فى ناس كتير بتسأل أية أسباب رفض الفيزا لدول منطقة الشنغن بشكل خاص او دول الاتحاد الأوروبي بشكل عام وازاى تتجنب الرفض
طالما خدت رفض يبقى ورقك مش كامل وفية حاجة غلط ، طيب واعرف اظبط ورقى ازاى واعرف منين اني ماشى صح ؟
مبدأيا إجراءات الفيزا والورق فى سفارات كل دول الاتحاد الأوروبي زى بعض بنسبة 95٪
اول حاجة لازم تعرف السفارة بتفكر ازاى عشان تتجنب الرفض ، لازم تعرف انهم بيحطوا شروط لأى واحد عايز يسافر سياحة وطبعا الشروط دي بتختلف من السياحة عن الدراسة أو الهجرة هناك بس مقالنا النهاردة هنتكلم بالاخص عن السياحة
اول حاجة لازم تعرفها ان اى سفارة بتحط قاعدة عامة شرط أساسي ألا وهو
ايه هيخليك ترجع مصر تانى ؟
يبقى اول حاجة لازم تقدمها اوراق تثبت ليهم انك راجع مصر تانى طيب وانا اثبت ازاى الكلام دة
اول حاجة تعملها انك لازم تظبط ورقك ، طب ايه الاوراق المطلوبة اللى هحتاج اظبطها قبل ما ااقدم ؟
الاوراق المطلوبة للحصول علي فيزا الشنغن اوالاتحاد الأوروبي وكيفية تجنب رفض الفيزا
* يكون معاك الباسبور بتاعك
* كشف حساب بنكي لمدة 6 شهور
- طب يا ترى الحساب البنكى لازم يكون فية كام عشان يبقى ورقي سليم ؟
معظم سفارات أوروبا بتحسب اليوم اللي حضرتك بتقضيه هناك ب 70 يورو يعنى لو هتقعد هناك مثلا لمدة أسبوع بيضرب 7 فى 70 يورو والمبلغ دة بيبقى شامل الاكل والشرب والفسح ومش شامل تذكرة الطيران أو الفنادق بيحسبوا كل تكاليف رحلتك مثلا لمدة
أسبوع بتتطلع بالمصرى حوالى 22000 الف تقريبا.
فانت لازم يكون الحساب البنكى مغطى المبلغ دة طبعا وبزيادة بكتير يعنى يكون فى حدود 40000 الف وانت طالع بقى وكل ما كان المبلغ كبير فى الحساب البنكى وعليه تحركات كثيرة خلال مدة 6 شهور كان افضل ليك وهما بيبصوا على حركات الحساب عشان
بيقارنوا المرتب اللي موجود في جواب الـــ hr بالموجود فى الحساب ، بيعملوا كده عشان عارفين ان فى جوابات hr بتتضرب
فكل ما كان ورقك تمام كل ما بيوفقوا بسهولة انك تاخد الفيزا
* جواب hr letter ودة جواب بتجيبوا من شغلك بيفيد انك بتشتغل أية فى شركتك يعنى وظيفتك أية فى الشركة و يكون مكتوب فية الــ salary بتاعك وتاريخ تعينك فى الشركة و تاريخ المدة اللي هتسافر فيها
* ورقة وثيقة تأمين سفر تجيبيها من اى شركة سياحة
* حجز طيران مبدئ بتجبية بردة من اى شركة سياحة
* حجز فندق مبدئي من بوكينج او من اى موقع حجز فنادق عمتاً
* صور شخصية
* شهادة تحركات لو انت مسافرتش أوروبا قبل كدة وبتطلع من مجمع التحرير
* الابليكشن بتملاه من موقع السفارة أو بتروح تاخد نسخة منه من السفارة نفسها وبعد كدة بتملاه
*كل الورق اللي هتقدمه للسفارة لازم يكون بالانجلش ولو فى ورقة بالعربى زى شهادة التحركات او فى ورقة تانية روح ترجمها بالانجلش من مكتب ترجمة معتمد
ولو انت عندك ممتلكات زى ارض او او عقار قدمه عشان دة بيعزز ورقك
الخلاصة :
ظبط ورقك ويكون كامل وطالما شغال شغلانة كويسة وكشف الحساب البنكى بتاعك قوى متقلقش هتاخد الفيزا ولو فى شهادات أرصدة معاك قدمها مع كشف الحساب .
ونصيحة : متبدأش تقدم فى سفارات أوروبا وانت باسبورك فاضى الا لو انت طالع تبع شغل والشغل هو اللي بيخلص الورق بتاعك فى السفارة أو تكون معاك مبلغ محترم وكبير فى حسابك مع حركات سحب وايداع تكون كتيرة علية .
ودي شوية مقالات تخص موضوع فيزا الشنغن هتفيدك :
خطوات التقديم علي فيزا الشنغن وكيفية الحصول عليها
نموذج رفض فيزا الشنغغن واجراءات التظلم لكل سفارة
شرح كيفية كتابة خطاب تظلم قوي علي تأشيرة الشنغن المرفوضة
