تكاليف السفر الى لبنان ومتطلبات الحصول على الفيزا

لو بتدور على دليل سياحى كامل عن لبنان يبقى المقال دة ليك هتتعرف فيه عن كل ما يخص ( تأشيرة لبنان وطريقة الحصول عليها - ارخص سعر لتذاكر طيران لبنان - اسعار المواصلات وافضل الفنادق فى لبنان)

7 أسباب تجعلك تقرر السياحة في لبنان :-

لبنان فيها اماكن تاريخية كتيرة جدا ممكن تزورها وتستمتع بيها وتاخد اجمل صور , دة بالاضافة الى طبيعتها الساحرة والشواطئ اللى هتشوف فى مايتها الصفائي والجمال ، كمان فيها منحدرات لرياضة التزلج .
العاصمة بيروت فيها اروع المزارات السياحية اللى بيزورها السياح من جميع أنحاء العالم واللى بتحتل موقع مميز جدا في لبنان
الطعام اللبناني له طابع خاص ومن الأطباق الشرقية اللى ليها طابع مميز غير موجود فى اى بلد عربية تانية
تشهد لبنان تنوع بين الثقافات الشرقية والغربية تجعل شعبها أكثر تحضراً.
يعرف شعب لبنان بأنه شعب ودود ومرح ومحب للحياة والانطلاق على الرغم من الحروب اللي واجهها.
لبنان بلد صغيرة ممكن تزورها كلها فى فترة قصيرة وتستمتع بكل مكان فيها وهتكون تجربة فريدة من نوعها فيها متعة واثارة محصلتش .
العملة فى لبنان هى الليرة ,لكن تقدر هناك تتعامل بالدولار الامريكى عادي جدا من غير ما تحتاج الى تغير العملة

و دلوقتى خلينا نعرفك كل التفاصيل اللى هتحتاج تعرفها عن السياحة والسفر الى لبنان قبل ما تقرر تسافرلها علشان متشيلش هم حاجة لما تزورها .

لبنان

اولا تأشيرة لبنان :-

1- تاشيرة لبنان تمنها 20 دولار وممكن تجيبها من القنصلية فى اسكندرية أو السفارة اللبنانية في القاهرة بتتاخد في 3 ايام عبارة عن ختم فقط وبيكون مطلوب الاتي :

( الباسبور - حساب بنكى لاخر 6 شهور - اتش ار ليتر - وصورتين - حجز فندق و 2000 $ بيشوفوهم فى المطار بس مش بيعدوهم وبتملى ابلكيشن فيه بياناتك )

وده الابلكيشن اللى بتملاه لطلب تأشيرة لبنان : http://www.cairo.mfa.gov.lb/Library/visa-applicationarabic.pdf

فى مطار القاهرة ها يسأل عن نفس الحاجة + التصريح الامنى لو ماعندكش وظيفة فى الباسبور.

وممكن بردو تاخد التأشيرة من مطار بيروت ويكون معاك الآتي : ( تذكرة طيران ذهاب وعودة تمنها غير قابل للاسترداد - حجز فندق- جواز السفر وصورة منه - الصورتين الشخصيتين ) وفي كلا الحالتين لازم يبقى معاك ال 2000 $ و تملى الابلكيشن .

ودة عنوان سفارة لبنان في القاهرة : 22 شارع المنصور محمد - الزمالك

2- تذاكر الطيران الى لبنان

التيكيت للبنان مش غالية خصوصا لو طلعت على طيران MEA هتلاقي التذكرة في حدود 3500 جنية تقريباً

مغارة جعيتا

3- العملة في لبنان

العملة الرسمية في لبنان هي الليرة بس تقدر تستخدم الدولار عادى من غير ما تغير عمله من الصرافه (سعر الدولار 1500 ليرة لبنانى)

4- المواصلات في لبنان

بيروت مثبتة التحرك بالتاكسي داخلها ب 10 دولار او 15000 ليرة ... و لو قررت تروح مكان بعيد شوية بتدفع 15 دولار او 22500 ليرة و لو هاتروح جونيه فالمشوار ب 20 دولار او ب 30000 ليرة ...

المواصلات العامة قليلة جدا و ومش هتوديك فى اى مكان انت عايزه فصعب الاعتماد عليها …

كمان جوه بيروت في في حاجه اسمها السرفيس دى عباره عن عربيه ملاكى عاديه جدا بس بتعرفها من لون اللوحة يبقى احمر مش ابيض .

المفروض السعر الأساسي 2000 ليرة للفرد بس لو مشوار بعيد ومش هياخد حد تانى معاك ممكن يطلب اكتر ع العموم لازم تفاصل

وUber شغال عادى هناك لكن النقطة الأهم فى منطقه اسمها (الدورة) دى زى موقف رمسيس عندنا فى مصر بيكون فيها عربيات بتروح مناطق كتير سعرها دولار واحد بس يعنى 1500 ليرة

5- الاقامة في لبنان

أفضل اماكن الاقامة فى لبنان هي منطقة الحمرا و سوليدير وبنقترح عليك فندق bella riva ... وده فندق موقعه ممتاز لانه قريب من معظم الاماكن مش هيكلف كتير في التنقلات وكمان مستواه ٤ نجوم وسعره معقول جدا …

لكن خلينا نقول ان متوسط الليله فى الفنادق هناك بتبدأ من 30 $ وانت طالع

فندق بيلا ريفا لبنان