دليل فسحتك علي النيل لقضاء وقت مميز مع اطلالات فريدة في أفضل المطاعم والكافيهات

لو محتار تخرج فين وعاوز تقعد في اماكن جديدة بفيو حلو او لو انت من هواة القعدة على النيل ومش عارف اسماء الكافيهات والمطاعم الموجودة علي كورنيش النيل جمعنالك أفضل المطاعم والكافيهات الموجودة علي النيل عشان تستمتع بالهواء الطلق وتقضي أحلى وقت مع أجمل فيو ممكن تشوفه فى القاهرة وتعرف علي أجمل المطاعم علي النيل في المعادي والمنيل والجيزة والزمالك.

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

1. اكتشف جمال النيل واحجز من هنا  فلوكة بتكفي لحد 5 افراد بــ 300 جنيه بس في الساعة .
2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنــا . 

ولمزيد من الخروجات والمغامرات في القاهرة اضغط هنــــا عشان تشوف كل جديد 

كافيهات ومطاعم علي كورنيش المنيل ( شارع عبد العزيز آل سعود )

Nile Lounge

النيل والهواء والخضره والمنظر الرائع مش هتلاقيه غير فى  "Nile lounge " 

للناس الرايقه اللي بتحب قعده النيل والهواء الطلق او اللي غاويين رحلات نيليه هتتبسطو اوووي هناك

دة مجمع مطاعم وكافيهات على النيل مباشرة وفى يخت حلو جدا  لو عايز تاخد جولة فى النيل انت وعيلتك او انت والشله والاصحاب هتروح وتتصور اكتر ما هتقعد لأن المكان حلو اوى 

المكان ده من ارقى الاماكن فى المنيل شارع عبد العزيز آل سعود فى مجموعة كافيهات كبيره واسامى معروفه ومطاعم ليها قدرها

_ cafe coffee day 

_ carpaccio cafe 

_ Burger king 

_ cafè pro's 

_ دومينوز بيتزا 

_ بيت زمان

فاتك كتير لو مرحتش المكان ده 

العنوان : شارع عبد العزيز ال سعود _ المنيل

مش هنروح بعيد عن المنيل وهنكلمكم عن مطعم تاني في ال nile lounge 
القعده فيه علي النيل فى الهواء والخضره وبيكون المنظر رائع سواء الصبح او بليل 
 

 حلاوه وزعتر Halawa we Zataar 

وهو اسم على مسمى فعلآ حلاوه وهو حلاوه وجمال المكان بتتكلم عنه المكان لسه فاتح جديد بس عامل شغل كويس جدآ اما بقي عن الاكلات اللي بيقدمها فهما عندهم  احلى الأكلات اللبنانيه والأيطاليه والانترناشونال يعنى هتلاقى طلبك مهما كان 
 
العنوان : نايل لاونج شارع عبد العزيز آل سعود المنيل

Blue blue 

يعتبر ايضا من أشهر ساحات تجمع الكافيهات التي تطلّ على النيل مباشرة، 
وموجود بها مجموعه كافيهات ومطاعم مميزة ومرضية لكل الاذواق واشهرهم : 

  Coffeeshop company،Sun shadow،  سيبال Nevada ، volo’s )، ويضم مجموعة من المطاعم، منها (سي فود هاوس، الطازج ،Prego،Samurai، بيت المعلم،Just falafel، حلو وحادق ، Samurai Sushi House).

العنوان: شارع عبد العزيز آل سعود، المنيل.

 Nile lyly

ودة عبارة عن مركب ممكن تحجز جولة نيلية على يخت خاص ، عن طريق المطعم اللي هتختار تقعد فيه ، 

ويضم مركب نايل لي لي أربعة مطاعم جاليريا، وهو مكان مناسب للحفلات والاجتماعات، 

ومطعم El mundo الذي يقدّم الطعام الإسباني والمكسيكي الحار، 

و مطعم Sky Lounge هو أفضلهم، حيث يضم تراسا خارجيا هو الأقرب للنيل،

وعند اصطحاب الأطفال إلى مركب نايل لي لي، يفضل مطعم الأندلسية، لوجود منطقة مخصّصة لألعاب الأطفال داخله.

العنوان : 70 شارع عبدالعزيز آل سعود، المنيل

كافيهات ومطاعم علي النيل في الجيزة 

 بيت الخيمة فرع كورنيش النيل 

ودة عبارة عن خيمة بدوية علي النيل و روقان إلي أبعد الحدود 

هتلاقي قعدة الخيم البدوي و اكل المشاوي و استاف نوبي في وش الView بتاع النيل مباشرة في خيمة كبيرة للناس عموما و في خيم صغيرة Private علي النيل و في خيم Private علي الجنينة و في قعدات بدوي علي البحيرات اللي عاملينها و فيه علي النيل 

كل دة موفرينو ليك عشان تفصل عن العالم الخارجي و تنعزل و تاكل و انت باصص علي النيل ... الاسعار معقولة جدا مش غالي ... ولو انتو جروب بقي ممكن تتكلموا معاهم  و تتفقو علي نقطة تجمع في علي الكورنيش و بتيجي فلوكة تأخذكم في رحلة نيلية لحد

المكان و ترجعم تانيبس لازم تكلموهم لانها بتطلع حسب العدد ولو انتم جروب كبير هتكون تكلفة الفرد 20 جنيه  تقريبا.

هم قدروا يحققوا معادلة صعبة جدا في انهم جمعو الجو البدوي و الخيم بتاعته بالجو النوبي بالنيل بتاعه ده غير انهم بيعملو حفلات كل Weekend وفي جنبهم ملاهي اطفال لو حابب الاولاد يلعبو شوية ,طبعا كل ده مع الView و اسعار و كوالتي الاكل الموضوع لطيف 

العنوان : اخر كورنيش النيل _ الوراق الجيزة قرية المنتزه امام فودافون وبجوار القصر الملكى بعد مبني وزارة الري _ الوراق الجيزه

تتخيل أن في خروجة على النيل ب 5 ج بس فى شارع البحر الاعظم فى الجيزة
 

نادى الصحفيين

 
تقدر تقعد على النيل انت واصحابك تستجم وتتمرجح و تتزحلق انت و الاولاد ده غير ان فى كافية و مطعم تقدر تطلب منهم كل اللى تحبه وباسعار مبقتش  موجودة دلوقتى 

المكان فيه شاشات عرض و بروجيكتور و بين سبورت لو حابب تتابع ماتشاتك هناك و مفيش اى رسوم نهائى من اى نوع 

المكان مفتوح جديد تقدر تنزل تقعد على النيل و محدش هيضايقك او يجبرك على انك تطلب او تشرب او تاكل اى حاجه غير اللى تحبه و العاملين هناك زوق جدا . 

و كمان تقدر تعمل عيد ميلادك هناك بتاخد التورتة بتاعتك معاك و المطعم بيقدملك اطباق صينى و شوك وسكاكين سيرفيس للتورتة ب 15 ج للفرد تدفع فى الكافتريا .

العنوان :  امام التوحيد والنور والبنك الاهلى 5 دقائق من محطة مترو المنيب

ملحوظة :- ( مسموح بدخول غير الصحفيين و العائلات ) - ( ممنوع دخول المأكولات و المشروبات ) 

أجمل كافيهات في المعادي علي النيل 

فيلا R&J

ودي فيلا 3 ادوار واخده اعظم view علي النيل و اكل كله ايطالي بطعم شرقي ميكس حلو جدا

المكان متقسم 3 قعدات احلي من بعض

- القعده الاولي : كنب و كراسي فوتيه مريحه جدا  بتبص علي النيل

- القعده التانيه : كنب فوتيه بالوان مبهجه وقعدات تانيه منفصلة الوانها مبهجه 

- القعده التالته : كراسي بامبو مريحة و الview بتاعها علي النيل مباشرة والخضرة 
 
عاملين منيو الابراج كل برج واكتر وجبة تناسبه هتلاقي عندهم Wi-Fi و فيه جراج جمب المكان 

مفيش مينمم تشارج

العنوان: كورنيش النيل المعادي بجوار جمعية الأورمان 

كافيه fish boat

ودة مكان على النيل عبارة عن سفينه كبيره دورين فوق بعض
 
 الدور الاول  Indoor عبارة عن قاعه كبيره مغلقه ومكيفه 

والدور التانى out door مكان مفتوح شايف النيل قدامك وقاعد فى الهواء والمنظر تحفه نيل وخضره

المكان بيقدم  فطار وغدا وعشا وفي افواج سياحية بتيجى وبيكون فى اوبن بوفيه والمكان مناسب جدآ لاى مناسبه عائليه او شخصية او حتى لعيد * بصوا من الاخر كده كانت وليييمه جامده جدآ جدآ واستمتعنا بالمكان والقعده والأكل وكل حاجه حلوه هناك
 
العنوان : كورنيش النيل أول مصر القديمة _ طريق المعادى

خروجات ومطاعم علي النيل - كورنيش الزمالك

  Heaven47n

 
المكان فى الزمالك كورنيش أبو الفدا بعد left bank ... روحوا جربوه و اتصورو وافصلوا عن الدنيا هتنبسطوا جدا من جمال وروعه المكان 

المكان من افضل الاماكن الموجوده في القاهرة لمحبي الروقان و الاسترخاء وا راحه البال

عنوانهم 47 شارع ابو الفدا الزمالك

Spectra El Shagara

المطعم بيقدم "سبكترا" قائمة طويلة من الأطباق المميزة، ويتميّز موقع المطعم في الزمالك بإطلالة رائعة على النيل مباشرة، ويمكن السير على الممشى وسط الماء، والاستمتاع بالمشروبات التي يقدمها الكافيه، الحد الأدنى للطلبات في سبكترا 50 جنيها.

العنوان :الزمالك ، أمام فندق كونراد، كورنيش النيل.

وبكدة يكون مقالنا خلص واتكلمنا عن خروجات ومطاعم موجودة علي  كورنيش النيل في القاهرة للي بيحبوا القعدة علي النيل وممكن تشوف مقال كامل  من هنا عن : اماكن الخروج والترفيه في المعادي   

جديد : ابعد عن الخروجات التقليدية، احجز وادفع أونلاين كل اللي نفسك فيه وانت قاعد مكانك . 

1. اكتشف جمال النيل واحجز من هنا  فلوكة بتكفي لحد 5 افراد بــ 300 جنيه بس في الساعة .
2. استمتع بالموتور بوت واللي بتكفي لحد 20 فرد بأسعار تبدأ من 555 جنيه للساعة للحجز اضغط هنا . 
3. بــ 99 جنيه بس هتشوف القاهرة بمنظور تاني علي قارب كاياك في قلب النيل احجز دلوقتى من هنــا . 

ولمزيد من الخروجات والمغامرات في القاهرة اضغط هنــــا عشان تشوف كل جديد