لو عاوز تلف العالم يبقي لازم تبدأ ببلدك مع اقتراب دخول عيد راس السنة واحتفالات الكريسماس والزينة اللى ابتدت تزين الشوارع والميادين فى مصر استعداداً باستقبال السنة الجديدة 

حاولنا نجمع لكم اكتر من مكان هتشوفوا فيه أجواء الكريسماس بشكل جميل ومبهج وهتحس فيه انك في اوروبا وكمان خروجة مجانيه هتنزل تسهر وتتمشى وتاخد احلى صور وانت بتختم السنة القديمة في مكان مختلف ..


أجمل مكان للخروج فى القاهرة للاحتفال بأجواء الكريسماس ورأس السنة 

 
1- اركان بلازا فى الشيخ زايد

 المكان ممكن تروحوا وتتمشوا عادى وببلاش من جماله هيبقي مستحيل تقعد فى مرة ومترحش تانى مرتين تلاته فى نفس الشهر 

المطاعم والكافيهات اللى موجودة فيه شيك جدا وتعتبر نسبيا غالية شويتين يعنى لو عاوز تخرج مراتك اوخطيبتك فى مكان متنساهوش يبقى هو المكان ده أو لو هتكتفي انك تتمشي وتتصور تأكد انك فى كل الاحوال هتنبسط 

العنوان بالتفصيل : لو جى من المحور كمل على طول اكنك رايح على اكتوبر وعدى هايبر وادخل شارع الخدمات اللى بعده وفى اول يمين اللى هو مدخل الشيخ زايد 2 على نصيته هيئة المجتمعات العمرانية وامشى شوية هتلاقيه على شمالك قدام زايد 2000.
 

اركان بلازا

اركان بلازا

arkan plaza
 

2- كايرو فيستيفال سيتى 

والخروجة دي مش هتكلفك حاجة خالص ألا انه يكون معاك كاميرا موبايل نضيفة وبس كدة عيش مع احلى صور وسط اجواء احتفالات راس السنة واقعد عند النافورة الراقصة ومش هتدفع أى فلوس ولو جوعت ممكن حاجة من الفود كورت على أد فلوسك

 

كايرو فيستيفال سيتى

كايرو فيستيفال

cairo festival city

 

3- منطقة Waterway و River Walk
 

مش لازم تسافروا أوروبا السنة دى علشان تحتفلوا برأس السنة الجديدة المكان دة بيجيب لك أوروبا كل سنه لحد عندك فى التجمع

وبالتحديد فى التجمع الاول كل اللى عليك تاخد كاميرتك وتطلع تتصور هناك وببلاش`

والعنوان بالتفصيل التجمع الاول هتمشي بشارع التسعين الشمالي من أمام بتروسبورت هتمشي لحد ما توصل عند ميدان سعد زغلول وتاخد شمال بشارع محور محمد نجيب هتعدي اول ميدان وتكمل وتعدي هنلاقي الكمبوند على اليمين
 

واتر واي

واتر واي

 

4- ‏Capital Business Park

ودة مكان فى الشيخ زايد هيخطفك لحته تانية خالص من حلاوته وعامل شجرة الكريسماس انك تتصور جواها كمان مش جنبها وبس

بيكون برد يعنى هتحس اكنك فى اوروبا‏‎ 

‏‎من الاخر لو بتدور على مكان جديد تقضي فيه جو لطيف فدة انسب حاجة وخصوصا كمان لو عاوز تخرج مع خطيبتك أو تعزم حد ‏‎هتلاقي هناك مطاعم شيك جداً 

‏‎العنوان : مدينة الشيخ زايد على المحور الرئيسى بعد هايبر وان ‏‎قبل مدخل زايد 2000

 

CAPITAL BUSSINES

Capital Business Park

Capital Business Park

 

downtown katameya- 5

ودة يعتبر مول مفتوح يحتوى على حوالى ١٣٠ محل و ٥٠ مطعم وكافيه وممكن جدا تروحوا تتصور هناك بالموبايل الصور بتطلع حلوة اوى الصبح خصوصا مع ديكورات رأس السنة والكريسماس

العنوان : أول شارع التسعين بعد كايرو فيستيفال - التجمع  الخامس

Downtown katameya

downtown katameya