تعتبر سنغافورة حديقة كبيرة مهما وصلت لتطور في الشجر والخضرة في كل مكان ودي أكتر حاجة بتميزها. سنغافورة دولة فى جزيرة في جنوب قارة آسيا تعتبر من اجمل واهم الاماكن السياحية فى العالم ومش كده وبس دى كمان فيها جزيرة سنتوسا ودى من اجمل 6 جزر فى العالم

البلد درجة الأمان والنظافة والصحة والتعليم فيها عالية جدا. وهنتكلم في موضوعنا عن سنغافورة بشكل تفصيلى وشامل اهم المعلومات عن البلد 
 

أهم المعلومات التي تريد معرفتها عن سنغافورة ( الفيزا - المواصلات والانتقالات - الإقامة - العملة الرسمية - اماكن  التسوق والاماكن السياحية في البلد )
 

جديد : استمتع بشهر عسل مايتنسيش في بالي / سنغافورة 

بتفكر تقضى شهر عسل مميز من غير ما تدفع فلوس كتير ، قضى 7 ايام في سنغافورة وبالي واستمتع باحلى لحظات شهر العسل في أجمل مدن اسيا.

 احجز البرنامج من هنا 

مبدأياً بالنسبة للتأشيرة : دي ليها مقال منفصل ممكن تشوفه من هنا :  كيفية الحصول على فيزا سنغافورة للمصريين الكترونياً 

سنغافورة

 

المواصلات في سنغافورة :

المترو يعتبر مغطي سنغافورة كلها وفيه شبكة باصات بتروح كل مكان في سنغافورة.

هتخرج من المطار فى اتجاه المترو تشترى كارت ثمنه 30 SGD ده تقدر تستخدمه لمدة 3 ايام وانت خارج من المطار بترجعه وتسترد 10 SGD يعنى تلف البلد كلها بالمتر وال bus لمدة 3 ايام ب 20 SGD بس .
 

السكن والاقامة فى سنغافورة :

 سنغافورة تعتبر من دول العالم المرتفعه التكاليف سواء في السياحة او المعيشة ، لكن التجربة تستاهل انك تزورها، الهوستيل ممكن يبدا ب 22 دولار سنغافوري.
 

عملة سنغافورة الرسمية : 

العملة الرسمية في سنغافورة هي الدولار السنغافوري وتقريبا الدولار السنغافوري يعادل حوالي 13 جنية مصري.
 

سنغافورة

 

اماكن التسوق في سنغافورة : 


 للتسوق ننصح ب (مصطفى سنتر) كل اللي هتعوزه هتلاقيه في مكان واحد ويعتبر رخيص نسبيا ,ملحوظة السنتر دة ضخم جدا يفضل لبس شوز مريح .

 
اهم الاماكن السياحية  فى سنغافورة 

- China Town ده عبارة عن محلات اكل كتير جداً (صينى- تايلاندى – كورى... ) – بازرات ومعابد .

-  جزيرة سنتوسا Sentosa Island مينفعش تروح سنغافورة ومتروحش هناك (universal Studios) المكان كبيير جدا malls, beaches – Casino -restaurants- waterfalls –telferice - shuttle bus – small train ممكن تقضى هناك اليوم كله متزهقش وفي كمان night safari 
 
- Garden by the bay 

- Boutique Garden 

- Little India 

- Holland Village 

- Singapore Zoo 
 
- Arab street وبه أكبر مسجد في سنغافورة 

- Marina Bay

- Singapore Flyer
 

جزيرة سنتوسا

 

 أهم الشواطئ العامة في سنغافورة :

* Changi Bed beach 

* Punggol Beach 

* St . Johns island

* Lazarus island

معلومات لازم تعرفها قبل السفر الي سنغافورة :

- المواصلات في سنغافورة بالنسبة للمترو والباصات لازم تبقي معاك مواعيدهم واماكن وصلهم.

-التاكسيات صعبه بس موجوده في المولات والمستشفيات في مواقف معينه ومش بتقف فى الشارع

-البلد منظمة وجميله بس ممنوع الاكل والسجائر غير في الأماكن المخصصة 

- ممكن تعمل رحلة لكوالالمبور بالطائرة تقريبا ساعه والتذكرة هتبقي رخيصه 

سنغافورة