التقديم للهجره العشوائيه لامريكا 2020

فى المقال ده هنحاول نساعدكم فى خطوات التقديم هنشرحلك شرح مبسط لخطوات التقديم بالصور في اخر المقال 
 

اولاً ماهي الهجرة العشوائية لأمريكا 

اهم معلومة لازم نعرفها ان الهجرة العشوائية : ده برنامج تم وضعه من قبل الحكومة الامريكية وهو ببساطة للحفاظ علي تنوع امريكا بجميع الجنسيات و الحضارات المختلفة عن طريق برنامج بيسمح لاكتر من الآلاف الأشخاص سنويا من جميع أنحاء العالم انهم يحصلوا علي الجرين كارد "الإقامة الدائمة " و بكدا بتحافظ الولايات المتحدة علي رصيدها من التنوع بالنسبة المحددة كل عام في نتائج الفوز 

- وخلينا نتفق ان علي الرغم من ان برنامج الهجرة العشوائية نسب المكسب و الخساره فيه مش مضمونة لكن بجد كان فرصة لناس كتير جدا حياتها اتغيرت تماما للافضل  بعد المكسب

يعني من الاخر مش هتخسر حاجه لما تتصور صورتين انت وافراد اسرتك وتملي بياناتكم في اول شهر أكتوبر من كل عام وو متفكرش في الموضوع خالص لحد ماتظهر النتيجه في شهر مايو من كل عام .

- الموقع بيفتح من 3 /10 ويفضل شهر مفتوح وممكن تكون من 50 الف فائز

كل دوله ليها عدد معين من المكسب مثلا بيختاروا من مصر كل سنة 3500 يعنى كل سنه بيكون فيه نسبة من الفوز لكل دولة.
 

خطوات التقديم علي الهجرة العشوائية لأمريكا

الأول هل الموضوع يستاهل ؟ طبعا لإنه مجاني و بيمهد للجنسيه وهتضمن تعليم جيد مجانا –دعم صحي و نقدي وسكن طبقا للولايه - فرص عمل وبيزنس .

وعشان دخلنا في الجد وباقي أيام فده شرح مترجم لخطوات التقديم مجانا بدون شرط لغه / مالي . بس صوره مقبوله وشهادة الجيش والثانوية ( عام / دبلوم ) .

للتقديم إدخل علي الموقع الرسمي:

https://www.dvlottery.state.gov 

في الفترة ما بين 3 أكتوبر إلي 7 نوفمبر وممكن تبقي من 50 الف فائز.
 
* بالنسبة بقي لمواصفات صورة التسجيل في قرعة الهجرة 2018 لضمان الفوز بفيزا الجرين كارد

_ يجب أن تكون الصورة حديثة التصوير و واضحة الملامح وبخلفية بيضاء .

_ يجب أن تكون ملامح و تفاصيل الوجه واضحة في الصورة و الحجاب لا يخفي ملامح الوجه 

_ يجب أن تكون الصورة طبيعية غير معدلة بأي برنامج، كتبييض الوجه أو تغيير لون العينين مثلا.

_ بجب أن يكون مقياس صورة الهجرة الأمريكية على الكمبيوتر هو 600 بكسل في 600 بكسل. وحجمها اقل من 240 كيلو بايت

– عدم ارتداء نظارة او اي شئ يحجب الوجه او العينين وعدم ارتداء عدسات ملونة

_عدم تعديل الصور بالفوتوشوب او تغير اي من ملامح الوجه لتحسين الصورة.

– ويمكنكم مطالعة باقي الشروط و الاستعادة باداة الصورة علي موقع وزارة الخارجية الامريكية هنا

https://travel.state.gov/content/visas/…/general/photos.html

خاصة إذا كانت الصورة المقدمة لموقع الهجرة الامريكية ليست بالمقاس المطلوب ، حيث يمكنك في هذه الحالة أن تعدل مقاساتها بأي برنامج لتعديل الصور او عبر الموقع دون تغيير الملامح للحصول على المقاس المطلوب
 
 
*حضرتك بقا لو متجوز وعندك اولاد هيبقا هتحتاج صورة 5 فى 5 لزوجتك ولكل واحد من الاولاد خلفية بيضاء.
الاولاد الى فوق 21 ممنوع اضافتهم مع الاب او الام ولو عندك ولد او بنت معاهم الجنسيه الامريكيه مش هتذكرهم في التقديم ولا مطلوب صور لهم
 
 

شروط التقديم للهجرة العشوائية لأمريكا :

 
- ان يكون عمر المتقدم 18 سنة وقت المقابله.

- ان يكون حاصل علي الأقل علي شهادة متوسطه ثانوية عامة او دبلوم 

- كمان في حالة ان يكون معاك مؤهل اقل من المتوسط ف بتقدم شهاده خبرة سنتين في حرفة معينه ويكون بردو حصلت علي فترة تدريب سنتين ومعاك شهاده بكدا

المهن الحرفية دي مثلا : زي الخراطة و الميكانيكا والتبريد والتكييف 

- انت مش محتاج جواز سفر عشان تقدم بس لازم يكون معاك موقف من التجنيد عند التقديم او علي الأقل وقت ظهور النتيجة

- ان يكون المتقدم حاصل على شهادة تأدية او أعفاء موقت أو تأجيل من التجنيد.

- لو انتا سنجل ( مش متجوز ) ونجحت هتحتاج 550$.

- اللغه والضمان المالي : التقديم مجاني بس لو كسبت وهتسافر الموضوع هيكلفك 550$ للفرد رسوم المقابله بالسفاره والجرين كارد 330$ فى الاول ولو عديت من المقابله بتدفع 220$.

- بس مش محتاج ضمان مالي بالبنك أو كفيل يضمنك هناك ( هتحتاج عنوان للمراسلات بس ).

- اللغه مش شرط للتقدم و ممكن تطلب المقابله بالعربي.

- هتلاقي شغل في مجالات مش يشترط لغه زي توصيل الطلبات و المطاعم لحد متوفق وضعك وتشتغل في مجالك.
 

أسباب رفض الطلب للهجرة العشوائية : 

-إنك تقدم أكتر من مره بإسمك ( ممكن الزوجين يقدموا طلبين مره الزوج رئيسي والتاني تكون الزوجة هي الرئيسي وهو مرافق ).

-انك تدخل بيانات مغلوطه بالطلب الأصلي زي عدم كتابة الزوجه والأولاد - إنما المقابله والكشف الطبي سهلين جدا .

- وكمان الصورة لو مش مطابقة للشروط بتكون سبب في الرفض 
 

التقديم للهجرة ومتابعه الطلب  :

لما  تقدم لازم تحتفظ برقم الطلب عشان هتشوف النتيجه بالرقم اللي معاك. 

النتيجة بتظهر في اول أسبوع في شهر مايو من كل عام 

لو كسبت هيطلعلك رقم ملف بيه موقع الهجره لحد ما يظهر رساله تطلب تبعت أوراقك لعنوان هيدهولك.

بعد ما تبعت الأوراق هتتابع موقع الهجره لحد ما يظهر لك ميعاد المقابله.

تروح الكشف الطبي وتاخد ظرف النتيجه مع صورة الأوراق للسفاره.

" المقابله واصدار التأشيره والسفر خلال 6 شهور "
 

والأوراق هي  : صورك وصور 

جواز السفر + شهادات الميلاد تترجم في وزارة الصحه بالتحرير.

شهادات الزواج وفيش وتشبيه دول بيترجموا من وزارة العدل في التحرير.

شهادة الثانوي مترجمه من الإدارة العامه للامتحانات القصر العيني.

شهادة الجيش مترجمه من مركز اللغات بالقوات المسلحه بحدائق القبه.

شهادة الجامعه إن وجدت مترجمه من أمانة الجامعه عندك.

السفر : لو كسبت مفروض تسافر الأول قبل أسرتك لحد ما تستقر وتبعتلهم.

يفضل تبدأ بمدينه ليك حد فيها أو مدينه كبيره زي نيويورك فيها سكن وشغل ومواصلات و جالية مصريه وبرامج دعم للمهاجر الجديد.

بعدين تقدر تنقل منها لأي مدينه وبنرشحلك سان فرانسيسكو - سياتل - أوستن - دالاس- واشنطن – بوسطن 

 

ودى صور فيها شرح مبسط لخطوات التقديم من خلال الموقع الرسمي للتقديم للهجرة لأمريكا : 

 

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا

شرح التقديم للهجرة العشوائية لأمريكا