Travilio

رحلة ترفيهية للاستمتاع بأجمل معالم الفيوم مع برنامج سياحي غير تقليدي بها

رحلة ترفيهية للاستمتاع بأجمل معالم الفيوم مع برنامج سياحي غير تقليدي بها
تاريخ النشر :20-نوفمبر-2018 2018-12-15 المشاهدات :147

 

الفيوم .. قريبة جدًا من القاهرة ومليانة اماكن محدش يعرفها وفيها تنوع رائع من حيث المعالم والانشطه يعنى لو بتفكر تقضي يوم كله حركه تقدر هناك تستمتع بزيارة وادي الريان وتعمل احلى ساند بوردينج على الرمال ..

لو عاوز تزور معالم اثرية في معالم كتيرة فى الفيوم زي وادي الحيتان وقصر قارون وغيرها من الاماكن الاثرية والتاريخية 

لو عاوز اماكن للاستجمام والهدوء ممكن تزور كامب قطراني اللي بيطل علي بحيرة قارون من الناحية الهادية وتستمتع بالاكل البدوي والقعدة المريحة نفسيًا

لو بتحب المغامرة هتستمتع بأجمل المناظر الطبيعية عند جبل المدورة وهتزور أجمل البحيرات الموجوده فى مصر وهي بحيرة موريس وهتشوف الماجيك ليك 

اما بقي لو بتحب التصوير والاماكن المليانه الوان مبهجه ومناظر طبيعية اللى هتفضل فى ذاكرتك مش هتنساها ابدا فلازم تزور القرية التونيسيه وتستمتع بجمالها والوانها وتتعرف على كيفية صناعه الخزف وتقدر كمان تتعلم ازاى تعمله انت بنفسك يعنى من الاخر هتنبسط وتستمتع بكل لحظة هتقضيها فى الفيوم 

 


أفضل داي يوز ممكن تقضيه فى الفيوم 

قبل ما نتكلم عن تفاصيل الداي يوز نحب ننوه ان الرحلة دي مناسبه اكتر للناس اللى بتحب الطبيعه والاستجمام والهدوء 
هترور فيها قريه تونس وتعمل كامبينج فى قطراني كامب وهتستمتع بجمال بحيره موريس من اعلي جبل المدورة

 

تفاصيل برنامج رحلة الفيوم لقضاء ويك اند مميز 

- التحرك الي الفيوم و تبدأ يومك بزيارة مكان مميز جدا وهو قرية تونس بالفيوم 

- هتاخد جوله حره في القرية وتتصور وسط البيوت الملونه والمناظر الرائعه فى القرية 

- هتفطر بعدها فى مكان ريفى بسيط وسط الاراضى الزراعية و ترتاح شوية والفطار عندهم بيكون فطير فلاحي بالسمن وعسل وجبنة قديمة والفطير بتاع القرية بالذات معروف عنه انه مميز وطعمه حلو جدا

- وبعدها هتروح علي مكان  اسمه مدرسة ايفيلين لتعليم الفخار او ورشة ايفيلين للفخار اليدوى واللي عاوز يشترى اى حاجة من المنتجات متاح طبعا .

- بعد ما تخلص جولتك في قرية تونس هتستعد للتحرك بالاتوبيس عشان تكمل يومك فى فندق حلو اسمه نيو بانوراما البحيرة ودا فندق بفيو حلو اوى على بحيرة قارون وهناك فى حمام سباحة و خيل للى عاوز يركب خيل 

- ممكن تاخد فلوكه او مركب تلف بيك فى بحيرة قارون واللى هتستمتع فيها جدا وانت شايف ادامك الجبال والبيوت الملونه مع منظر المايه 

- وبعد ما تخلص جولة الفلوكه هترجع على الفندق تتغدا وتستمتع بالفندق والانشطه اللى فيه 

- وبعدها هتستعد عشان تتحرك على جبل المدورة 

- هتستمتع بطلوع الجبل ومشاهدة واحدة من اجمل المناظر الطبيعيه وهي بحيرة موريس والبحيرة المسحورة وتاخد احلى الصور التذكاريه هناك 

- وبعد انتهاء جولتك فى جبل المدورة هتنطلق لزيارة مكان في وسط الصحراء عشان تعمل احلى كامبينج في قطراني كامب على بحيرة قارون 

 ( كامب قطراني يبعد ساعتين عن القاهرة وفيه عربيه بتستناك علي أول الطريق للكامب عشان تدخلك جوه ومتوهش .. خد السليبنج باج بتاعتك معاك لو مقرر انك هتبات )

- هتقعد قاعدة بدوية وتشرب شاى على الفحم وتستمتع بالشواء وهتشوف اجمل منظر للنجوم فى السماء 

- مش كدا وبس دة فى هناك مرجيحه على البحيرة وقعدات هتخليك مش عاوز اليوم يخلص من كتر الهدوء والاستجمام اللى هتعيشه هناك 

- وبعد ما تخلص يومك وتستمتع بكل لحظة فيه تقدر تتحرك على القاهرة تانى ويكون كدا الداي يوز خلص 

 

جبل المدورة

 

ملحوظات هامة عن الرحلة  :

- ممكن تاخد معاك ملابس بحر عشان لو حبيت تنزل  حمام السباحة في الفندق

- حاول تلبس ملابس متوسطة بالنهار لان الجو مع الحركه بيكون حر دافئ شوية  وكمان لازم تاخد معاك جاكيت ضرورى لان بليل الجو بيكون برد فى الصحرا.

- قطراني كامب مجهز بأماكن لعمل الاكل والمشروبات الساخنه وكمان فى حمام واماكن مخصصه للى حابب يبات وانسب وقت تروح فيه لهناك هو وقت الغروب عشان تشوف منظر الغروب على البحيرة في مشهد رائع 

 

أسعار رحلات شاملة الطيران و الإقامة