متعه السفر الي الواحات البحرية والصحراء البيضاء والسوداء وجبال الكريستال
الواحات البحرية من اجمل الاماكن في مصر من حيث الإثارة والتشويق والهدوء والإستمتاع بالمناظر الخلابة اللي مش هتشوفها في أي مكان تاني غير هناك
الواحات البحرية تقع على بعد 400 كم من القاهرة وبداخلها أجمل المحميات الطبيعية مثل الصحراء السوداء، جبل الدست والمغرفة، جبل الإنجليز.
ويوجد بها العديد من المزارات الأثرية من الأسرة ال26 الفرعونية التي تم إكتشافها في أوائل القرن ال20 .
والصحراء البيضاء التي تقع على بعد 200 كم من الواحات البحرية والتي كانت قبل 80 مليون سنة جزء من البحر ثم انحسرت المياه وبفعل الرياح والرمال ونحتت أجمل صور طبيعية يمكن أن تراها عين الأنسان في مصر
لو عاوز تعرف اكتر عن الواحات البحرية والصحراء البيضاء ممكن تقرأ المقال ده من هنا : الصحراء البيضاء اجمل مكان للاستمتاع بالتخييم في مصر
تفاصيل برنامج رحلة الواحات البحرية و الصحراء البيضاء واهم المزارات الموجوده بهم :
اليوم الاول :
- هتفطر وتنطلق بالعربية عشان تبدأ رحلتك داخل الصحراء البيضاء ممكن تزور في اليوم الأول :
- منطقة الفلاسترون (الفرخه الأرنب الحصان المشروم كلها مناظر طبيعيه نحتتها الرياح علي مر السنين فعملت اشكال طبيعيه روعه جدا )
- زيارة العين الرومانية عين خضرا (عباره عن عين مائيه وسط الصحراء متحوطه بنخل وده هيكون اروع مكان لتجهيز الاكل لوجبة الغدا )
- السنطه (شجره كبيره طالعه وسط الصحراء بتعمل منظر جمالي رائع)
- زيارة الجبل المرصوص
- قرية الحيز و منطقة العقبات
- وبليل هتبدا تنصب الخيام وتجهز عدة التخييم وتستمتع برصد التجمعات النجمية والابراج وتبدا سهره بدويه واللي هتشوي فيها علي ضوء النجوم وتعمل شاي بدوي ولا اروع من كده )
اليوم الثاني :
-الاستيقاظ مبكرا والإفطار والاستعداد لزيارة سنط شاهين
- متحف المومياوات الذهبية
- معبد الإسكندر الأكبر
- مشاهدة الواحات القديمة
- زيارة وادي النخيل
- البحيرة المالحة
- زيارة منطقة الساند ديون ( كثبان رملية )
- زيارة جبل الدست والمغرفة
- مشاهدة الغروب من جبل الإنجليز
- الوادي الغربي
- كهف جاره ( ما بين كل الاماكن اللي هتزوروها كهف جاره هيكون اجملهم بسبب اشكال الصخور الرائعة الموجودة فيه)
وعلى اخر النهار ترجع الفندق عشان تاخد وجبة الغداء
-وبليل هتختم باحلى حاجه وتزور عين كبريتية بتخرج مياه من تحت الارض بدرجة حرارة 40.درجه واللي بتساعد علي علاج بعض الأمراض الجلدية والاسترخاء متنساش تجيب معاك مايوه
اليوم الثالث :
- هتصحي بدري تفطر وتتحرك لزيارة متحف بدر ( متحف لفنان تشكيلي اسمه بدر بينحت الصخور وبيرسم بالرمل لوحات تحفه اللوحات دي معروضة في اماكن كتير علي مستوي العالم بسبب جمالها )
هتخلص هناك وتطلع علي جبل الكريستال (عباره عن تجمعات كتير من الكريستال واللي بتعمل منظر رائع جدا واللي بيجي ليها الاجانب من كل مكان في العالم عشان يتفرجوا عليها )
- هترجع الفندق وتعمل شيك اوت وترجع القاهره تعمل جوله حرة فى السوق لشراء الهدايا
...........................................................
▪ مستلزمات هتحتاجها تكون معاك في رحلة الواحات البحرية والصحراء البيضاء :
- ملابس خفيفة مناسبة للحركة ودرجة الحرارة لفترة الصباح
- ملابس ثقيلة للمساء
- كوتشي رياضي
- نضارة شمس وكاب
- لبس مناسب للمياه لو هتنزل عيون المياه
- باور بانك لو بتحب التصوير
