعك و مرتبك
5. جواب من البنك لاخر 3 اشهر لعمليات السحب و الايداع
6. تأمين طبي يغطي عدد ايام الرحله

معلومات ونصائح ليك هتفيدك قبل التقديم على فيزا المغرب 

لو انت نسيت تجيب ورقة التأمين متخفش و انت هناك هتلاقي شاب واقف قصاد السفاره بيقول اللي عايز يعمل التأمين الطبي بتاع GBI بعدد الايام و بتكون رخيصه مش غاليه و بيملي الورق قصادك و السفاره بتعترف بيه و كان الـ 10 ايام بـ 120 جنيه

*في ابليكيشن تبع السفاره المغربيه بيكون علي النت بتكتب فيه بياناتك ممكن تشوفه من هنا : 
https://www.visahq.com.eg/morocco/

ملحوظه مهمه

 الابليكيشن الموجود علي النت مبقاش حد يملاه دلوقتى عشان ابليكيشن قديم و السفاره مش معترفه بيه
الاضمن تروح السفاره بدري و هتلاقيهم بيوزعوا الورق ده مجانا.
 
-السفاره مش بتاخد منك فلوس ساعه التقديم
بتاخد بس لو الفيزا اتقبلت ساعه الاستلام و بيكون سعرها 420 جنيه single entry

يوم تسليم الباسبور في السفارة بتاخد إيصال زي الموجود فى الصوره الجايه دى بالميعاد و بيكون التسليم يومي الاثنين والخميس من الساعه 2 الي 4 مساءا

والفيزا بتطلع في اسبوعين فقط

عنوان سفارة المغرب بالقاهرة :  السفارة مكانها في  10 صلاح الدين ، الجبلاية ، الزمالك