إزاي تروح اكتر من دولة في اوروبا باقل تكلفة

النهاردة هنتكلم عن تجربة في اوروبا تقدر من خلالها تلف ٧ دول اوروبية  في ٩ ايام بس وهتنبسط فيهم جدا هي ممكن تبقي تجربه متعبة شوية  أو مناسبة اكتر للشباب بس فعلا هتتبسط

احنا هننقلكم التجربة زي ما هي عشان الناس تعرف ادق التفاصيل مع اضافة تعديلات بسيطة وهنقولك عن البرنامج السياحي المتبع خلال الرحلة بالتفصيل :
 
مبدأياً التقديم علي التاشيرة من سفارة فرنسا  اتكلف حوالي ( ٢٥٠٠ جنيه )

(السفارة مصاريفها حوالي ١٨٠٠ غير التامين والترجمة وحجز الفندق والطيران يعني ممكن يوصل ٢٥٠٠ جنيه )

* ولو حابب تعرف اكتر عن التاشيرة ممكن تشوف الاوراق المطلوبة من خلال المقال دة : 

 الاوراق المطلوبة للحصول علي فيزا فرنسا

حجز تذكرة طيران كان  من القاهرة الى باريس عوده ميلانو مباشر علي مصر للطيران اتكلف (٦٠٠٠ جنيه)

 

برج ايفيل - باريس - فرنسا

 

برنامج سياحي لأجمل جولة اوروبية لمدة 9 ايام بالاسعار

اليوم الاول: وصول باريس 

- وصلت باريس الساعه ١٢:٣٠ الظهر روحت علي محطة الاتوبيس gare routiere اول ما وصلت حجزت تكت لامستردام (١٥€) الساعة ١١.٣٠ بليل وسبت الشنطة في المحطة وخدت المترو ورحت اخد جولة في باريس لاني رحتها قبل كده فكان يوم واحد بالنسبالي كويس الاماكن الي رحتها كانت طبعا مشي بالترتيب 

Eiffel Tower & Alexander Bridge & Grand Palais & Champs Elysées & Arc de Triomphe & Fontaine des mers & Opéra 

وطبعا كان كفايه عشان الوقت عشان عندي اتوبيس الي أمستردام وفي اماكن كتير كان نفسي اروحها كنت رحتها قبل كده 

Sacŕe Coeur & Moulin Rouge & Louvre Museum & Saint Michel & Cathedrale Notre Dame & Hôtel de Ville 
مينفعش تروح فرنسا من غير متشوف اهم المعالم فيها

وصلت محطة الاتوبيس جبت الشنطة وركبت الباص ونمت فيه لحد الصبح وبكده وفرت ليله في فندق

 

باريس فرنسا

 

اليوم الثاني: الوصول إلى امستردام

وصلت أمستردام الساعه ٨ الصبح رحت علي الهوستل اللي كنت حاجز فيه ليلتين (٦٠ €) بالفطار طبعا check in الساعة ٢ سبت الشنطة ونزلت اتمشيت رحت 
Dam square بصراحة الصبح قبل زحمة الناس حلو جدا

Amsterdam Centrum زي وسط البلد كده 

رجعت الفندق عملت check in وارتحت ساعتين رحت Rijksmuseum 

بعدها رحت اتغديت في Albert cuyp market مكان شعبي جدا لو حابب تتعرف علي الاكل الشعبي وباليل رحت اتمشيت في red light district

 

امستردام

 

اليوم الثالث: استكشاف باقي معالم امستردام

Amsterdam centraal station خدت معدية زي بتاعه بورسعيد كده هي ببلاش رحت امستردام الشمالية مكان حلو جدا فيه مرسي يخوت بعد ما رجعت رحت Opa library of Amsterdam وطلعت اعلي دور كنت شايف امستردام كلها من فوق
رحت منطقه اسمها jordaan الي فيها البيوت الملونة بصراحه حلوة جدا

اهم الاماكن اللي رحتها في امستردام 
Dam square & Madame Tussauds & Royal palace & mangan plaza & henk comics & Amsterdam Noord & Rembrandt Square & Rijksmuseum & Red light district

 

امستردام

 

اليوم الرابع: وصول بروكسيل - بلجيكا

خدت باص من امستردام الي بروكسل في بلجيكا (١٢€)

وصل بروكسل الساعه ٢ الصبح سبت الشنطه في المحطة ومن المحطه رحت 
Notre Dame & Royal Museum & Mont des Arts & Grand Place & Mannekin Pis 

كانت بلد حلو جدا جدا وباليل رجت محطة الاتوبيس خدت الشنطة وحجزت باص من GOEuro من بروكسل الي برلين في المانيا  الساعه ١١ بليل (٣٥ €)

 

بروكسيل - بلجيكا

 

اليوم الخامس: وصول مدينة برلين - المانيا

وصلت برلين رحت الهوستل كنت حاجز ليلتين (٣٠ €) سبت الشنطه في الفندق ونزلت كالعادة لحد ميعاد check in 

رحت 
Alexander Platz & Berlin City centre & Berlin cathedral church & Altes museum & Brandenburg Gate & Victory column 

ولو رحت الاماكن دي بالترتيب هتاخدها مشي مش هتحتاج اي مواصلات وهتكون مستمنع وانت ماشي من كتر المناظر الطبيعية والاجواء وفي الاخر رحت الفندق عشان ارتاح شويه

 

برلين - المانيا

 

اليوم السادس: زيارة باقي معالم برلين السياحيه

صحيت براحتي عشان اقدر اواصل رحت
charlottenburg Place & kaiser Wilhelm memorial church & oberbaumbrucke (الجدار العازل ) 
وبعدها رحت designer outlet mall بس بصراحه منصحش بيه ضيع وقت كتير ع الفاضي رجعت كان اليوم يعتبر خلص رحت Brandenburg Gate تاني بليل بيبقي حلو وفيه انوار واحتفالات وانا مروح كان في طريقي checkpoint Charlie وبكده

ابقي رحت معالم برلين معظمها اذا مكنش كلها

 

برلين - المانيا

 

اليوم السابع: زيارة مدينة براغ - التشيك

حجزت باص من برلين الي براغ في التشيك (١٥€)

وصلت براغ حوالي الساعه 5pm حطيت الشنطة في المحطة لاني كنت ناوي اكمل بليل الي فينيسيا
ملحقتش اخد حقي في براغ لان الباص اتأخر شويه بس الحمد لله رحت old town وبصراحه البلد جميله جدا جدا وان شاء لله اروحها تاني رحت church of our lady & Nove Mesto & charles Bridge & Brague Castle 

وكل ده مشي طبعا 

بعد كده رجعت المحطة جبت شنطتي وركبت باص الي فينيسيا في ايطاليا (٣٠€)

 

براغ - التشييك

 

اليوم الثامن: وصول مدينة فينيسيا - ايطاليا

وصلت فينيسيا الساعه ٨ الصبح سبت الشنطة في محطة piazzale Roma بصراحة عن نفسي متبسطش حسيتها ممله متنفعش تبقي لوحدك خدت باخره ولفيت بيها كل فينيسيا water bus بعدها رحت san marco & piazza san marco & saint mark's 

لقيت ملوش داعي ابات او لقيتني مفيش خاجه هعملها فرجعت محطة الباص تاني خدت شنطتي وطلعت علي ميلانو ودي اخر محطة ليا 

وصلت ميلانو حوالي الساعه ٧ بليل رحت علي الهوستيل علي طول ونمت لحد تاني يوم لان كان يوم مرهق جدا

 

فينيسيا - ايطاليا

 

اليوم التاسع: جولة فى مدينة ميلانو - ايطاليا

عملت check out وسبت الشنطة في الفندق ونزلت اتمشيت بالترتيب كده عشان متضيعش وقت 

Royal place of Milan & museum of the Milan Cathedral & Duomo di Milano & Galleria Vittorio & Teatro alla Scala & Sforzesco Castle & Arco della pace 

وبكده تبقي جبت كل معالم ميلانو في حوالي ٤ ساعات

رجعت جبت الشنطة من الفندق وطلعت علي المطار ومن المطار الي القاهرة وتمت العودة بسلام 

 

ميلانو - ايطاليا

 

ملاحظات مهمه واسئلة هتيجي في دماغك بعد ما تخلص المقال هنجاوبك عليها :

1)  موضوع ترك الشنطه في المحطات او حتي في الفندق بعد ال check out هل له مده معينه ومكانه فين وهل متوفر دائما ؟

- معظم المحطات فيها مكان للشنط وبيختلف من مكان لمكان في لوكرز وفيه موظف مسؤل زي امانات كده وبتختلف سعر كل بلد عن التانيه

في بروكسل في لوكر كبير ٥€ ووسط وصغير ٤€&٣€

في براغ كان اي شنطه ٥ € في اليوم

في فينيسيا كان اول ٤ ساعات ٥€ وبعد كده كل ساعه ١€

بالنسبه للفندق مفيش وقت محدد بتسيبها وبترجع تاخدها وقت ما تحب

 

2) بيتم حجز الباصات من خلال ابلكيشن GoEuro والدفع بيكون اونلاين
 

3) اسماء الهوستلز اللي تمت الاقامة بهم خلال الرحلة هما  : 

* Hans Brinker Hostel Amsterdam في أمستردام 
* Sunflower Hostel Berlin في برلين
*  Ostello Bello Grande  في ميلان 

واجمالي تكاليف الاقامة كانت حوالي ٢٤٠٠ جنيه 

 

4) التجربة كانت في منتصف شهر اكتوبر 2018 

وبكدة تكون التجربة خلصت ودة مقال هيساعدك تعرف اكتر عن : خطوات التقديم علي فيزا الشنغن وكيفية الحصول عليها
 

تجربة : الاستاذ Ahmed Elneely