Travilio

60 دقيقه واكثر من المغامرة فى رحلة البالون الطائر فى محافظة الاقصر

60 دقيقه واكثر من المغامرة فى رحلة البالون الطائر فى محافظة الاقصر
تاريخ النشر :28-نوفمبر-2018 2018-12-14 المشاهدات :101

رحلة البالون في مدينة الأقصر

قبل أى حاجة الوقت اللى بتطلع فيه الرحلة دى بيكون وقت الفجر ودة وقت مثالى وحلو جدا لأقصى درجة.. يعنى فعلا تستحق الزيارة والناس بتجيلها من كل العالم..

 البالون بينطلق من مكان قريب من معبد حتشبسوت الموجود في البر الغربي وبيمر فوق معبد الرامسيوم وهابو أمنحتب الثاني ومقابر وادي الملوك والملكات والنبلاء ، وبتشوف من خلاله مشهد من سماء الأقصر يجمع الطبيعة الخلابة بالحياة الريفية لسكان قرى الأقصر

البداية أنك بتكون متفق مع راجل صاحب حنطور ( ودى الطريقة الأرخص شوية ) وهو بيوصلك لغاية المكان .

بيجي ياخذك من فندقك وبعدين تعدي للبر الغربى وتشرب شاي ونسكافيه ببلاش وبعدين تنزل تركب العربيه لحد الموقع اقل من 10دقايق..

هتتصورو وبعدين تطلع الرحلة ،  والرحلة بتكون مدتها من ساعة لساعة ونصف على حسب الهوا والجو..

مغامرة البالون مفيش زيها ممتعه وتستاهل انك تجمد قلبك

المغامرة دي بتبدأ من الساعة 5 الفجر تقريبا وبتكون تكلفتها حوالى 2000 جنيه وخصوصا في المواسم زي اجازة نص السنه 

 وفي اسعار بتبدأ من 800 الى 1500 للفرد وبتختلف على حسب شكل وحجم البالون، و بيكفي حتى 30 فرد 

طبعا لازم تحصن نفسك كويس من البرد وتعمل حسابك فى حاجة تقيلة على أيدك لانك هتطير فوق السحاب ل1500  قدم تقريبا

انتو متخيلين السقعه ( مع أنك في الأقصر بس هتبقى تلج حتى لو فى الصيف انت هتكون وقت الفجر وفى مكان عالى )

وغير انك هتشوف الاقصر من الارتفاع دة وهتشوف معاها الآثار والتاريخ والخضرة مجتمعين مع بعض

ولو حظك بقى وانت نازل من البالون وقت الشروق الله على الجمال حاجة كدة خيال والمنظر ده هيفضل فى ذاكرتك طول حياتك

 

رحلة البالون الطائر بمدينة الاقصر
رحلة البالون الطائر بمدينة الاقصر

رحلة البالون الطائر بمدينة الاقصر

رحلة البالون الطائر بمدينة الاقصر

رحلة البالون الطائر بمدينة الاقصر

رحلة البالون الطائر بمدينة الاقصر

أسعار رحلات شاملة الطيران و الإقامة