جزيرة Orange Bay


أورانج باي جزيرة منعزلة في البحر الأحمر وقريبة جدا من الغردقة

المنطقة بـ تغطي أكثر من 3000 متر مربع، وتم بناؤها باستخدام خامات صديقة للبيئة بالتعاون مع “منظمة حماية البيئة والحفاظ على الغردقة .

إزاى توصل لجزيرة اورنج باى ؟ 

ممكن تعمل رحلة لمدة يوم للجزيرة من الساعة 9 صباحًا بتطلع من ميناء خاص بالغردقة اسمه “سانتا مارينا” شاطىء رقم 9. 

بتركب المركب الكبير أو اللانش اللى يأخذ 20 فرد مستريحين هـيوديك لمرسى «أورانج باي» في أقل من 40 دقيقة،  والرحلة المركبية دي نفسها تجربة ممتعة جدًا  في قلب مياه البحر الأحمر الجميلة، بعيد عن تلوث ودوشة

فنادق الغردقة.

ايه اللى ممكن تعمله على الجزيرة ؟

أول ما بتوصل لـ «أورنج باي»، جهز الكاميرا بتاعتك، المنظر بـ يبقى جميل ومبهر: مياه البحر بلون التركواز بـتمتد لحوالي كيلو متر لغاية ما المياه تبدأ تعلى عن ركبتك، والرمال الذهبية عليها شمسيات خشبية، كراسي بحر، بين باجز، سجاجيد عجمي، وكبائن خشبية.

كابينة منهم عبارة عن البار اللي بيخدم الشاطىء، وفيها مشروبات غازية وكحولية لكن بأسعار عالية (ازازة البيبسي بحوالي 25 جنيه). 

ولمّا تتعمق أكثر في الجزيرة، هتلاقي مطعم مفتوح على ساحة خشبية، الوجبات فيه بوفيه مفتوح وفيه خضروات طازجة معموله  بالروزماري ، فيليه سمك أبيض مشوي، سلاطات متنوعة مكرونه، أرز ولحوم وفراخ. تقدر تملأ

طبقك أكتر من مرة زي ما أنت عاوز، والشيف يساعدك ويوصل لك حاجتك لترابيزتك ويسألك عن رأيك أول ما تخلص أكل.

في ركن من الشاطىء، فيه دورات مياه للرجال ودورات مياه للسيدات داخل أكواخ خشبية، والمرافق الموجودة بدائية وأساسية، لكنها هتقضي الغرض ليوم واحد على البحر.

فيه مشروبات ترحيب زي (كركديه) بتقدملك أول ما بتوصل وبعدها بيسيبوك تسترخى على الشاطىء . والجرسونات هيجيبولك 

المشروبات لغاية شمسيتك،  اليوم هيخلى عندك هدوء أعصاب وراحة رهيبه حاجة كدة تفصلك عن الدنيا وما فيها أنت متخيل قاعد تاخذ فنجان القهوة بتاعك ولا طبق الفسفور مش ع البحر لأ ده انت فعليا جوه البحر نفسه

وهتتمرجح على مرجيحة فى نص المياه يعنى مفيش استجمام بعد كدا دى حاجة هنا فى بلدنا ومتكلفكش اكتر من ٧٥٠ جنيه للفرد


لو هتقضي داي يوز في «أورانج باي»، يبقى المفروض تجيب معاك فوطتك وكريم واقي من الشمس، وننصحك أنك تجيب فلوس زيادة، لأن الشاطئ هناك مش بيقبل الدفع بالفيزا، يعنى لازم يبقى معاك كاش 

ونسيبكم دلؤقتى مع الصور اللى هتحس فيها انك ادام صور من المالديف

جزيرة اورنج باي

اورنج باي - الغردقة

شاطي اورنج باي

orange bay

orange bay

orange bay

orange bay - red sea

orange bay - hurghada