كل ما تحتاج معرفته عن التصريح الامنى وخطوات استخراجه بالتفصيل
اولا : ايه هو التصريح الأمني؟
التصريح الأمنى هو موافقة من الجهات الأمنية المختصة على سفرك إلى بعض الدول وبيكون مطلوب للمسافرين المصريين من مصر
ثانيا : ايه هي الدول اللي بتحتاج إلى تصريح أمني
تركيا - جورجيا - دول جنوب افريقيا وما حولها زي السودان - لبنان - الأردن - ماليزيا - أندونيسيا - كوريا الجنوبية - سوريا - العراق - ليبيا - اليمن – إيران
ملاحظة هامة
تم رفع اسم لبنان واﻻردن هذه السنة من هذه القائمة
ثالثا : المستندات المطلوبة للتصريح الأمني
- الباسبور و صورة منه
- تاشيرة الدولة المسافر لها و صورة منها
- إسم الأب رباعى و تاريخ ميلاده
- إستمارة طلب تصريح أمني
بالإضافة الى المستندات التالية
- خطاب الدعوة موثق لو التأشيرة زيارة
- خطاب HR موضح به الرقم التأميني
- كارنيه نقابة سارى وحديث للمهن النقابية
معلومة
بالنسبة للدول زى اندونيسيا وماليزيا اللى بدون فيزا مسبقه لازم المسافر يروح سفارة كلاً منهم ويحصل على التاشيرة برسوم بسيطه من داخل السفارة ويذكر السبب التصريح اﻻمني
كل المعلومات الاضافيه اللى هتحتاج تعرفها عن التصريح الامنى
1/ المكان الوحيد المخصص لاستخراج التصريح الأمني من مصر هو مجمع التحرير فى القاهرة
2/ التصريح الأمني مطلوب من سن 18 ل 40 سنة واذا كان سنك اقل او اكثر فأنت كدة مش محتاج تصريح امنى
3/ يجب ان تقدم طلب التصريح الأمني وتستلمه بنفسك
4/ التصريح الامنى صالح لمدة شهرين من تاريخ إصداره ولرحلة واحدة
5/ إذا كنت طالب وعاوز تسافر لدولة تحتاج تصريح أمنى لازم يكون معاك دعوة من الدولة التي هتسافر إليها أو مرافق
6/ فى حالة السفر الي تركيا مع وجود تأشيرة أمريكا - شنجن - إنجلترا - أيرلندا سارية يمكن إستخراج تأشيرة إلكترونية و إستخراج التصريح الأمنى
7/ فى حالة مكتوب وظيفة يتم إستخراج التصريح الأمني بفيزا سياحة
8/ يفضل يكون معاك شهادة التخرج فى حالة لو عندك اقامه خليجيه بمهنة عامل مثلا لكن ده مش مؤهلك بس مثبوت في البطاقة مهنتك اللى بتعليمك العالى يبقي لازم يبقي معاك شهادة التخرج
9/ لو انت مهنتك غير الموجودة فى الباسبور يبقي تاخد صورة البطاقة و صورة شهادة التخرج
10/ لو مسافر مع عيلتك وهما فوق ال ٤٥ هتحتاج صور جوازاتهم و التأشيرات وخصوصا لو انت طالب ولازم تعرف اسم والدك رباعي و تاريخ ميلاده
وخد بالك لو ليك مشاكل سياسية ومسجله عليك يبقى متروحش اصلا تعمله أو لو عندك مشاكل جنائيه بس مفيش احكام نهائيه جنائيه مسجله عليك عادى روح اعمله مفيش مشكله
واخيرا الموظف هناك هيكتبلك تاريخ في الباسبور ورقم ده بيبقى رقم الصادر و ترجع بعد اسبوع تستلمه
ودة مقال شامل عن الفرق بين التصريح الامنى واذن السفر وخطوات استخراج كلا منهم
