فتح متاحف قصر عابدين مرة أخرى أمام الزوار
انتشرت اخبار عن افتتاح متاحف قصر عابدين مرة اخرى للزوار ودة بعد إغلاقه لعدة سنوات والمعروف عن قصر عابدين انه من افخم القصور الملكية اللى ممكن تزورها فى مصر واللى اتبنت خلال حكم أسرة محمد علي باشا لمصر وكان مقر لحكم مصر في الوقت من سنة 1872 لغاية سنة 1952، المكان عبارة عن تحفة معمارية وتاريخية رائعة هتشوف فيها نموذج للفخامة والجمال مش هتلاقيها فى حته تانيه ده غير انه بيضم عدد كبير من التحف والمقتنيات الذهبية وبأشكال مبهرة جدا.
مواعيد العمل بمتاحف قصر عابدين :
مواعيد العمل بقصر عابدين بتكون من الساعة 9 صباحا : 3 العصر كل يوم ماعدا يوم الجمعة اجازة
أسعار تذاكر الدخول لقصر عابدين :
30 جنيه تذكرة دخول المصريين و 10 جنيه تذكرة دخول الطلبة ، اما دخول الأجانب بيكون ب 100 جنيه و 25 جنيه للطلاب الاجانب ، وتصريح الموبايل للتصوير ب 5 جنيه
ازاى اروح قصر عابدين
اسهل طريقه توصل بيها لقصر عابدين هى المترو هتنزل محطة محمد نجيب فى ( الخط التانى ) وتخرج من المحطة تمشي شمال هتلاقى القصر ادامك بالظبط .. أو تركب اى حاجة رايحة عابدين أو باب اللوق
هتشوف ايه داخل قصر عابدين وايه اللى ممكن تعمله هناك ؟
اول ما تدخل هتلاقي حوالين القصر فيه جناين كتير دى لوحدها هتروقلك اعصابك ومناسبة جدا للناس اللى بتحب التصوير ، هتدخل القصر من باب اسمه باب باريس وهتلاقى الجزء الاول من القصر وهو ركن النافورة وهتشوف هناك تماثيل لحكام مصر من اسرة محمد على وجوه هتلاقى القصر مقسم لكذا غرفة وكل غرفة فيها حاجة مختلفة ومميزة عن التانية
مثلا غرفة الأسلحه أو متحف الاسلحة واللى فيه اسلحة من ايام العصر الحجرى ومجموعات من اندر السيوف اللى تم اهدائها للحكام اللى حكموا مصر فى الفترة دي
وغرفة خاصة اسمها قاعة السنيما دة بالاضافة لقاعة الفضيات و الأواني والمقتنيات الخاصة بأفراد اسرة محمد على
اللى بيحبوا المعالم الأثرية والتاريخية لازم يجربوا يزورا قصر عابدين لان فعلا هينبهروا ودي مجموعه من الصور اللى بتوضح جزء بسيط من جمال المكان العظيم دة
.jpg)
1__100__100__1__1566443572.png)
__100__100__1__1546265863.png)
